Пс Псалтыр, псалом Псалтыр, псалом 75
Кіроўцу хору. На струнных. Псальма Асафава. Песьня.
Вядомы Бог у Юдэі; Ягонае імя вялікае ў Ізраіля.
І было ў Саліме селішча Ягонае, і жыў Ён - на Сіёне.Езд 1:3
Ён там паламаў стрэлы лука, шчыт і меч і вайну.Пс 45:10; Іс 9:4
Ты слаўны, магутнейшы за дзікія горы.
Моцныя сэрцам здабычаю сталі, заснулі сном сваім, і не знайшлі ўсе мужчыны сілы ў руках сваіх.
Ад клічу Твайго, Божа Якаваў, задрамалі і калясьніца і конь.Суд 5:22
Ты грозны, і хто ўстоіць прад абліччам Тваім у час гневу Твайго?
Зь нябёсаў Ты суд абвясьціў: зямля забаялася і замоўкла,Адкр 6:17
калі паўстаў Бог на суд, каб выратаваць усіх прыгнечаных на зямлі.
І гнеў чалавечы абярнуўся на славу Табе, рэшту гневу Ты ўтаймуеш.Езк 28:22
Рабеце і давайце зарокі Госпаду, Богу вашаму; усе, хто вакол Яго, хай прынясуць дарункі Страшнаму.Пс 60:9
Ён таймуе дух валадароў, Ён страшны царам зямным.1Цар 14:15; Адкр 19:15