Пс Псалтыр, псалом Псалтыр, псалом 35
Кіроўцу хору. Раба Гасподняга Давіда.
Грэшнасьць бязбожніка гаворыць у сэрцы маім: няма страху Божага перад вачыма ягонымі,Быц 20:11
бо ягоныя вочы лісьлівяць яму, быццам шукаюць віну, каб зьненавідзець яе;4Цар 17:9
словы з вуснаў ягоных - няпраўда і хітрына; ня хоча ён быць мудрым, каб рабіць дабро.
Несправядлівасьць намышляе ён на пасьцелі сваёй, на благі становіцца шлях, ня грэбуе злом.Міх 2:1; Рым 12:9
Госпадзе! ласка Твая да нябёсаў, праўда Твая пад хмары!Пс 56:11
Праўда Твая - як горы Божыя, і суды Твае - бездань вялікая! Людзей і быдла захоўваеш Ты, Госпадзе!Рым 11:33; Ён 4:11; 1Кар 9:9
Якая каштоўная ласка Твая, Божа! Сынам чалавечым у цені крылаў Тваіх спакойна;Ёў 36:11; Пс 16:8
наядаюцца сытасьцю дома Твайго, і з плыні слодычаў Тваіх Ты выпойваеш іх,Іс 25:6; 2Кар 8:9; Адкр 21:6
бо ў Табе крыніца жыцьця; у сьвятле Тваім мы бачым сьвятло.
Пашыры ласку Тваю на тых, што Цябе ведаюць, і праўду Тваю на людзей, шчырых сэрцам,
хай не наступіць на мяне нага гардзеі, і рука грэшніка хай не прагоніць мяне.
Там упалі беззаконьнікі, скінутыя, і ня могуць устаць.