ВысPro ВыслоўіProverbs, раздзелchapter Кніга выслоўяў СаламонавыхProverbs of Solomon, раздзелchapter 15

Translations Compare

Лагодны адказ адхіляе ярасьць, а слова абразьлівае выклікае гнеў.1Цар 25:24; 1Цар 25:35; Выс 15:28

Язык мудрых прыносіць веды, а вусны неразумных выказваюць глупства.Выс 12:23

Вочы ГОСПАДА на кожным месцы, яны бачаць добрых і ліхіх.Пс 33:14; Габр 4:13

Здаровы язык — дрэва жыцьця, а зласьлівы — заламаньне духа.Выс 3:18; Выс 11:30; Выс 12:18

Неразумны грэбуе настаўленьнем бацькі, а хто зважае на дакараньні — разумнее.

У доме праведніка шмат багацьця, а ў набытках бязбожніка — замяшаньне.Пс 112:3; Ёў 20:22

Вусны мудрых сеюць веды, а сэрца бязглуздых не такое.

Ахвяра бязбожнікаў — агіда для ГОСПАДА, а малітвы правых Яму даспадобы.Выс 21:27; Іс 1:11; Ер 6:20; Ам 5:21

Агіда для ГОСПАДА — шлях бязбожніка, а таго, хто імкнецца да праведнасьці, Ён любіць.Пс 5:7

Таму, хто ўхіляецца з дарогі, — строгая кара, і той, хто дакараньне ненавідзіць, — памрэ.

Адхлань і пекла перад [вачыма] ГОСПАДА, а тым больш сэрцы сыноў чалавечых.Ёў 26:6; Пс 7:10

Насьмешнік ня любіць таго, хто яго дакарае, і да мудрых ня пойдзе.

Радаснае сэрца робіць аблічча вясёлым, а калі сэрца сумуе — дух разьбіты.Выс 17:22

Сэрца разумнае шукае веданьня, а вусны неразумных жывяцца дурнотаю.

Усе дні прыгнечанага ліхія, а ў каго добра на сэрцы, у таго заўсёды бяседа.Экл 3:12

Лепш малое ў страху перад ГОСПАДАМ, чым вялікія скарбы, а з імі трывога.Пс 37:16

Лепш крыху гародніны з любоўю, чым тлусты вол з нянавісьцю.Выс 17:1

Чалавек гняўлівы выклікае звадкі, а няскоры да гневу супакойвае спрэчку.Выс 26:21

Шлях гультая як жываплот з церня, а сьцежка правых — гладкая.1Ян 2:10

Мудры сын — радасьць для бацькі, а дурны чалавек пагарджае маці сваёй.Выс 10:1; Выс 17:25; Выс 19:13; Выс 19:26

Дурасьць — радасьць для невука, а чалавек разумны ідзе простай дарогай.

Бяз рады руйнуюцца намеры, а з мноствам дарадцаў яны зьдзяйсьняюцца.Выс 11:14; Выс 20:18

Радуецца чалавек з адказу вуснаў сваіх, і якое добрае слова адпаведнае.

Сьцежка жыцьця ў разважлівага [вядзе] ўгару, каб пазьбегнуць адхлані, якая ў доле.

ГОСПАД развальвае дом пыхліўцаў, а мяжу ўдавы Ён вызначае.Эст 7:9; Выс 2:22; Выс 12:7

Агіда для ГОСПАДА — думкі бязбожных, а прамовы чыстыя прыемныя [Яму].

Нішчыць свой дом сквапны да зыску, а хто ненавідзіць падарункі, будзе жыць.1Цім 6:9; Вых 23:8

Сэрца праведніка разважае пра адказ, а вусны бязбожнікаў вымаўляюць ліхоту.

ГОСПАД далёка ад бязбожнікаў, але малітвы праведных Ён чуе.Пс 11:5; Іс 1:15; Як 5:16

Сьвятло вачэй радуе сэрца, і добрая вестка ўмацоўвае косткі.

Вуха, якое слухае дакараньні жыцьця, будзе жыць сярод мудрых.

Хто адкідае настаўленьне, грэбуе душою сваёю, а хто слухае дакараньні, здабывае розум.

Страх перад ГОСПАДАМ навучае мудрасьці, і ўпакораньне папераджае славу.