Ёў Ёў, раздзел Кніга Ёва, раздзел 27
І гаварыў далей Ёў сваё ўзьнёслае слова і сказаў:
жывы Бог, Які пазбавіў мяне суду, і Ўсемагутны, Які засмуціў душу маю,
што, пакуль яшчэ дыханьне маё ўва мне і дух Божы ў ноздрах маіх,
ня скажуць вусны мае няпраўды, і язык мой ня вымавіць ілжы!Пс 14:2
Я далёкі ад таго, каб прызнаць вас справядлівымі; пакуль не памру, не саступлю беззаганнасьці маёй.
Моцна трымаў я праўду маю і ня ўпушчу яе; не папракне мяне сэрца маё праз усе дні мае.1Кар 4:4
Вораг мой будзе, як бязбожнік, і паўсталы супроць мяне, як беззаконьнік.Ёў 42:7
Бо якая надзея крывадушніку, калі возьме, калі вырве Бог душу ягоную?Як 4:3
Ці пачуе Бог лямант ягоны, калі прыйдзе на яго бяда?Пс 17:42; Выс 1:28; Выс 28:9
Ці будзе ён суцяшацца Ўсемагутным і заклікаць Бога ў любы час?Выс 15:8
Абвяшчу вам, што ў руцэ Божай; што ва Ўсемагутнага, ня ўтою.
Вось, усе вы і самыя бачылі; і навошта вы столькі пустасловіце?Пс 4:3
Вось доля чалавеку беззаконнаму ад Бога, і спадчына, якую атрымліваюць ад Усеўладнага прыгнятальнікі.Ёў 20:29
Калі памнажаюцца сыны ягоныя, дык пад меч; і нашчадкі яго не насыцяцца хлебам.Дрз 28:41; Ёў 20:10
Тых, што засталіся пасьля яго, сьмерць зьвядзе ў магілу, і ўдовы іхнія ня будуць плакаць.Пс 77:63
Калі ён набярэ кучы срэбра, як пылу, і нарыхтуе вопраткі, як гразі,
дык ён нарыхтуе, а апранацца будзе праведнік, і срэбра атрымае сабе ў долю беспахібнік.Пс 48:11
Ён будуе, як моль, дом свой і, як вартаўнік, робіць сабе будан;
кладзецца спаць багатым і такім не ўстае; расплюшчвае вочы свае, і ён ужо ня той.Пс 48:18
Як воды, спасьцігнуць яго жахі; уначы падхопіць яго бура.Ёў 15:20; Ёў 18:11
Падыме яго ўсходні вецер і панясе, і ён порстка пабяжыць ад яго.Езк 17:10
Памкнецца на яго і не пашкадуе, як бы ён ні высільваўся, каб уцячы ад рукі ягонай.
Пляснуць па ім рукамі і пасьвішчуць над ім зь месца ягонага!Езк 25:6; Нау 3:19; Саф 2:15