At Atti, capitolo Atti degli Apostoli, capitolo 3
Altra scrittura: церковнославянский
Вку́пе же петр и иоа́нн восхожда́ста во святи́лище на моли́тву в час девя́тый.
И не́кий муж, хром от чре́ва ма́тере своея́ сый, носи́мь быва́ше, его́же полага́ху по вся дни пред две́рьми церко́вными, реко́мыми кра́сными, проси́ти ми́лостыни от входя́щих в це́рковь:
и́же ви́дев петра́ и иоа́нна хотя́щыя вни́ти в це́рковь, проша́ше ми́лостыни.
воззре́в же петр нань со иоа́нном, рече́: воззри́ на ны.
Он же прилежа́ше и́ма, мня не́что от нею́ прия́ти.
Рече́ же петр: сребра́ и зла́та несть у мене́, но е́же и́мам, сие́ ти даю́: во и́мя иису́са христа́ назоре́а воста́ни и ходи́.
И емь его́ за десну́ю ру́ку воздви́же: а́бие же утверди́стеся его́ плесне́ и гле́зне,
и вскочи́в ста и хожда́ше, и вни́де с ни́ма в це́рковь, ходя́ и скачя́ и хваля́ бо́га.Is 35:6
И ви́деша его́ вси лю́дие ходя́ща и хва́ляща бо́га,
зна́ху же его́, я́ко сей бя́ше, и́же ми́лостыни ра́ди седя́ше при кра́сных две́рех церко́вных: и испо́лнишася чу́да и у́жаса о приключи́вшемся ему́.
Держа́щужеся исцеле́вшему хромо́му петра́ и иоа́нна, притеко́ша к ни́ма вси лю́дие в притво́р, нарица́емый соломо́нов, ужа́сни.1Re 6:3
Ви́дев же петр отвещава́ше к лю́дем: му́жие израилтяне, что чудите́ся о сем, или́ на ны что взира́ете, я́ко свое́ю ли си́лою или́ благоче́стием сотвори́хом его́ ходи́ти?
бог авраа́мов и исаа́ков и иа́ковль, бог оте́ц на́ших, просла́ви о́трока своего́ иису́са, его́же вы преда́сте, и отверго́стеся его́ пред лице́м пила́товым, су́ждшу о́ному пусти́ти:At 5:31; Fil 2:9
вы же свята́го и пра́веднаго отверго́стеся, и испроси́сте му́жа уби́йцу да́ти вам,Mt 27:20; Mc 15:11; Lc 23:18; Gv 18:40
нача́лника же жи́зни уби́сте: его́же бог воскреси́ от ме́ртвых, ему́же мы свиде́телие есмы́.At 2:24; At 2:32; At 5:32; At 13:30; At 17:31
И о ве́ре и́мене его́, сего́, его́же ви́дите и зна́ете, утверди́ и́мя его́: и ве́ра, я́же его́ ра́ди, даде́ ему́ всю це́лость сию́ пред все́ми ва́ми.
И ны́не, бра́тие, вем, я́ко по неве́дению сие́ сотвори́сте, я́коже и кня́зи ва́ши:Lc 23:34; Gv 16:3; At 13:27
бог же, я́же предвозвести́ усты́ всех проро́к свои́х пострада́ти христу́, испо́лни та́ко.Lc 24:27; At 26:22
Пока́йтеся у́бо и обрати́теся, да очи́ститеся от грех ва́ших,
я́ко да прии́дут времена́ прохла́дна от лица́ го́сподня, и по́слет пронарече́ннаго вам христа́ иису́са,Is 49:10
его́же подоба́ет небеси́ у́бо прия́ти да́же до лет устрое́ния всех, я́же глаго́ла бог усты́ всех святы́х свои́х проро́к от ве́ка.Os 2:23; Os 3:5; Gv 10:16
Моисе́й у́бо ко отце́м рече́: я́ко проро́ка вам воздви́гнет госпо́дь бог ваш от бра́тии ва́шея, я́ко мене́: того́ послу́шайте по всему́, ели́ка а́ще рече́т к вам:Mt 17:5; At 7:37
бу́дет же, вся́ка душа́, я́же а́ще не послу́шает проро́ка о́наго, потреби́тся от люди́й.Dt 18:15; Dt 18:18
И вси же проро́цы от самуи́ла и и́же по сих, ели́цы глаго́лаша, та́кожде предвозвести́ша дни сия́.
Вы есте́ сы́нове проро́к и заве́та, его́же завеща́ бог ко отце́м ва́шым, глаго́ля ко авраа́му: и о се́мени твое́м возблагословя́тся вся оте́чествия земна́я.Gn 12:3; At 2:39; Rm 9:4; Gal 3:8
Вам пе́рвее бог, воздви́гий о́трока своего́ иису́са, посла́ его́ благословя́ща вас, во е́же отврати́тися вам кому́ждо от злоб ва́ших.Mt 10:6; At 13:46