Мц Мацвея, раздзел Паводле Мацвея Святое Дабравесце, раздзел 7
Ня судзеце, каб і вас ня судзілі;Лк 6:37; Рым 2:1; 1Кар 4:5
бо якім судом судзіце, такім вас судзіць будуць; і якою мераю мерыце, такою і вам будуць мерыць.Мк 4:24; Лк 6:38
І што ты глядзіш на парушынку ў воку брата твайго, а калоды ў воку сваім не адчуваеш?Лк 6:41
Альбо, як скажаш брату свайму: «Дай, я выму парушынку з вока твайго»; а вось у тваім воку калода?
Крывадушнік! вымі спачатку калоду са свайго вока, і тады ўбачыш, як выняць парушынку з вока брата твайго.
Не давайце сьвятога сабакам і ня кідайце пэрлаў вашых перад сьвіньнямі, каб яны не стапталі іх нагамі сваімі і, абярнуўшыся, не разадралі вас.
Прасеце, і дасца вам; шукайце, і знойдзеце; стукайцеся, і адчыняць вам;Мц 21:22; Мк 11:24; Лк 11:9; Ян 14:13; Як 1:6
бо кожны, хто просіць, атрымлівае, і, хто шукае, знаходзіць, і хто стукаецца, таму адчыняць.
Ці ёсьць сярод вас такі чалавек, які, калі папросіць сын ягоны ў яго хлеба, камень падаў бы яму?Лк 11:11
і калі рыбы папросіць, зьмяю падаў бы яму?
Дык вось, калі вы, ліхія, умееце дары добрыя даваць вашым дзецям, тым болей Айцец ваш, Які ёсьць у нябёсах, дасьць даброты тым, хто просіць у Яго.
І вось усё, што хочаце, каб рабілі вам людзі, тое і вы рабеце ім; бо ў гэтым закон і прарокі.Лк 6:31
Уваходзьце вузкаю брамаю; бо шырокая брама і прасторная дарога вядуць у пагібель, і многія ідуць імі;Лк 13:24
бо вузкая брама і цесная дарога вядуць у жыцьцё, і нямногія знаходзяць іх.
Асьцерагайцеся ілжывых прарокаў, якія прыходзяць да вас у авечай адзежы, а ўсярэдзіне - ваўкі драпежныя;Ер 23:16; Мц 24:4; 1Ян 4:1
па іхніх пладах пазнаеце іх. Ці ж зьбіраюць зь цярноўніку вінаград, альбо зь дзядоўніку смоквы?
Так усякае добрае дрэва родзіць і плады добрыя, а благое дрэва родзіць і плады благія:
ня можа добрае дрэва радзіць благія плады, ні дрэва благое радзіць плады добрыя.Лк 6:43
Усякае дрэва, якое ня родзіць плоду добрага, сьсякаюць і кідаюць у вагонь.Мц 3:10; Ян 15:6
Дык вось, па пладах іхніх пазнаеце іх.
Ня кожны, хто кажа Мне: «Госпадзе! Госпадзе!» увойдзе ў Царства Нябеснае, а той, хто выконвае волю Айца Майго, Які ёсьць у нябёсах.Лк 6:46; Ян 6:40; Як 1:22; Рым 2:13
Многія скажуць Мне ў той дзень: «Госпадзе! Госпадзе! ці не ад Твайго імя мы прарочылі? і ці не Тваім імем дэманаў выганялі? і ці не Тваім імем многія цуды ўчынялі?».
І тады абвяшчу ім: «Я ніколі ня знаў вас; адыдзеце ад Мяне, вы, што робіце беззаконьне».Пс 6:9; Лк 13:25; Лк 13:27
Дык вось, кожны, хто слухае гэтыя словы Мае і выконвае іх, прыпадобніцца да мужа разумнага, які збудаваў свой дом на камені;Лк 6:47
і паліўся дождж, і разьліліся рэкі, і падзьмулі вятры, і рынуліся на той дом; і ён ня ўпаў, бо пастаўлены быў на камені.
А кожны, хто слухае гэтыя словы Мае і ня выконвае іх, прыпадобніцца да мужа неразважлівага, які паставіў свой дом на пяску;
і паліўся дождж, і разьліліся рэкі, і падзьмулі вятры, і налеглі на дом той; і ён упаў, і было падзеньне яго вялікае.
І сталася, калі Ісус прамовіў гэтыя словы, дзівавалі людзі з вучэньня Яго,Мц 22:33; Мк 1:22; Лк 4:32
бо Ён іх вучыў як той, хто мае ўладу, а не як кніжнікі і фарысэі.