Łk Łukasza, rozdział Ewangelia Łukasza, rozdział 18

Глаго́лаше же и при́тчу к ним, ка́ко подоба́ет всегда́ моли́тися и не стужа́ти (си),Rz 12:12; Ef 6:18; 1Tes 5:17

глаго́ля: судия́ бе не́кий в не́коем гра́де, бо́га не боя́ся и челове́к не срамля́яся.

Вдова́ же не́кая бе во гра́де том: и прихожда́ше к нему́, глаго́лющи: отмсти́ мене́ от сопе́рника моего́.

И не хотя́ше на до́лзе вре́мени. Последи́ же рече́ в себе́: а́ще и бо́га не бою́ся, и челове́к не срамля́юся:

но зане́ твори́т ми труды́ вдови́ца сия́, отмщу́ ея́: да не до конца́ приходя́щи застои́т мене́.

Рече́ же госпо́дь: слы́шите, что судия́ непра́вды глаго́лет?

Бог же не и́мать ли сотвори́ти отмще́ние избра́нных свои́х, вопию́щих к нему́ день и нощь, и долготерпя́ о них?Ps 9:19; Łk 11:9; Obj 6:10

глаго́лю вам, я́ко сотвори́т отмще́ние их вско́ре. Оба́че сын челове́ческий прише́д у́бо обря́щет ли (си) ве́ру на земли́?

Рече́ же и ко други́м упова́ющым собо́ю, я́ко суть пра́ведницы, и уничижа́ющым про́чих, при́тчу сию́:Łk 16:15

челове́ка два внидо́ста в це́рковь помоли́тися: еди́н фарисе́й, а други́й мыта́рь.

Фарисе́й же став, си́це в себе́ моля́шеся: бо́же, хвалу́ тебе́ воздаю́, я́ко несмь я́коже про́чии челове́цы, хи́щницы, непра́ведницы, прелюбоде́е, или́ я́коже сей мыта́рь:Iz 58:3; Obj 3:17

пощу́ся двакра́ты в суббо́ту, десяти́ну даю́ всего́ ели́ко притяжу́.

Мыта́рь же издале́ча стоя́, не хотя́ше ни о́чию возвести́ на не́бо: но бия́ше пе́рси своя́, глаго́ля: бо́же, ми́лостив бу́ди мне гре́шнику.

Глаго́лю вам, я́ко сни́де сей оправда́н в дом свой па́че о́наго: я́ко всяк вознося́йся смири́тся, смиря́яй же себе́ вознесе́тся.Hi 22:29; Prz 29:23; Mt 23:12; Łk 14:11

Приноша́ху же к нему́ и младе́нцы, да их ко́снется: ви́девше же ученицы́ запрети́ша им.Mt 19:13; Mk 10:13

Иису́с же призва́в их, глаго́ла: оста́вите дете́й приходи́ти ко мне и не брани́те им: таковы́х бо есть ца́рствие бо́жие.Mt 18:3; Mt 19:14; 1P 2:2; 1Kor 14:20

Ами́нь бо глаго́лю вам: и́же а́ще не прии́мет ца́рствия бо́жия я́ко отроча́, не и́мать вни́ти в не.

И вопроси́ его́ не́кий князь, глаго́ля: учи́телю благи́й, что сотвори́в, живо́т ве́чный насле́дствую?Mt 19:16; Mk 10:17

Рече́ же ему́ иису́с: что мя глаго́леши блага, никто́же благ, то́кмо еди́н бог.

За́поведи ве́си: не прелю́бы твори́: не уби́й: не укради́: не лжесвиде́телствуй: чти отца́ твоего́ и ма́терь твою́.Wj 20:12; Pwt 5:17

Он же рече́: вся сия́ сохрани́х от ю́ности моея́.

Слы́шав же сия́, иису́с рече́ ему́: еще́ еди́наго не доконча́л еси́: вся, ели́ка и́маши, прода́ждь, и разда́й ни́щым: и име́ти и́маши сокро́вище на небеси́: и гряди́ восле́д мене́.1Tm 6:18

Он же слы́шав сие́, приско́рбен бысть: бе бо бога́т зело́.

Ви́дев же его́ иису́с приско́рбна бы́вша, рече́: ка́ко не удо́бь иму́щии бога́тство в ца́рствие бо́жие вни́дут:Prz 11:28; Mt 19:23; Mk 10:23; 1Tm 6:9

удо́бее бо есть велбу́ду сквозе́ иглине́ у́шы проити́, не́же бога́ту в ца́рствие бо́жие вни́ти.

Ре́ша же слы́шавшии: то кто мо́жет спасе́н бы́ти?

Он же рече́: невозмо́жная у челове́к возмо́жна суть у бо́га.

Рече́ же петр: се мы оста́вихом вся и по тебе́ идо́хом.Mt 19:27; Mk 10:28

Он же рече́ им: ами́нь глаго́лю вам, я́ко никто́же есть, и́же оста́вит дом, или́ роди́тели, или́ бра́тию, или́ се́стры, или́ жену́, или́ ча́да, ца́рствия ра́ди бо́жия,

и́же не прии́мет мно́жицею во вре́мя сие́, и в век гряду́щий живо́т ве́чный.

Пое́мь же обана́десяте ученики́ своя́, рече́ к ним? се восхо́дим во иерусали́м, и сконча́ются вся пи́санная проро́ки о сы́не челове́честе:Ps 21:7; Mt 20:18; Mk 10:33

предадя́т бо его́ язы́ком, и поруга́ются ему́, и укоря́т его́, и оплюю́т его́,Iz 53:7

и би́вше убию́т его́: и в тре́тий день воскре́снет.

И ти́и ничесо́же от сих разуме́ша: и бе глаго́л сей сокрове́н от них, и не разумева́ху глаго́лемых.

Бысть же егда́ прибли́жишася во иерихо́н, слепе́ц не́кий седя́ше при пути́ прося́:Mt 20:29; Mk 10:46

слы́шав же наро́д мимоходя́щь, вопроша́ше: что у́бо есть се?

Пове́даша же ему́, я́ко иису́с назаряни́н мимохо́дит.

И возопи́, глаго́ля: иису́се сы́не дави́дов, поми́луй мя.

И предиду́щии преща́ху ему́, да умолчи́т: он же па́че мно́жае вопия́ше: сы́не дави́дов, поми́луй мя.

Став же иису́с повеле́ привести́ его́ к себе́: прибли́жшуся же ему́ к нему́, вопроси́ его́,

глаго́ля: что хо́щеши, да ти сотворю́? Он же рече́: го́споди, да прозрю́.

Иису́с же рече́ ему́: прозри́: ве́ра твоя́ спасе́ тя.

И а́бие прозре́, и вслед его́ идя́ше, сла́вя бо́га. И вси лю́дие ви́девше возда́ша хвалу́ бо́гови.