РымRom РымлянамŘímanům, раздзелkapitola Пасланне да РымлянList Římanům, раздзелkapitola 4

Překlady Porovnat

Дык што, скажам, Абрагам, бацька наш, знайшоў паводле цела?

Бо калі Абрагам апраўданы ўчынкамі, ён мае пахвалу, але ня перад Богам.Эф 2:8

Бо што кажа Пісаньне? «Паверыў Абрагам Богу, і залічана яму за праведнасьць».Быц 15:6; Як 2:23; Гал 3:6

Таму, хто робіць, нагарода ня з ласкі залічваецца, але з павіннасьці;Рым 11:6

а таму, хто ня робіць, але верыць у Таго, Хто апраўдвае бязбожніка, вера ягоная залічваецца за праведнасьць.

Гэтак і Давід кажа, што шчасьце чалавеку, якому Бог залічвае праведнасьць незалежна ад учынкаў:

«Шчасьлівыя тыя, якім адпушчаныя беззаконьні і якім грахі прыкрытыя;

шчасьлівы чалавек, якому Госпад не залічыць грэху».Пс 32:1

Дык шчаснасьць гэтая для абрэзаных ці і для неабрэзаных? Бо мы кажам, што Абрагаму вера залічана за праведнасьць.

Дык калі залічана? У абразаньні ці ў неабразаньні? Не ў абразаньні, але ў неабразаньні.

I знак абразаньня ён атрымаў, як пячатку праведнасьці веры, якую [ён меў] у неабразаньні, каб быў ён бацькам усіх, хто верыць у неабразаньні, каб і ім залічана была праведнасьць,Быц 17:11

і бацькам абразаньня, тых, якія ня толькі [маюць] абразаньне, але і ходзяць па сьлядах веры ў неабразаньні бацькі нашага Абрагама.

Бо не праз Закон Абрагаму ці насеньню ягонаму [дадзена] абяцаньне быць спадкаемцам сьвету, але праз праведнасьць веры.Быц 15:6; Быц 17:5

Бо калі тыя, што праз Закон, — спадкаемцы, змарнее вера і зьнішчыцца абяцаньне;

бо Закон выклікае гнеў, бо дзе няма закону, няма парушэньня.Рым 3:20; Рым 5:13; Рым 7:8; 1Кар 15:56; Гал 3:10

Дзеля гэтага праз веру, каб было паводле ласкі, каб абяцаньне было ўгрунтаваным для ўсяго насеньня, ня толькі для таго, якое праз Закон, але і для таго, якое праз веру Абрагама, які ёсьць бацька ўсіх нас,

як напісана: «Я паставіў цябе бацькам многіх народаў», перад Богам, Якому ён паверыў, Які ажыўляе мёртвых і называе тое, што ня ёсьць, як тое, што ёсьць.Быц 17:5; Габр 11:12

Ён, насуперак надзеі, паверыў з надзеяй, што станецца бацькам многіх народаў, паводле сказанага: «Гэткае будзе насеньне тваё».Быц 15:5

I, не зьнямогшыся ў веры, ён не глядзеў на цела сваё ўжо амярцьвелае, якое мела амаль сто гадоў, і што ўлоньне Сары амярцьвела,

у абяцаньні Божым не сумняваўся недаверствам, але ўмацаваўся вераю, аддаўшы славу Богу

і маючы пэўнасьць, што Ён магутны зрабіць тое, што абяцаў.Пс 115:3; Лк 1:37

Дзеля гэтага і залічана яму за праведнасьць.

А напісана [гэта] ня дзеля яго толькі, што залічана яму,Рым 15:4

але і дзеля нас, што мае быць залічана нам, якія вераць у Таго, Хто ўваскрасіў з мёртвых Ісуса, Госпада нашага,

Які быў выдадзены дзеля грахоў нашых і ўваскрос дзеля апраўданьня нашага.Іс 53:5; 1Пётр 1:21; Рым 5:6; 1Кар 15:22