Thi thiên 25 trong các bản dịch khác nhau
Ang Pulong sa Dios
25:0
APD
Awit ni David.
25:1
APD [25:1–2]
Ginoo nga akong Dios, kanimo ako nag-ampo ug nagsalig. Ayaw intawon itugot nga pildihon ako sa akong mga kaaway, aron dili ako maulawan.
25:2
APD
25:3
APD
Ang tanan nga nagsalig kanimo dili maulawan, apan kadtong nagluib kanimo maulawan.
25:4
APD
Tudloi ako, Ginoo, sa imong mga pamaagi.
25:5
APD
Tudloi ako sa pagkinabuhi subay sa imong kamatuoran, kay ikaw ang Dios nga akong manluluwas. Nagsalig ako kanimo sa kanunay.
25:6
APD
Hinumdomi, Ginoo, ang imong kaluoy ug gugma nga imong gipakita sukad pa kaniadto.
25:7
APD
Ayaw na hinumdomi ang mga sala nga akong nahimo sa batan-on pa ako. Sumala sa imong gugma hinumdomi ako, Ginoo, aron mapakita mo ang imong kaayo.
25:8
APD
Maayo ug matarong ka, Ginoo, busa ginatudloan mo ang mga makasasala sa pamaagi sa pagkinabuhi.
25:9
APD
Gigiyahan mo ang mga mapainubsanon sa pagbuhat sa matarong. Gitudloan mo sila sa imong pamaagi.
25:10
APD
Sa tanan mong ginahimo, gipadayag mo ang imong pagkamahigugmaon ug pagkamatinud-anon ngadto sa mga nagtuman sa imong kasabotan ug kasugoan.
25:11
APD
Bisan daghan ang akong mga sala, Ginoo, pasayloa ako, tungod ug alang sa imong kadungganan.
25:12
APD
Ang mga nagtahod kanimo, Ginoo, giyahan mo sa dalan nga angay nilang agian.
25:13
APD
Magkinabuhi sila nga mauswagon ug ang ilang mga kaliwat padayon nga magpuyo sa yuta sa Israel.
25:14
APD
Suod ka, Ginoo, sa mga nagtahod kanimo. Ginapahinumdoman mo sila sa imong kasabotan.
25:15
APD
Ginoo, kanunay akong nagdangop kanimo, kay ikaw ang nagluwas kanako gikan sa katalagman.
25:16
APD
Patalinghogi ako ug kaloy-i, kay nag-inusara ako ug dinaog-daog.
25:17
APD
Misamot pa gayod ang akong mga kalisdanan; luwasa ako sa akong mga kabalaka.
25:18
APD
Tan-awa ang akong mga pag-antos, ug pasayloa ang tanan kong mga sala.
25:19
APD
Tan-awa kon unsa kadaghan ang akong mga kaaway ug kon unsa kadako ang ilang pagdumot kanako.
25:20
APD
Tipigi ang akong kinabuhi ug luwasa ako! Ayaw ako pakaulawi, kay kanimo ako nagdangop.
25:21
APD
Nagkinabuhi ako nga maligdong ug matarong, busa hinaut nga panalipdan mo ako kay nagsalig ako kanimo.
25:22
APD
Luwasa, O Dios, ang mga Israelinhon sa tanan nilang mga kalisdanan.