Пс Псалтыр, псалом Псалтыр, псалом 61
Кіраўніку хору: на струнных інструмэнтах. Давіда.
Пачуй, Божа, галашэньне маё, зваж на малітву маю!Пс 5:2; Пс 54:4
Ад краю зямлі да Цябе клічу, калі зьнемагае сэрца маё; на скалу, што ўзвышаецца нада мною, узьвядзі мяне!Пс 18:7; Іс 33:16
Бо Ты быў прыстанішчам маім, вежай моцы маёй супраць ворага.Пс 71:3
Буду жыць у намёце Тваім вечна, маю надзею пад заслонаю крылаў Тваіх. (Сэлях)Пс 36:8
Бо Ты, Божа, чуў абяцаньні мае, Ты даў валоданьне тым, што баяцца імя Твайго.
Дадай дні да дзён валадара, няхай гады яго [будуць] з пакаленьня ў пакаленьне,Пс 21:5
Няхай жыве вечна перад абліччам Божым; прызнач міласэрнасьць і праўду, каб захоўвалі яго!2Цар 7:12
Дык буду выслаўляць імя Тваё на вякі, буду спаўняць абяцаньні мае кожны дзень.Пс 50:14