Рымлянам 12 у розных перакладах
Пераклад Сёмухі
12:1
Сёмуха
І вось, прашу вас, браты, міласэрнасьцю Божай, аддавайце целы вашыя ў ахвяру жывую, сьвятую, Богу спадобную: на разумнае служэньне ваша;
12:2
Сёмуха
і не прыстастоўвайцеся да веку гэтага, а пераўтварайцеся абнаўленьнем розуму вашага, каб вам спазнаваць што (ёсьць) воля Божая, добрая, прыемная і дасканалая.
12:3
Сёмуха
Па дадзенай мне мілаце, кожнаму з вас кажу: ня думайце пра сябе больш, чым трэба думаць; а думайце сьціпла, у меру веры, якое кожнаму Бог удзяліў.
12:4
Сёмуха
Бо як у адным целе ў нас многа чэлесаў, але не ва ўсіх чэлесаў адно і тое самае прызначэньне,
12:5
Сёмуха
так і мы многія складаем адно цела ў Хрысьце, а паасобку адно аднаго чэлесы.
12:6
Сёмуха
І як па дадзенай нам мілаце, маем розныя здольнасьці, дык, калі гэта прароцтва - прароч у згодзе зь вераю;
12:7
Сёмуха
калі маеш служэньне, служы; калі настаўнік, вучы;
12:8
Сёмуха
калі суцешнік, суцяшай; калі раздаеш, раздавай у шчырасьці; калі начальнік, начальнічай дбайна; калі дабрачынец - дабрачынь з прыязнасьцю.
12:9
Сёмуха
Любоў хай будзе някрывадушная; цурайцеся зла, гарнецеся да дабра;
12:10
Сёмуха
пяшчотна любеце адно аднаго братняю любоўю; пашанлівасьцю адно аднаго запабягайце;
12:11
Сёмуха
у руплівасьці ня слабніце; духам успалымняйцеся; Госпаду служэце;
12:12
Сёмуха
суцяшайцеся надзеяю, у смутку будзьце цярплівыя, у малітве трывалыя;
12:13
Сёмуха
у патрэбах сьвятых бярэце ўдзел; дбайце пра гасьціннасьць да прышэльцаў;
12:14
Сёмуха
дабраслаўляйце ганіцеляў вашых; дабраслаўляйце, а не праклінайце.
12:15
Сёмуха
Радуйцеся з тымі, хто радуецца, і плачце з тымі, хто плача.
12:16
Сёмуха
Будзьце аднамысныя паміж сабою; ня мудруйце высока, а ідзеце сьледам за паслухмянымі; ня мройце пра сябе;
12:17
Сёмуха
нікому не плацеце злом за зло, а дбайце пра добрае перад усімі людзьмі.
12:18
Сёмуха
Калі можна, і ад вас тое залежыць, будзьце ў згодзе з усімі людзьмі.
12:19
Сёмуха
Ня помсьціцеся за сябе, любасныя, а дайце месца гневу Божаму. Бо напісана: «Мне помста, Я адплачу», кажа Гасподзь.
12:20
Сёмуха
Дык вось, калі твой вораг галодны, накармі яго; калі асьмяглы, напаі яго: бо, робячы гэта, ты зьбярэш на галаву ягоную распаленае вугольле.
12:21
Сёмуха
Ня будзь пераможаны злом, а перамагай зло дабром.