Ёў Ёў, раздзел Кніга Ёва, раздзел 38
Гасподзь адказваў Ёву з буры і сказаў:Вых 19:18; 3Цар 19:11; Езк 1:4
хто гэты, які азмрочвае наканаванае словамі бяз сэнсу?
Аперажы сёньня сьцёгны твае, як муж: Я буду пытацца ў цябе, і ты адказвай мне:Ёў 40:2
дзе быў ты, калі Я закладваў асновы зямлі? скажы, калі ведаеш.Быц 1:1
Хто паклаў меру ёй, калі ведаеш? альбо хто працягваў па ёй вяроўку?Выс 30:4
На чым умацаваны асновы яе, альбо хто паклаў кутні камень на ёй,Ёў 26:7
пры ўсеагульнай радасьці ранішніх зорак, калі сыны Божыя ўсклікалі ад захапленьня?Дан 7:10
Хто зачыніў мора брамаю, калі яно вырвалася, выйшла як бы з чэрава,Ёў 26:10
калі воблакі зрабіў вопраткаю ягонай і мглу пялёнамі ягонымі,
і зацьвердзіў яму Маё вызначэньне, і паставіў завалы і браму,Выс 8:29; Пс 103:9
і сказаў: дагэтуль дойдзеш і не пяройдзеш, і тут мяжа пагардлівым хвалям тваім?
Ці даваў ты калі ў жыцьці сваім загад раніцы і ці ўказваў зары месца яе,
каб яна ахапіла краі зямлі і страсянула зь яе бязбожных,
каб зямля зьмянілася, як гліна пад пячаткаю, і сталася, як рознаколерная вопратка,
і каб адабралася ў бязбожных сьвятло іхняе і дзёрзкая рука іхняя паламалася?Ёў 18:5; Езк 30:22
Ці сыходзіў ты ў глыбіню мора і ці ўваходзіў у дасьледаваньне бездані?Пс 76:20
Ці адчынялася табе брама сьмерці, і ці бачыў ты браму ценю сьмяротнага?Ёў 10:21; Іс 14:9
Ці агледзеў ты шырыню зямлі? Растлумач, калі ведаеш усё гэта?
Дзе дарога да жытлішча сьвятла, і дзе месца цемры?
Ты, вядома, даходзіў да межаў яе і ведаеш сьцежкі да дома яе.
Ты ведаеш гэта, бо ты быў ужо тады народжаны, і лік дзён тваіх вельмі вялікі.Пс 38:5
Ці ўваходзіў ты ў сховішчы сьнегу і ці бачыў ты скарбніцы граду,
якія сьцерагу я на час смутны, на дзень бітвы і вайны?Вых 9:14; Нав 10:11
Па якім шляху разьліваецца сьвятло і разносіцца ўсходні вецер па зямлі?
Хто праводзіць пратокі для выліваньня вады і шлях граманоснай маланцы,Пс 134:7; Ер 10:13
каб падаў дождж на зямлю бязьлюдную, на пустыню, дзе няма чалавека,
каб насычаць пустыню і стэп і абуджаць травяныя зародкі да росту?Пс 106:35
Ці ёсьць у дажджу бацька? альбо хто нараджае кроплі расы?Ёў 5:10; Ёў 36:27; Ер 14:22
З чыйго чэрава выходзіць лёд, і іней нябесны, - хто родзіць яго?
Воды, як камень, мацнеюць, і паверхня бездані замярзае.
Ці можаш ты завязаць вузел Хіма і разьвязаць повязі Кесіль?Ёў 9:9; Іс 13:10
Ці можаш ты выводзіць сузорэі ў свой час і весьці Ас зь яе дзецьмі?
Ці ведаеш ты статуты неба, ці можаш усталяваць валадараньне яго на зямлі?Ер 31:35
Ці можаш узвысіць голас твой да воблакаў, каб вада шчодра пакрыла цябе?
Ці можаш пасылаць маланкі, і ці пойдуць яны і ці скажуць табе: вось мы?
Хто ўклаў мудрасьць у сэрца, альбо хто даў сэнс розуму?Ёў 32:8
Хто можа разьлічыць воблакі сваёю мудрасьцю і ўтрымаць судзіны неба,Ёў 26:8
калі пыл абарочваецца ў гразь і камлыгі зьліпаюцца?
Ці ты ловіш здабычу ільвіцы і корміш маладых ільвянят,Пс 103:21
калі яны ляжаць у бярлогах альбо тояцца пад ценем у засадзе?
Хто рыхтуе ворану корм ягоны, калі птушаняты яго крычаць да Бога, бадзяючыся безь ежы?Пс 146:9