Рымлянам 16 у розных перакладах
Пераклад Сёмухі
16:1
Сёмуха
Даручаю вам Фіву, сястру нашу, дыяканісу царквы Кенхрэйскай:
16:2
Сёмуха
прымеце яе дзеля Госпада, як прыстойна сьвятым, і памажэце ёй, у чым яна будзе мець патрэбу ў вас; бо і яна была памочніцаю многім і мне самому.
16:3
Сёмуха
Вітайце Прыскілу і Акілу, супрацоўнікаў маіх у Хрысьце Ісусе,
16:4
Сёмуха
якія галаву сваю клалі за маю душу, якім ня я адзін дзякую, а і ўсе цэрквы зь язычнікаў, - і дамовую іхную царкву.
16:5
Сёмуха
Вітайце любаснага мне Эпанета, які ёсьць пачатак Ахаі дзеля Хрыста.
16:6
Сёмуха
Вітайце Марыям, якая шмат працавала для нас.
16:7
Сёмуха
Вітайце Андроніка і Юнію, родзічаў маіх і вязьняў са мною, якія праславіліся сярод апосталаў і яшчэ раней за мяне ўверавалі ў Хрыста.
16:8
Сёмуха
Вітайце Амплія, любаснага мне ў Госпадзе.
16:9
Сёмуха
Вітайце Урбана, супрацоўніка нашага ў Хрысьце, і Стахія, любаснага мне.
16:10
Сёмуха
Вітайце Апялеса, выпрабаванага ў Хрысьце. Вітайце верных з дому Арыставулавага.
16:11
Сёмуха
Вітайце Ірадыёна, родзіча майго. Вітайце з сваякоў Наркіса тых, якія ў Госпадзе.
16:12
Сёмуха
Вітайце Трыфону і Трыфосу, якія працуюць у Госпадзе.
16:13
Сёмуха
Вітайце Руфа, выбранага ў Госпадзе, і маці ягоную і маю.
16:14
Сёмуха
Вітайце Асінкрыта, Флягонта, Ерма, Патрова, Ярмія і іншых зь імі братоў.
16:15
Сёмуха
Вітайце Філалога і Юлію, Нірэя і сястру ягоную, і Алімпана, і ўсіх зь імі сьвятых.
16:16
Сёмуха
Вітайце адно аднаго з цалаваньнем сьвятым. Вітаюць вас усе цэрквы Хрыстовыя.
16:17
Сёмуха
Малю вас, браты, асьцерагайцеся тых, што спрычыняюць падзелы і звады, насуперак вучэньню, якога вы навучыліся, і ўхіляйцеся ад іх;
16:18
Сёмуха
бо такія людзі служаць ня Госпаду нашаму Ісусу Хрысту, а свайму чэраву, і лісьлівасьцю ды красамоўствам ачмураюць сэрцы прастадушных.
16:19
Сёмуха
Ваша пакора веры ўсім вядомая; таму я радуюся за вас, але жадаю, каб вы былі мудрыя на дабро і бясхітрасныя на зло.
16:20
Сёмуха
А Бог міру бразьне сатану пад ногі вашыя неўзабаве. Мілата Госпада нашага Ісуса Хрыста з вамі! Амін.
16:21
Сёмуха
Вітаюць вас Цімафей, супрацоўнік мой, і Луцый, Ясон і Сасыпатр, родзічы мае.
16:22
Сёмуха
Вітаю вас у Госпадзе і я Тэрцый, што пісаў гэта пасланьне.
16:23
Сёмуха
Вітае вас Гаій, гасьцінны да мяне і ўсёй царквы. Вітае вас Эраст, гарадзкі скарбнік, і брат Кварт.
16:24
Сёмуха
Мілата Госпада нашага Ісуса Хрыста з усімі вамі. Амін.