Lê-vi 24 trong các bản dịch khác nhau
Пераклад Сёмухі
24:1
Сёмуха
І наказаў Гасподзь Майсею сказаць:
24:2
Сёмуха
загадай сынам Ізраілевым, каб яны прынесьлі табе алею чыстага, выціснутага з алівы, дзеля асьвячэньня, каб няспынна гарэла сьвяцільня;
24:3
Сёмуха
за заслонай каўчэга адкрыцьця ў скініі сходу Аарон і сыны ягоныя павінны ставіць яе прад Госпадам ад вечара да раніцы заўсёды: гэта вечная пастанова ў роды вашыя;
24:4
Сёмуха
на сьвечніку чыстым павінны яны ставіць сьвяцільню перад Госпадам заўсёды.
24:5
Сёмуха
І вазьмі пшанічнай мукі і сьпячы зь яе дванаццаць хлябоў; у кожным хлебе павінны быць дзьве дзясятых эфы;
24:6
Сёмуха
і пакладзі іх у два рады, па шэсьць у рад, на чыстым стале прад Госпадам:
24:7
Сёмуха
і пакладзі на кожны рад чыстага лівану, і будзе гэта пры хлебе, у памяць, у ахвяру Госпаду;
24:8
Сёмуха
у кожны суботні дзень заўсёды трэба класьці іх перад Госпадам ад сыноў Ізраілевых: гэта наказ вечны;
24:9
Сёмуха
Яны будуць належаць Аарону і сынам ягоным, якія будуць есьці іх на сьвятым месцы, бо гэта вялікая сьвятыня ім з ахвяраў Гасподніх: гэта пастанова вечная.
24:10
Сёмуха
І выйшаў сын адной Ізраільцянкі, які нарадзіўся ад Егіпцяніна, да сыноў Ізраілевых, і пасварыўся ў табары сын Ізраільцянкі зь Ізраільцянінам;
24:11
Сёмуха
ганіў сын Ізраільцянкі імя Госпада і ліхасловіў. І прывялі яго да Майсея;
24:12
Сёмуха
і пасадзілі яго пад варту, пакуль ня будзе абвешчана ім воля Гасподняя.
24:13
Сёмуха
І наказаў Гасподзь Майсею сказаць:
24:14
Сёмуха
выведзі ганьбоўца прэч з табару, і ўсе, хто чуў яго, няхай пакладуць рукі свае на галаву ягоную, і ўсё супольства пабэе яго камянямі;
24:15
Сёмуха
і сынам Ізраілевым скажы: хто будзе ліхасловіць Бога свайго, той панясе грэх свой;
24:16
Сёмуха
і ганьбовец імя Гасподняга павінен памерці, камянямі пабэе яго ўсё супольства: хай тое прыхадзень, хай тубылец пачне ганіць імя, аддадзены будзе сьмерці.
24:17
Сёмуха
Хто забье якога-небудзь чалавека, той аддадзены будзе сьмерці.
24:18
Сёмуха
Хто забье быдла, павінен заплаціць за яго, быдла за быдла.
24:19
Сёмуха
Хто зробіць шкодзіну на целе блізкага свайго, таму трэба зрабіць тое самае, што ён зрабіў:
24:20
Сёмуха
пералом за пералом, вока за вока, зуб за зуб; як ён зрабіў шкодзіну на целе чалавека, так і яму трэба зрабіць.
24:21
Сёмуха
Хто забье быдла, павінен заплаціць за яго; а хто забэе чалавека, таго трэба аддаць сьмерці.
24:22
Сёмуха
Адзін суд павінен быць у вас, як прыхадню, так і тубыльцу, бо Я Гасподзь, Бог ваш.
24:23
Сёмуха
І сказаў Майсей сынам Ізраілевым; і вывелі ліхаслоўца прэч з табара, і пабілі яго камянямі, і зрабілі сыны Ізраілевыя, як загадаў Гасподзь Майсею.