Luk Luca, capitolul Evanghelia după Luca, capitolul 20
Altă scriere: церковнославянский
И бысть во еди́н от дний о́нех, уча́щу ему́ лю́ди в це́ркви и благовеству́ющу, приидо́ша свяще́нницы и кни́жницы со ста́рцыMat 21:23; Mrk 11:27
и ре́ша к нему́, глаго́люще: рцы нам, ко́ею о́бластию сия́ твори́ши, или́ кто есть да́вый тебе́ власть сию́?
Отвеща́в же рече́ к ним: вопрошу́ вы и аз еди́наго словесе́, и рцы́те ми:
креще́ние иоа́нново с небесе́ ли бе, или́ от челове́к?
Они́ же помышля́ху в себе́, глаго́люще, я́ко а́ще рече́м: с небесе́, рече́т: почто́ у́бо не ве́ровасте ему́?
а́ще ли же рече́м: от челове́к, вси лю́дие ка́мением побию́т ны: изве́стно бо бе о иоа́нне, я́ко проро́к бе.Mat 14:5
И отвеща́ша: не ве́мы отку́ду.
Иису́с же рече́ им: ни аз глаго́лю вам, ко́ею о́бластию сия́ творю́.
Нача́т же к лю́дем глаго́лати при́тчу сию́: челове́к не́кий насади́ виногра́д, и вдаде́ его́ де́лателем, и оти́де на ле́та мно́га.Isa 5:1; Jer 2:21; Mat 21:33; Mrk 12:1
И во вре́мя посла́ к де́лателем раба́, да от плода́ виногра́да даду́т ему́: де́латели же би́вше его́, посла́ша тща.
И приложи́ посла́ти друга́го раба́: они́ же и того́ би́вше и досади́вше ему́, посла́ша тща.
И приложи́ посла́ти тре́тияго: они́ же и того́ уя́звльше изгна́ша.
Рече́ же господи́н виногра́да: что сотворю́? послю́ сы́на моего́ возлю́бленнаго, еда́ ка́ко, его́ ви́девше, усрамя́тся.
Ви́девше же его́ де́лателе, мы́шляху в себе́, глаго́люще: сей есть насле́дник: прииди́те, убие́м его́, да на́ше бу́дет достоя́ние.Heb 1:2
И изве́дше его́ вон из виногра́да, уби́ша. Что у́бо сотвори́т им господи́н виногра́да?Heb 13:12
Прии́дет и погуби́т де́латели сия́, и вдаст виногра́д ине́м. Слы́шавше же реко́ша: да не бу́дет.
Он же воззре́в на них, рече́: что у́бо пи́саное сие́: ка́мень, его́же небрего́ша зи́ждущии, сей бысть во главу́ у́гла?Psa 117:22; Isa 28:16; Mat 21:42; Mrk 12:10; Act 4:11; 1Pe 2:6; Rom 9:33
Всяк пады́й на ка́мени том, сокруши́тся: а на не́мже паде́т, стры́ет его́.
И взыска́ша архиере́е и книжни́цы возложи́ти нань ру́це в той час, и убоя́шася наро́да: разуме́ша бо, я́ко к ним при́тчу сию́ рече́.
И наблю́дше посла́ша ла́ятелинаве́тников, притворя́ющих себе́ пра́ведники бы́ти: да и́мут его́ в словеси́, во е́же преда́ти его́ нача́лству и о́бласти иге́монове.Mat 22:15; Mrk 12:13
И вопроси́ша его́, глаго́люще: учи́телю, ве́мы, я́ко пра́во глаго́леши и учи́ши, и не на лица́ зри́ши, но вои́стинну пути́ бо́жию учи́ши:
досто́ит ли нам ке́сареви дань дая́ти, или́ ни?
Разуме́в же их лука́вство, рече́ к ним: что мя искуша́ете?
покажи́те ми ца́тудина́рий: чий и́мать о́браз и надписа́ние? Отвеща́вше же реко́ша: ке́сарев.
Он же рече́ им: воздади́те у́бо, я́же ке́сарева, ке́сареви, и я́же бо́жия, бо́гови.Mat 17:27; Mat 22:21; Rom 13:7
И не мого́ша зазре́ти глаго́ла его́ пред людьми́: и диви́шася о отве́те его́, и умолча́ша.
Приступи́ша же не́цыи от саддуке́й, глаго́лющии воскресе́нию не бы́ти, вопроша́ху его́,Mat 22:23; Mrk 12:18; Act 23:8
глаго́люще: учи́телю, моисе́й написа́ нам: а́ще кому́ брат у́мрет имы́й жену́, и той безча́ден у́мрет, да брат его́ по́ймет жену́ и возста́вит се́мя бра́ту своему́.Deu 25:5
Седмь у́бо бра́тий бе: и пе́рвый поя́т жену́, у́мре безча́ден:
и поя́т вторы́й жену́, и той у́мре безча́ден:
и тре́тий поя́т ю: та́кожде же и вси седмь: и не оста́виша чад, и умро́ша:
по́слежде же всех у́мре и жена́:
в воскресе́ние у́бо, кото́раго их бу́дет жена́? седмь бо име́ша ю жену́.
И отвеща́в рече́ им иису́с: сы́нове ве́ка сего́ же́нятся и посяга́ют:
а сподо́бльшиися век он улучи́ти и воскресе́ние, е́же от ме́ртвых, ни же́нятся, ни посяга́ют:
ни умре́ти бо ктому́ мо́гут: ра́вни бо суть а́нгелом, и сы́нове суть бо́жии, воскресе́ния сы́нове су́ще.
А я́ко востаю́т ме́ртвии, и моисе́й сказа́ при купине́, я́коже глаго́лет го́спода бо́га авраа́мля и бо́га исаа́кова и бо́га иа́ковля.Exo 3:6; Exo 3:16; Mat 22:32; Mrk 12:26
Бог же несть ме́ртвых, но живы́х: вси бо тому́ жи́ви суть.
Отвеща́вше же не́цый от кни́жник реко́ша: учи́телю, до́бре рекл еси́.
Ктому́же не сме́яху его́ вопроси́ти ничесо́же. Рече́ же к ним:Mat 22:42; Mrk 12:35
ка́ко глаго́лют христа́ сы́на дави́дова бы́ти?
Сам бо дави́д глаго́лет в кни́зе псало́мстей: рече́ госпо́дь го́сподеви моему́: седи́ одесну́ю мене́,Mat 22:44
до́ндеже положу́ враги́ твоя́ подно́жие нога́ма твои́ма.Psa 109:1
Дави́д у́бо го́спода его́ нарица́ет, и ка́ко сын ему́ есть?
Слы́шащым же всем лю́дем, рече́ ученико́м свои́м:
внемли́те себе́ от кни́жник, хотя́щих ходи́ти во оде́ждах, и лю́бящих целова́ния на то́ржищих и председа́ния на со́нмищих, и преждевозлежа́ния на ве́черях:Mat 23:6; Mrk 12:38; Luk 11:43
и́же снеда́ют до́мы вдови́ц, и вино́ю дале́че мо́лятсяи лицеме́рно на до́лзе мо́лятся: си́и прии́мут ли́шше осужде́ние.