Псалтыр 138 у розных перакладах
Ang Pulong sa Dios
138:1
APD
Magpasalamat ako kanimo, Ginoo, sa tibuok kong kasing-kasing. Mag-awit akog mga pagdayeg kanimo atubangan sa mga dios.
138:2
APD
Moyukbo ako nga mag-atubang sa imong Templo ug modayeg kanimo tungod sa imong gugma ug pagkamatinumanon. Kay gipakita mo nga ikaw ug ang imong pulong labaw sa tanang mga butang.
138:3
APD
Sa dihang nanawag ako kanimo, gitubag mo ako; gilig-on mo ako pinaagi sa imong kusog.
138:4
APD
Modayeg kanimo, Ginoo, ang tanang hari sa tibuok kalibotan, kay nadungog nila ang imong mga pulong.
138:5
APD
Moawit sila mahitungod sa imong gihimo, kay dako ang imong gahom.
138:6
APD
Bisan halangdon ka kaayo, Ginoo, aduna kay kahangawa sa mga mapainubsanon. Ug bisan anaa ikaw sa halayo, nahibaloan mo ang tanan nga gihimo sa mga mapahitas-on.
138:7
APD
Bisan anaa ako taliwala sa kasamok ug kalisod, ginatipigan mo ang akong kinabuhi. Ginasilotan mo ang masuk-anon kong mga kaaway, ug ginaluwas mo ako pinaagi sa imong gahom.
138:8
APD
Tumanon mo, Ginoo, ang imong mga saad kanako. Ang imong gugma walay kataposan. Ayaw pasagdi ang imong mga binuhat.