Ёў Ёў, раздзел Кніга Ёва, раздзел 15
І адказваў Эліфаз Тэманіцянін і сказаў:Ёў 4:1; Ёў 22:1
ці будзе мудры адказваць веданьнем пустым і напаўняць чэрава сваё ветрам палючым,
апраўдвацца словамі бескарыснымі і моваю, якая ня мае ніякай сілы?
Але ты адклаў і страх і за міласьць лічыш словы да Бога.
Бязбожнасьць твая так наладзіла вусны твае, і ты выбраў мову падступных.
Цябе вінавацяць вусны твае, а ня я, і твой язык гаворыць супроць цябе.Мц 12:37
Хіба ж ты першым чалавекам нарадзіўся і раней за пагоркі створаны?Выс 8:25
Хіба ж раду Божую ты чуў і прыхінуў да сябе мудрасьць?Іс 40:13; Ер 23:18
Што ведаеш ты, чаго б ня ведалі мы? што разумееш ты, чаго ня было б у нас?Ёў 13:2
І сівы і старац ёсьць сярод нас, які днямі перабольшае бацьку твайго.
Хіба маласьць табе суцяшэньні Божыя? І гэта невядома табе?
Да чаго парывае цябе сэрца тваё, і дзеля чаго так ганарыста глядзіш?
Чаго скіроўваеш супроць Бога дух твой і вуснамі тваімі прамаўляеш такія словы?
Што такое чалавек, каб быў ён чысты, і каб народжаны жанчынай быў праведны?Быц 6:5; 3Цар 8:46; 2Пар 6:36
Вось, Ён і сьвятым Сваім не давярае, і нябёсы нячыстыя ў вачах у Яго:Ёў 4:18
тым болей нячысты і разбэшчаны чалавек, які п'е беззаконьне, як ваду.Кал 2:13
Я буду гаварыць табе, слухай мяне; я раскажу табе, што бачыў,
што чулі мудрыя і ня ўтоілі чутага ад бацькоў сваіх,
якім адным аддадзена была зямля, і сярод якіх чужы не хадзіў.
Бязбожны мучыць сябе праз усе дні свае, і лік гадоў заслонены ад прыгнятальніка:Выс 28:1; Іс 48:22
гук жахаў у вушах ягоных; сярод міру ідзе на яго згубнік,Ляв 26:36
Ён не спадзяецца выратавацца ад цемры: бачыць перад сабою меч.
Ён бадзяецца за кавалак хлеба ўсюды; ведае, што ўжо гатовы, у руках у яго дзень цемры.Ёў 18:11; Пс 108:10
Палохае яго нэндза і ўціск; адольвае яго, як цар, які падрыхтаваўся да бітвы,
за тое, што ён працягваў супроць Бога руку сваю і супрацівіўся Ўсеўладнаму,Ляв 26:21
памыкаўся супроць яго з ганарыстым каркам, пад тоўстымі шчытамі сваімі;
бо ён пакрыў аблічча сваё тлушчам сваім і абклаў салам сьцёгны свае.Дрз 32:15; Пс 16:10; Пс 118:70
І ён селіцца ў гарадах спустошаных, у дамах, у якіх ня жывуць, якія асуджаны на руйнаваньне.
Не задоўжыцца ён у багацьці і не ацалее маёмасьць ягоная, і не распаўсюдзіцца па зямлі набытак ягоны.
Не ўцячэ ад цемры; парасткі ягоныя ссушыць полымя і павевам вуснаў сваіх пацягне яго.Ёў 4:9; 2Фес 2:8
Хай не давярае марнасьці аблудны, бо марнасьць будзе і платай яму.
Ня ў свой дзень ён сканае, і гольле ягонае ня будзе зелянець.Ёў 22:16; Пс 54:24; Пс 72:19; Экл 7:17
Скіне ён, як вінаградная лаза, недасьпелую ягаду сваю і, як масьліна, атрасе цьвет свой.
Так апусьцее дом бязбожнага, і агонь зжарэ намёты ліхаемства.Іс 9:19
Ён зачаў ліхое і нарадзіў няпраўду, і нутроба ягоная рыхтуе падман.Пс 7:15; Іс 59:4