1Фес 1 Фесаланікійцам, раздзел Першае пасланне да Фесаланікійцаў, раздзел 4
За гэтым, браты, просім і молім вас Ісусам Хрыстом, каб вы, прыняўшы ад нас, як трэба вам паводзіцца і дагаджаць Богу, у гэтым яшчэ большы посьпех займелі,Флп 1:27
бо вы ведаеце, якія мы далі вам запаведзі ад Госпада Ісуса.
Бо воля Божая ёсьць асьвячэньне вашае, каб вы ўстрымліваліся ад распусты;Рым 6:22; Рым 12:2
каб кожны з вас умеў захоўваць свой сасуд у сьвятасьці і гонары,1Кар 6:18
а не ў запале пахацінства, як язычнікі, што ня ведаюць Бога;
каб вы ні ў чым не паводзіліся з братам сваім супрацьзаконна і карысьліва: бо Гасподзь - мсьцівец за ўсё гэта, як і раней мы казалі вам і сьведчылі.1Цім 6:10
Бо паклікаў нас Бог не да нячысьціні, а да сьвятасьці.1Кар 1:2; Эф 1:4
А таму непакорлівы ёсьць непакорны не чалавеку, а Богу, Які і даў нам Духа Свайго Сьвятога.Лк 10:16; 1Кар 2:10
Пра браталюбства ж няма патрэбы пісаць вам, бо вы самі навучаны Богам любіць адно аднаго,Ян 13:34; Ян 15:12; 1Ян 3:11
бо вы так і робіце з усімі братамі па ўсёй Македоніі. Молім вас, браты, яшчэ болей старацца
і рупліва дбаць пра тое, каб жыць ціхмяна, рабіць сваю справу і працаваць сваімі рукамі, як мы наказвалі вам;Эф 4:28; 2Фес 3:10
каб вы паводзіліся прыстойна перад чужымі і ні ў чым патрэбы ня мелі.Рым 13:13
Не хачу, браты, пакінуць вас у няведаньні пра памерлых, каб вы не маркоціліся, як іншыя, што ня маюць надзеі.
Бо калі мы верым, што Ісус памёр і ўваскрэс, дык і памерлых у Ісусе Бог прывядзе зь Ім.1Кар 15:20
Бо гэта кажам вам словам Гасподнім, што мы, жывыя, што засталіся да прышэсьця Гасподняга, не папярэдзім памерлых;1Кар 15:51
бо Сам Гасподзь пры абвяшчэньні, пры голасе арханёла і трубе Божай, сыдзе зь неба, і мёртвыя ў Хрысьце ўваскрэснуць раней;Мц 24:31; 2Фес 1:7
потым мы, хто застанецца жывы, разам зь імі ўзятыя будзем на воблакі на сустрэчу з Госпадам у паветры, і так вечна з Госпадам будзем.Ян 14:3; Ян 17:24
Дык вось, суцяшайце адно аднаго гэтымі словамі.