Ян Яна, раздзел Паводле Яна Святое Дабравесце, раздзел 9

Іншае пісьмо: церковнославянский

Пераклады Параўнаць

И мимоиды́й ви́де челове́ка сле́па от рождества́.

И вопроси́ша его́ ученицы́ его́, глаго́люще: равви́, кто согреши́, сей ли, или́ роди́теля его́, я́ко слеп роди́ся?

Отвеща́ иису́с: ни сей согреши́, ни роди́теля его́, но да явя́тся дела́ бо́жия на нем:

мне подоба́ет де́лати дела́ посла́вшаго мя, до́ндеже день есть: прии́дет нощь, егда́ никто́же мо́жет де́лати:Ян 4:34; Ян 12:35

егда́ в ми́ре есмь, свет есмь ми́ру.Іс 42:6; Ян 1:5; Ян 8:12

Сия́ рек, плю́ну на зе́млю, и сотвори́ бре́ние от плюнове́ния, и пома́за о́чи бре́нием слепо́му,Ян 11:37

и рече́ ему́: иди́, умы́йся в купе́ли силоа́мсте, е́же сказа́ется, по́слан. И́де у́бо, и умы́ся, и прии́де ви́дя.Нээм 3:15

Сосе́ди же и и́же бя́ху ви́дели его́ пре́жде, я́ко слеп бе, глаго́лаху: не сей ли есть седя́й и прося́й?

О́вии глаго́лаху, я́ко сей есть: ини́и же глаго́лаху, я́ко подо́бен ему́ есть. Он (же) глаго́лаше, я́ко аз есмь.

Глаго́лаху же ему́: ка́ко ти отверзо́стеся о́чи?

Отвеща́ он и рече́: челове́к нарица́емый иису́с бре́ние сотвори́, и пома́за о́чи мои́, и рече́ ми: иди́ в купе́ль силоа́млю и умы́йся. Шед же и умы́вся, прозре́х.

Ре́ша у́бо ему́: ктогде той есть? Глаго́ла: не вем.

Ведо́ша (же) его́ к фарисе́ом, и́же бе иногда́ слеп.

Бе же суббо́та, егда́ сотвори́ бре́ние иису́с и отве́рзе ему́ о́чи.

Па́ки же вопроша́ху его́ и фарисе́е, ка́ко прозре́. Он же рече́ им: бре́ние положи́ мне на о́чи, и умы́хся, и ви́жу.

Глаго́лаху у́бо от фарисе́и не́цыи: несть сей от бо́га челове́к, я́ко суббо́ту не храни́т. О́вии глаго́лаху: ка́ко мо́жет челове́к гре́шен сицева́ зна́мения твори́ти? И ра́спря бе в них.Ян 7:43

Глаго́лаху (у́бо) слепцу́ па́ки: ты что глаго́леши о нем, я́ко отве́рзе о́чи твои́? Он же рече́, я́ко проро́к есть.Лк 7:16; Ян 4:19

Не я́ша у́бо ве́ры иуде́е о нем, я́ко слеп бе и прозре́, до́ндеже возгласи́ша роди́теля того́ прозре́вшаго

и вопроси́ша я, глаго́люще: сей ли есть сын ва́ю, его́же вы глаго́лете, я́ко слеп роди́ся? ка́ко у́бо ны́не ви́дит?

Отвеща́ста (же) им роди́теля его́ и ре́ста: ве́мы, я́ко сей есть сын на́ю и я́ко слеп роди́ся:

ка́ко же ны́не ви́дит, не ве́мы: или́ кто отве́рзе ему́ о́чи, мы не ве́мы: сам во́зраст и́мать, самого́ вопроси́те, сам о себе́ да глаго́лет.

Сия́ реко́ста роди́теля его́, я́ко боя́стася жидо́в: уже́ бо бя́ху сложи́лися жи́дове, да, а́ще кто его́ испове́сть христа́, отлуче́н от со́нмища бу́дет:Ян 12:42

сего́ ра́ди роди́теля его́ реко́ста, я́ко во́зраст и́мать, самого́ вопроси́те.

Возгласи́ша же втори́цею челове́ка, и́же бе слеп, и ре́ша ему́: даждь сла́ву бо́гу: мы ве́мы, я́ко челове́к сей гре́шен есть.

Отвеща́ у́бо он и рече́: а́ще гре́шен есть, не вем: еди́но вем, я́ко слеп бех, ны́не же ви́жу.

Ре́ша же ему́ па́ки: что сотвори́ тебе́? ка́ко отве́рзе о́чи твои́?

Отвеща́ им: реко́х вам уже́, и не слы́шасте: что па́ки хо́щете слы́шати? еда́ и вы ученицы́ его́ хо́щете бы́ти?

Они́ же укори́ша его́ и ре́ша ему́: ты учени́к еси́ того́: мы же моисе́овы есмы́ ученицы́:

мы ве́мы, я́ко моисе́ови глаго́ла бог: сего́ же не ве́мы, отку́ду есть.Вых 3:6

Отвеща́ челове́к и рече́ им: о сем бо ди́вно есть, я́ко вы не ве́сте, отку́ду есть, и отве́рзе о́чи мои́:

ве́мы же, я́ко гре́шники бог не послу́шает: но а́ще кто богочте́ц есть и во́лю его́ твори́т, того́ послу́шает:Выс 15:29; Іс 1:15; Міх 3:4

от ве́ка несть слы́шано, я́ко кто отве́рзе о́чи сле́пу рожде́ну:Іс 42:7

а́ще не бы был сей от бо́га, не могл бы твори́ти ничесо́же.

Отвеща́ша и ре́ша ему́: во гресе́х ты роди́лся еси́ весь, и ты ли ны у́чиши? И изгна́ша его́ вон.

Услы́ша иису́с, я́ко изгна́ша его́ вон: и обре́т его́, рече́ ему́: ты ве́руеши ли в сы́на бо́жия?

Отвеща́ он и рече́: и кто есть, го́споди, да ве́рую в него́?

Рече́ же ему́ иису́с: и ви́дел еси́ его́, и глаго́ляй с тобо́ю той есть.

Он же рече́: ве́рую, го́споди. И поклони́ся ему́.

И рече́ иису́с: на суд аз в мир сей приидо́х, да неви́дящии ви́дят, и ви́дящии сле́пи бу́дут.Мц 11:25; 2Кар 3:14

И слы́шаша от фарисе́й сия́ су́щии с ним, и ре́ша ему́: еда́ и мы сле́пи есмы́?

Рече́ им иису́с: а́ще бы́сте сле́пи бы́ли, не бы́сте име́ли греха́: ны́не же глаго́лете, я́ко ви́дим: грех у́бо ваш пребыва́ет.Ян 15:22