Лікі 1 у розных перакладах
Ang Pulong sa Dios
1:1
APD
Sa unang adlaw, sa ikaduhang bulan, sa ikaduhang tuig human mibiya ang mga Israelinhon gikan sa Ehipto, nakigsulti ang Ginoo kang Moises didto sa Tolda nga Tagboanan sa kamingawan sa Sinai. Miingon siya,
1:2
APD
“Esensus ninyo ang tibuok katilingban sa Israel sumala sa ilang mga tribo ug pamilya. Ilista ang mga ngalan sa tanang mga lalaki
1:3
APD
nga nag-edad ug 20 ka tuig pataas, nga adunay katakos sa pagpakig-gira. Kamo ni Aaron ang mangunay sa pag-ihap sa matag tribo.
1:4
APD
Motabang kaninyo ang matag pangulo sa matag tribo.
1:5
APD
“Mao kini ang mga pangulo sa matag tribo nga motabang kaninyo: “gikan kang Ruben si Elizur nga anak ni Shedeur;
1:6
APD
gikan kang Simeon si Shelumiel nga anak ni Zurishadai;
1:7
APD
gikan kang Juda si Nashon nga anak ni Aminadab;
1:8
APD
gikan kang Isacar si Netanel nga anak ni Zuar;
1:9
APD
gikan kang Zabulon si Eliab nga anak ni Helon;
1:10
APD
gikan kang Efraim nga anak ni Jose si Elishama nga anak ni Amihud; gikan kang Manases nga anak ni Jose si Gamaliel nga anak ni Pedazur;
1:11
APD
gikan kang Benjamin si Abidan nga anak ni Gideoni;
1:12
APD
gikan kang Dan si Ahiezer nga anak ni Amishadai;
1:13
APD
gikan kang Aser si Pagiel nga anak ni Ocran;
1:14
APD
gikan kang Gad si Eliasaf nga anak ni Deuel;
1:15
APD
gikan kang Neftali si Ahira nga anak ni Enan.”
1:16
APD
Mao kini sila ang mga pangulo sa matag tribo nga napili gikan sa katilingban sa Israel.
1:17
APD [1:17–18]
Gipatigom ni Moises ug ni Aaron kauban niining mga pangulo ang tibuok katilingban niana mismong adlawa. Gipanglista nila ang tanang mga lalaki nga nag-edad ug 20 ka tuig pataas, sumala sa ilang mga tribo ug pamilya.
1:18
APD
1:19
APD
Gihimo ni Moises kining pagpanglista didto sa kamingawan sa Sinai, sumala sa gisugo sa Ginoo kaniya.
1:20
APD
Gikan sa mga kaliwat ni Ruben, ang kamagulangang anak ni Jacob. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:21
APD
Ang gidaghanon gikan sa tribo ni Ruben kay 46,500.
1:22
APD
Gikan sa mga kaliwat ni Simeon. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:23
APD
Ang gidaghanon gikan sa tribo ni Simeon kay 59,300.
1:24
APD
Gikan sa mga kaliwat ni Gad. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:25
APD
Ang gidaghanon gikan sa tribo ni Gad kay 45,650.
1:26
APD
Gikan sa mga kaliwat ni Juda. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:27
APD
Ang gidaghanon gikan sa tribo ni Juda kay 74,600.
1:28
APD
Gikan sa mga kaliwat ni Isacar. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:29
APD
Ang gidaghanon gikan sa tribo ni Isacar kay 54,400.
1:30
APD
Gikan sa mga kaliwat ni Zabulon. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:31
APD
Ang gidaghanon gikan sa tribo ni Zabulon kay 57,400.
1:32
APD
Gikan mga kaliwat ni Efraim nga anak ni Jose. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:33
APD
Ang gidaghanon gikan sa tribo ni Efraim kay 40,500.
1:34
APD
Gikan sa mga kaliwat ni Manases nga anak ni Jose. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:35
APD
Ang gidaghanon gikan sa tribo ni Manases kay 32,200.
1:36
APD
Gikan sa mga kaliwat ni Benjamin. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:37
APD
Ang gidaghanon gikan sa tribo ni Benjamin kay 35,400.
1:38
APD
Gikan sa mga kaliwat ni Dan. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:39
APD
Ang gidaghanon gikan sa tribo ni Dan kay 62,700.
1:40
APD
Gikan sa mga kaliwat ni Aser. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:41
APD
Ang gidaghanon gikan sa tribo ni Aser kay 41,500.
1:42
APD
Gikan sa mga kaliwat ni Neftali. Ang tanang mga lalaki nga nag-edad ug 20 ka tuig pataas, nga adunay katakos sa pagpakig-gira, nga nalista sumala sa tribo ug pamilya.
1:43
APD
Ang gidaghanon gikan sa tribo ni Neftali kay 53,400.
1:44
APD
Mao kini ang gidaghanon sa mga lalaki nga naihap ni Moises ug ni Aaron ug sa 12 ka mga pangulo sa Israel.
1:45
APD
Ang kada usa kanila nalista sumala sa ilang pamilya. Nag-edad silag 20 ka tuig pataas, nga adunay katakos sa pagpakig-gira.
1:46
APD
Sa kinatibuk-an, mikabat ug 603,550 ang ilang gidaghanon.
1:47
APD
Wala i-apil niini ang mga kaliwat ni Levi.
1:48
APD
Kay miingon ang Ginoo kang Moises,
1:49
APD
“Ayaw i-apil ang tribo ni Levi sa pag-ihap uban sa mga Israelinhon.
1:50
APD
Ihatag kanila ang responsibilidad sa pag-atiman sa Tolda nga Pagsimbahan diin nahimutang ang Kasugoan ug ang tanang mga kagamitan niini. Sila ang modala sa Tolda ug sa tanang kagamitan niini. Kinahanglang atimanon nila ang Tolda ug magkampo sila libot niini.
1:51
APD
Kon ibalhin ang Tolda, sila ang mohipos niini ug mopatindog pagbalik. Si bisan kinsa nga dili kaliwat ni Levi nga moduol sa Tolda, pagapatyon.
1:52
APD
Magkampo ang matag tribo sa Israel sa dapit nga gitagana kanila ug magbutang ug ilang bandera.
1:53
APD
Apan ang mga kaliwat ni Levi kinahanglan magkampo libot sa Tolda diin nahimutang ang Kasugoan, aron dili ako masuko sa tibuok katilingban sa Israel. Ang mga kaliwat ni Levi mao ang responsable sa pag-atiman sa Tolda.”
1:54
APD
Gihimo sa mga Israelinhon ang tanan sumala sa gisugo sa Ginoo kang Moises.