Mat Matthew, chapter The Gospel According to Matthew, chapter 21
Other script: церковнославянский
И егда́ прибли́жишася во иерусали́м, и приидо́ша в вифсфаги́ю к горе́ елео́нстей: тогда́ иису́с посла́ два ученика́,Mrk 11:1; Luk 19:29
Глаго́ля и́ма: иди́та в весь я́же пря́мо ва́ма, и а́бие обря́щета осля́ привя́зано, и жребя́ с ним: отреши́вша приведи́та ми.
И а́ще ва́ма кто рече́т что, рече́та, я́ко госпо́дь ею́ тре́бует: а́бие же по́слет я.
Сие́ же все бысть, да сбу́дется рече́нное проро́ком, глаго́лющим:
Рцы́те дще́ри сио́нове, се царь твой гряде́т тебе́ кро́ток, и всед на осля́ и жребя́, сы́на подъяре́мнича.Isa 62:11; Zec 9:9; Jhn 12:15
Ше́дша же ученика́, и сотво́рша, я́коже повеле́ и́ма иису́с,
Приведо́ста осля́ и жребя́, и возложи́ша верху́ ею́ ри́зы своя́, и все́де верху́ их.Mrk 11:7
Мно́жайшии же наро́ди постила́ху ри́зы своя́ по пути́: друзи́и же ре́заху ве́тви от древ, и постила́ху по пути́.Jhn 12:13
Наро́ди же предходя́щии (ему́) и всле́дствующии, зва́ху глаго́люще: оса́нна сы́ну дави́дову, благослове́н гряды́й во и́мя го́сподне: оса́нна в вы́шних.Psa 117:26; Mrk 11:10; Luk 19:38
И вше́дшу ему́ во иерусали́м, потрясе́ся весь град, глаго́ля: кто есть сей?
Наро́ди же глаго́лаху: сей есть иису́с проро́к, и́же от назаре́та галиле́йска.
И вни́де иису́с в це́рковь бо́жию, и изгна́ вся продаю́щыя, и купу́ющыя в це́ркви, и трапе́зы торжнико́м испрове́рже, и седа́лища продаю́щих го́луби.Mrk 11:15; Luk 19:45; Jhn 2:14
И глаго́ла им: пи́сано есть, храм мой, храм моли́твы нарече́тся: вы же сотвори́сте и верте́п разбо́йником. Isa 56:7; Jer 7:11; Mrk 11:17; Luk 19:46И приступи́ша к нему́ хро́мии и слепи́и в це́ркви: и исцели́ их.
Ви́девше же архиере́е и кни́жницы чудеса́ я́же сотвори́, и о́троки зову́щя в це́ркви, и глаго́лющя: оса́нна сы́ну дави́дову, негодова́ша.
И ре́ша ему́: слы́шиши ли, что си́и глаго́лют? иису́с же рече́ им: ей. не́сте ли чли николи́же, я́ко изоу́ст младе́нец и ссу́щих сверши́л еси́ хвалу́?Psa 8:3
И оста́вль их, изы́де вон из гра́да в вифа́нию, и водвори́ся ту.
У́тру же возвра́щся во град, взалка́.
И узре́в смоко́вницу еди́ну при пути́, прии́де к ней, и ничто́же обре́те на ней, то́кмо ли́ствие еди́но, и глаго́ла ей: да николи́же от тебе́ плода́ бу́дет во ве́ки. и а́бие и́зсше смоко́вница.Mrk 11:13
И ви́девше ученицы́ диви́шася, глаго́люще: ка́ко а́бие и́зсше смоко́вница?
Отвеща́в же иису́с рече́ им: ами́нь глаго́лю вам: а́ще и́мате ве́ру, и не усумните́ся, не то́кмо смоко́вничное сотворите́: но а́ще и горе́ сей рече́те: дви́гнися и ве́рзися в мо́ре, бу́дет.Mat 17:20; Luk 17:6; Jas 1:6
И вся, ели́ка а́ще воспро́сите в моли́тве ве́рующе, прии́мете.Mat 7:7; Mrk 11:24; Jhn 14:13
И прише́дшу ему́ в це́рковь, приступи́ша к нему́ уча́щу архиере́е и ста́рцы людсти́и, глаго́люще: ко́ею вла́стию сия́ твори́ши? и кто ти даде́ власть сию́?Mat 7:29; Mrk 11:28; Luk 20:1
Отвеща́в же иису́с, рече́ им: вопрошу́ вы и аз сло́во еди́но, е́же а́ще рече́те мне, и аз вам реку́, ко́ею вла́стию сия́ творю́.
Креще́ние иоа́нново отку́ду бе: с небесе́ ли, или́ от челове́к? они́ же помышля́ху в себе́, глаго́люще: а́ще рече́м, с небесе́: рече́т нам, почто́ у́бо не ве́ровасте ему́?
А́ще ли рече́м, от челове́к: бои́мся наро́да, вси бо и́мут иоа́нна я́ко проро́ка.Mat 14:5; Mrk 6:20
И отвеща́вше иису́сови ре́ша: не ве́мы. рече́ им и той: ни аз вам глаго́лю, ко́ею вла́стию сия́ творю́.
Что же ся вам мнит? челове́к не́кий имя́ше два сы́на, и прише́д к пе́рвому рече́: ча́до, иди́ днесь де́лай в виногра́де мое́м.
Он же отвеща́в рече́: не хощу́. последи́ же раска́явся и́де.
И присту́пль к друго́му, рече́ та́коже. он же отвеща́в рече́: аз го́споди иду́. и не и́де.
Кий от обою́ сотвори́ во́лю о́тчу! глаго́лаша ему́: пе́рвый. глаго́ла им иису́с: ами́нь глаго́лю вам, я́ко мытари́, и любоде́йцы варя́ют вы в ца́рствии бо́жии.Luk 7:29
Прии́де бо к вам иоа́нн крести́тель путе́м пра́ведным, и не ве́ровасте ему́: мытари́ же и любоде́йцы ве́роваша ему́. вы же ви́девше не раска́ястеся последи́, ве́ровати ему́.Luk 3:12
И́ну при́тчу слы́шите: челове́к не́кий бе домови́т, и́же насади́ виногра́д, и опло́том огради́ его́, и ископа́ в нем точи́ло, и созда́ столп, и вдаст и де́лателем: и оти́де.Psa 79:9; Sng 8:11; Isa 5:1; Jer 2:21; Mrk 12:1; Luk 20:9
Егда́ же прибли́жися вре́мя плодо́в, посла́ рабы́ своя́ к де́лателем, прия́ти плоды́ его́.
И е́мше де́лателе рабы́ его́, о́ваго у́бо би́ша, о́ваго же уби́ша, о́ваго же ка́мением поби́ша.Mat 5:12; Mat 23:34; Mat 23:37
Па́ки посла́ и́ны рабы́ мно́жайшя пе́рвых: и сотвори́ша им та́коже.
Последи́ же посла́ к ним сы́на своего́, глаго́ля: усрамя́тся сы́на моего́.
Де́лателе же ви́девше сы́на, ре́ша в себе́: сей есть насле́дник, прииди́те, убие́м его́, и удержи́м достоя́ние его́.Mat 26:4; Mat 27:1
И е́мше его́, изведо́ша вон из виногра́да, и уби́ша.Heb 13:12
Егда́ у́бо прии́дет господи́н виногра́да, что сотвори́т де́лателем тем?
Глаго́лаша ему́: злых зле погуби́т их, и виногра́д преда́ст ины́м де́лателем, и́же воздадя́т ему́ плоды́ во времена́ своя́.
Глаго́ла им иису́с: не́сте ли чли николи́же в писа́ниих: ка́мень, его́же не в ряду́ сотвори́шанебрего́ша зи́ждущии, сей бысть во главу́ у́гла, от го́спода бысть сей, и есть ди́вна во о́чию ва́шеюна́шею.Psa 117:22; Isa 28:16; Mrk 12:10; Luk 20:17; Act 4:11
Сего́ ра́ди глаго́лю вам, я́ко оти́мется от вас ца́рствие бо́жие, и да́стся язы́ку творя́щему плоды́ его́.
И пады́й на ка́мени сем, сокруши́тся: а на не́мже паде́т, сотры́ет и.Isa 8:14; Dan 2:44; 1Pe 2:7; Rom 9:32
И слы́шавше архиере́е и фарисе́е при́тчи его́, разуме́ша, я́ко о них глаго́лет.
И и́щуще его́ я́ти, убоя́шася наро́да: поне́же я́ко проро́ка его́ име́яху.