Ас Асія, раздзел Кніга прарока Асіі, раздзел 13
Калі Яфрэм гаварыў, усе трапяталі. Ён быў высокі ў Ізраілі; але зрабіўся вінаватым праз Ваала - і загінуў.3Цар 14:10; 3Цар 16:31; 4Цар 9:7
І сёньня дадалі яны да грэху: нарабілі сабе літых ідалаў з срэбра свайго паводле разуменьня свайго, - поўная праца мастакоў, - і кажуць яны людзям, якія прыносяць ахвяру: «цалуйце цяльцоў!»4Цар 17:17; 2Пар 28:3
За тое яны будуць - як ранішні туман, як раса, што скора зьнікае, як мякіна, што зьвяваецца з гумна, і як дым з коміна.Ёў 21:18; Пс 1:4
Але Я - Гасподзь Бог твой ад зямлі Егіпецкай, - і ты не павінен ведаць іншага бога апрача Мяне, і няма Збаўцы апрача Мяне.Вых 20:2; Дрз 5:6; Ас 12:9; Пс 3:9
Я прызнаў цябе ў пустыні, у зямлі сасьмяглай.Дрз 8:15
Маючы палеткі, яны былі сытныя; а калі насычаліся, дык узьвесялялася сэрца іхняе, і таму Яны забывалі МянеДрз 8:11; Дрз 31:20
І Я буду ім як леў, як ільвяня буду высочваць пры дарозе.Плач 3:10; Ас 5:14
Буду нападаць на іх, як пазбаўленая дзяцей мядзьведзіха, разьдзіраць змесьцішча сэрца іхняга, есьці іх там, як ільвіца; польныя зьвяры будуць ірваць іх.
Загубіў ты сябе, Ізраіле, бо толькі ўва Мне - апора твая!Іс 3:9; Ер 2:11
Дзе цар твой цяпер? Хай ён ратуе цябе ва ўсіх гарадах тваіх! Дзе судзьдзі твае, пра якіх казаў ты: «дай нам цара і начальнікаў?»1Цар 8:5
І Я даў табе цара ў гневе Маім і забраў - у абурэньні.Ёў 34:30; Дзеі 13:21
Зьвязаны ў вузел беззаконьні Яфрэмава, захаваны ягоны грэх.Ёў 14:17; Ер 17:1
Мукі парадзіхі спасьцігнуць яго; ён - сын неразумны, інакш не стаяў бы доўга ў становішчы, у якім нараджаюцца дзеці.Быц 35:18
Ад улады пекла Я адкуплю іх, ад смерці выбаўлю іх. Смерць! дзе тваё джала? пекла! дзе твая перамога? раскаяньня ў гэтым ня будзе ў Мяне.Пс 15:10; Пс 55:14; Дзеі 10:42; 1Кар 15:55; Габр 2:14
Хоць Яфрэм пладавіты паміж братамі, але прыйдзе ўсходні вецер, падымецца вецер Гасподні з пустыні, - і высахне крыніца яго: ён спустошыць скарбніцу ўсіх каштоўных сасудаў.Езк 19:12; Ас 4:19