Выс Выслоўі, раздзел Кніга выслоўяў Саламонавых, раздзел 24
Не зайздросьці людзям ліхім, не жадай быць з імі,Пс 37:1; Выс 23:17
бо пра злачыннасьць думае сэрца іхняе, і пра ліхоту вусны іхнія гавораць.Пс 10:7
Мудрасьцю будуецца дом, і розумам умацоўваецца,
і праз веданьне напаўняюцца пакоі яго ўсялякай каштоўнай і прывабнай маёмасьцю.
Мудры чалавек мае моц, і чалавек, які мае веды, умацоўвае сілу [сваю].
Таму з разважлівасьцю вядзі вайну тваю, і пры мностве дарадцаў — выратаваньне.Выс 20:18
Занадта высокая мудрасьць для неразумнага, ён не раскрывае ў брамах вуснаў сваіх.Выс 14:6
Хто задумляе рабіць ліхое, таго называюць зламысным.
Намеры бязглуздага — грэх, і [намеры] блюзьнера — агіда для чалавека.
Калі ты слабы ў дзень бедства, дык малая сіла твая.
Ратуй узятых на сьмерць, і ці ж не пашкадуеш тых, якія сказаныя на загубу?Пс 82:4
Калі скажаш: «Вось, мы ня ведалі гэтага?», ці ж Той, Хто дасьледуе сэрцы, не разумее? Ці ж Той, Хто захоўвае душу тваю, ня ведае? Ці ж Ён не аддасьць чалавеку паводле справаў ягоных?Ёў 34:11; Пс 62:13; Ер 32:19; Рым 2:6; Адкр 22:12
Еш мёд, сыне мой, бо ён добры, і соты салодкія для паднябеньня твайго.
Гэтак сама веданьне мудрасьці для душы тваёй. Калі ты знайшоў яе, ёсьць будучыня, і надзея твая не загіне.
Не цікуй, бязбожніку, каля жытла праведніка, не спусташай месца супачынку ягонага,Выс 1:11
бо сем разоў упадзе праведнік і ўстане, а бязбожнікі трапяць у няшчасьце.Пс 37:24; Ам 5:2
Ня радуйся, калі ўпадзе вораг твой, і няхай ня цешыцца сэрца тваё, калі ён спатыкнецца,Ёў 31:29
бо часам убачыць ГОСПАД, і будзе [гэта] ліхім у вачах Ягоных, і Ён адверне гнеў Свой ад яго.
Ня гневайся, [гледзячы] на ліхотнікаў і не зайздросьці бязбожнікам,Пс 37:1
бо ня будзе будучыні ліхому, і сьветач бязбожнікаў стухне.Выс 13:9
Бойся ГОСПАДА, сыне мой, і валадара, і ня зьвязвайся са змоўшчыкамі,Мц 22:21; 1Пётр 2:17; Рым 13:2
бо неспадзявана прыйдзе на іх загуба, і бедства ад іх абодвух хто можа ведаць.
Гэта таксама для мудрых: нядобра зважаць на аблічча ў судзе.Выс 18:5
Таго, хто кажа бязбожніку: «Ты праведны», будуць праклінаць народы і будуць брыдзіцца ім людзі.Іс 5:23
А тымі, што дакараюць, будуць захапляцца, і зыйдзе на іх шчодрае дабраславенства.
У вусны цалуе той, хто адказвае шчырымі словамі.
Выканай працу тваю звонку [дому] і скончы яе на полі тваім, а пасьля пабудуй дом твой.
Ня сьведчы без прычыны супраць бліжняга твайго, і не падманвай вуснамі тваімі.
Не кажы: «Як ён мне зрабіў, так і я зраблю яму, аддам чалавеку паводле справаў яго».Выс 17:13
Праходзіў я праз поле гультая і праз вінаграднік чалавека бяз розуму,
і вось, усё зарасло асотам, і крапіва пакрыла паверхню яго, і каменная агароджа зруйнаваная.Выс 15:19
І паглядзеў я, і зьвярнуў [на гэта] сэрца маё, убачыў, і атрымаў настаўленьне:
«Крыху пасьпіш, крыху падрэміш, крыху, склаўшы рукі, паляжыш.Выс 6:10
і прыйдзе, як валацуга, беднасьць твая, і нястача твая — як чалавек узброены».Выс 28:19