Псалтыр 116 у розных перакладах
Ang Pulong sa Dios
116:1
APD
Gihigugma ko ang Ginoo, kay gidungog niya ang akong pagpangayo ug tabang kaniya.
116:2
APD
Tungod kay gipatalinghogan niya ako, dili ako moundang sa pagtawag kaniya samtang nagkinabuhi pa ako.
116:3
APD
Nahadlok ako kay nabati ko nga murag hapit na akong mamatay; ang kamatayon daw pisi nga naglambod kanako. Nahasol gayod ako ug naguol,
116:4
APD
busa nanawag ako sa Ginoo, “Ginoo, luwasa ako!”
116:5
APD
Ang Ginoo nga atong Dios maluloy-on, matarong, ug adunay kahangawa.
116:6
APD
Ang Ginoo gipanalipdan ang mga walay alamag. Sa dihang wala na gayod akoy mahimo, giluwas niya ako.
116:7
APD
Karon makapahulay na ako ug magmalinawon tungod kay maayo kaayo ang Ginoo kanako.
116:8
APD
Tungod kay giluwas niya ako sa kamatayon, sa kasubo, ug sa kalaglagan.
116:9
APD
Busa magkinabuhi ako nga duol sa Ginoo dinhi sa kalibotan sa mga buhi.
116:10
APD
Mituo gihapon ako, bisan pa kon nakaingon ako, “Labihan gayod ang akong pag-antos.”
116:11
APD
Sa akong kahadlok miingon ako, “Wala gayoy tawo nga kasaligan.”
116:12
APD
Unsay ibalos ko sa Ginoo sa tanan niyang kaayo kanako?
116:13
APD
Mosimba ako sa Ginoo ug magdala ako ug ilimnon sa kopa ingon nga halad sa pagpasalamat kaniya sa iyang pagluwas kanako.
116:14
APD
Tumanon ko ang akong mga saad kaniya atubangan sa tanan niyang katawhan.
116:15
APD
Masakitan ang Ginoo kon adunay mamatay sa iyang matinumanong katawhan.
116:16
APD
Ginoo, ubos mo ako nga alagad. Giluwas mo ako sa pagkabihag.
116:17
APD
Mosimba ako ug mohalad ug halad sa pagpasalamat kanimo.
116:18
APD
Tumanon ko ang akong mga saad kanimo atubangan sa tanan mong katawhan,
116:19
APD
didto sa mga hawanan sa imong Templo sa Jerusalem. Dayega ang Ginoo!