Псалтыр 34 у розных перакладах
Пераклад Сёмухі
34:1
Сёмуха
Псальма Давідава. Заступіся, Госпадзе, перад тымі, хто судзіцца са мною, зваюй тых, хто ваюе мяне;
34:2
Сёмуха
вазьмі шчыт і латы, і ўстань на дапамогу мне;
34:3
Сёмуха
агалі меч, і заступі дарогу тым, што гоняць мяне; скажы душы маёй: Я - ратунак твой!
34:4
Сёмуха
Хай пасаромяцца і паганьбуюцца тыя, хто цікуе душу маю, хай адступяцца і пакрыюцца ганьбаю тыя, хто шкоду мне намышляе;
34:5
Сёмуха
хай будуць яны, як пыл на ветры, і анёл Гасподні хай праганяе іх.
34:6
Сёмуха
Хай будзе шлях іхні цёмны і коўзкі, і анёл Гасподні няхай гоніць іх,
34:7
Сёмуха
бо яны бязь віны схавалі мне яму - сетку сваю; выкапалі яе на бязьвінную душу маю!
34:8
Сёмуха
Хай спадзе на яго пагібель нянаджаная, і сетка ягоная, якую ён схаваў на мяне, хай яго самога і ўловіць; хай у яе і ўпадзе на пропадзь сваю.
34:9
Сёмуха
А душа мая зарадуецца ў Госпадзе; усьцешыцца збавеньнем ад Яго.
34:10
Сёмуха
Усе косткі мае скажуць: «Госпадзе! хто да Цябе падобны? Ты ратуеш слабога ад дужага, беднага і ўбогага ад зьдзірцы ягонага?»
34:11
Сёмуха
Паўсталі на мяне сьведкі няправедныя: чаго я ня ведаю, - выпытваюць у мяне;
34:12
Сёмуха
плацяць мне злом за дабро, сіроцтвам душы маёй.
34:13
Сёмуха
А як былі хварэлі яны, я апранаўся ў вярэту, душу маю таміў пастом, і малітва мая вярталася ў нетру маю.
34:14
Сёмуха
Я рабіў, быццам сябру, як брату майму; я хадзіў смутны, панурыўшы голаў, як бы аплакваючы маці.
34:15
Сёмуха
А калі я спатыкаўся, яны радаваліся і зьбіраліся; зьбіраліся агуднікі супроць мяне, ня ведаю завошта, ганілі мяне, і не пераставалі;
34:16
Сёмуха
з крывадушнымі пакепнікамі скрыгаталі на мяне зубамі сваімі.
34:17
Сёмуха
Госпадзе! ці доўга будзеш глядзець на гэта? Адвядзі душу маю ад злачынстваў іхніх, ад ільвоў - самотную душу маю!
34:18
Сёмуха
Я праслаўлю Цябе на сходзе вялікім, сярод процьмы народу ўсхвалю Цябе,
34:19
Сёмуха
каб не збыткавалі зь мяне тыя, што ваявалі супроць мяне несправядліва, і не перамігваліся вачыма тыя, што ненавідзяць мяне бязьвіннага;
34:20
Сёмуха
бо не за мір прамаўляюць яны, а супроць мірных на землях плятуць аблудныя намыслы;
34:21
Сёмуха
разьзьяўляюць на мяне вусны свае; кажуць: «добра! добра! бачыла наша вока».
34:22
Сёмуха
Ты бачыў, Госпадзе, не змаўчы; Госпадзе! не аддаляйся ад мяне.
34:23
Сёмуха
Устань, прачніся на суд мой, на цяжбіну маю, Божа мой і Госпадзе мой!
34:24
Сёмуха
Судзі мяне па праўдзе Тваёй, Госпадзе, Божа мой, і хай ня радуюцца яны празь мяне;
34:25
Сёмуха
хай ня кажуць у сэрцы сваім: «добра! добра!, нам да душы!» Хай ня кажуць: «мы праглынулі яго».
34:26
Сёмуха
Няхай пасаромяцца і паганьбуюцца ўсе, хто радуецца зь няшчасьця майго; хай убяруцца ў сорам і ганьбу, хто фанабэрыцца над мною.
34:27
Сёмуха
Няхай радуюцца і весяляцца, хто маёй слушнасьці прагне, і няхай кажуць заўсёды: «хай праславіцца Гасподзь, Які зычыць міру рабу Свайму!»
34:28
Сёмуха
І язык мой будзе абвяшчаць Тваю праўду і хвалу Табе дзень у дзень.