Дзеі Апосталаў 6 у розных перакладах
Пераклад Сёмухі
6:1
Сёмуха
Тымі днямі, калі намножылася вучняў, пачалі Эліністы наракаць на Габрэяў за тое, што ўдовы іхнія занядбаныя ў штодзённай раздачы міласьціны.
6:2
Сёмуха
Тады дванаццаць апосталаў, паклікаўшы многа вучняў, сказалі: нягожа нам, занядбаўшы слова Божае, рупіцца пра застольлі.
6:3
Сёмуха
Дык вось, браты, выберыце спаміж сябе сем мужоў абазнаных, напоўненых Сьвятым Духам і мудрасьцю; іх паставім на гэтую службу;
6:4
Сёмуха
а мы ўвесь час будзем у малітве і ў служэньні словам.
6:5
Сёмуха
І спадабалася гэтая прапанова ўсёй грамадзе; і выбралі Сьцяпана, мужа, поўнага веры і Духа Сьвятога, і Піліпа, і Прохара і Міканора, і Цімона і Пармена, і Мікалая Антыахійца, навернутага зь язычнікаў;
6:6
Сёмуха
іх паставілі перад апосталамі, і яны, памаліўшыся, усклалі на іх рукі;
6:7
Сёмуха
і слова Божае расло, і лік вучняў даволі памнажаўся ў Ерусаліме; і зь сьвятароў вельмі многія ўпакорыліся веры.
6:8
Сёмуха
А Сьцяпан, поўны веры і сілы, учыняў вялікія цуды і азнакі ў народзе.
6:9
Сёмуха
Некаторыя з так званае сынагогі Лібертынцаў і Кірынейцаў і Александрыйцаў і некаторыя з Кілікіі і Асіі ўступілі ў спрэчку са Сьцяпанам;
6:10
Сёмуха
але не маглі ўстояць супраць мудрасьці і Духу, Якім ён прамаўляў.
6:11
Сёмуха
Тады падбухторылі яны некаторых сказаць: мы чулі, як ён казаў блюзьнерчыя словы на Майсея і на Бога.
6:12
Сёмуха
І ўзбурылі люд і старэйшын і кніжнікаў і напаўшы схапілі яго і павялі ў сынедрыён,
6:13
Сёмуха
і паставілі ілжывых сьведкаў, якія казалі: гэты чалавек не перастае гаварыць блюзьнерчыя словы на сьвятое месца гэтае і на закон;
6:14
Сёмуха
бо мы чулі, як ён казаў, што той Ісус Назарэй зруйнуе месца гэтае і зьменіць звычаі, якія перадаў нам Майсей.
6:15
Сёмуха
І ўсе, хто сядзеў у сынедрыёне, гледзячы на яго, бачылі аблічча ягонае, як аблічча анёла.