Пс Псалтыр, псалом Псалтыр, псалом 38
Кіроўцу хору, Ідытуму. Псальма Давідава.1Пар 16:42
Я сказаў: пільнавацьмуся дарогі сваёй, каб маім языком не грашыць; цугляцьму я вусны мае, пакуль бязбожны перада мною.Пс 140:3
Я быў нямы і безгалосы і маўчаў нават пра добрае; і жальба мая памацнела,Пс 107:14
запалілася сэрца маё ўва мне; у думках маіх загарэўся вагонь; я пачаў гаварыць языком маім;Дзеі 17:16
скажы мне, Госпадзе, пра канец мой і лік дзён маіх, які ён, каб я ведаў, які мой век.Рым 13:11
Вось, Ты далоняю вымераў дні мае, а век мой - як нішто прад Табою. Сапраўды, поўная марнасьць - кожны жывы чалавек.Пс 89:6; Пс 143:4
Сапраўды, чалавек ходзіць, як прывід; і марны клопат яго, зьбірае і ня ведае, каму дастанецца гэта.Ёў 8:9; Ер 17:11; Лк 12:20
І сёньня чаго мне чакаць, Госпадзе? надзея мая на Цябе.
Ад усіх беззаконьняў маіх вызвалілі мяне, не аддавай мяне на паглум неразумным.
Я зрабіўся нямы, не растульваю вуснаў маіх, бо Ты ўчыніў гэта.Мц 11:5
Ухілі ад мяне ўразы Твае; я зьнікаю ад удару пагібельнай рукі Тваёй.
Калі Ты дакорамі будзеш караць чалавека за злачынствы, рассыплецца, як ад молі, прывабнасьць ягоная. Так кожны чалавек - марны.Іс 51:8
Пачуй, Госпадзе, малітву маю, і выслухай енкі мае, ня будзь бязуважны да сьлёз маіх, бо вандроўнік я ў Цябе і прыхадзень, як бацькі мае ўсе.1Пар 29:15; 2Кар 5:6; Флп 3:20; Габр 11:13
Адступі ад мяне, каб я мог умацавацца, перш чым адыду і ня будзе мяне.