Eph Ephesians, chapter Epistle to the Ephesians, chapter 5
Other script: церковнославянский
Быва́йте у́бо подража́тели бо́гу, я́коже ча́да возлю́бленная,Mat 5:48
и ходи́те в любви́, я́коже и христо́с возлюби́л есть нас, и предаде́ себе́ за ны приноше́ние и же́ртву бо́гу в воню́ благоуха́ния.Jhn 13:34; 1Jn 3:11
Блуд же и вся́ка нечистота́ и лихои́мство ниже́ да имену́ется в вас, я́коже подоба́ет святы́м:1Co 6:15
и скверносло́вие, и буесло́вие, или́ кощу́ны, я́же неподо́бная, но па́че благодаре́ние:Mat 12:36; Eph 4:29
сие́ бо да ве́сте, я́ко всяк блудни́к, или́ нечи́ст, или́ лихои́мец, и́же есть идолослужи́тель, не и́мать достоя́ния в ца́рствии христа́ и бо́га.1Co 6:10
Никто́же вас да льстит су́етными словесы́, сих бо ра́ди гряде́т гнев бо́жий на сы́ны непокори́выя.Mat 24:4; Mrk 13:5; Luk 21:8; 2Th 2:3
Не быва́йте у́бо соприча́стницы сим.
Бе́сте бо иногда́ тма, ны́не же свет о го́споде: я́коже ча́да све́та ходи́те:Jhn 8:12; Jhn 12:36
плод бо духо́вный есть во вся́цей благосты́ни и пра́вде и и́стине:Gal 5:22
искуша́юще, что есть благоуго́дно бо́гови:
и не приобща́йтеся к дело́м непло́дным тмы, па́че же и облича́йте.2Co 6:14; 1Ti 5:20
Быва́емая бо о́тай от них, сра́мно есть и глаго́лати.
Вся же облича́емая от све́та я́вляются, все бо явля́емое свет есть:Jhn 3:20
сего́ ра́ди глаго́лет: воста́ни, спяй, и воскресни́ от ме́ртвых, и освети́т тя христо́с.Isa 60:1; Rom 6:4
Блюди́те у́бо, ка́ко опа́сно хо́дите, не я́коже нему́дри, но я́коже прему́дри,Col 4:5
иску́пующе вре́мя, я́ко дни́е лука́ви суть.
Сего́ ра́ди не быва́йте несмы́сленни, но разумева́йте, что есть во́ля бо́жия.Rom 12:2; 1Th 4:3
И не упива́йтеся вино́м, в не́мже есть блуд: но па́че исполня́йтеся ду́хом,Isa 5:11; Luk 21:34
глаго́люще себе́ во псалме́х и пе́ниих и пе́снех духо́вных, воспева́юще и пою́ще в сердца́х ва́ших го́сподеви,Col 3:16
благодаря́ще всегда́ о всех о и́мени го́спода на́шего иису́са христа́ бо́гу и отцу́,Isa 63:7; Col 3:17; 1Th 5:18
повину́ющеся друг дру́гу в стра́се бо́жии.
Жены́, свои́м муже́м повину́йтеся, я́коже го́споду,Col 3:18; Tit 2:5
зане́ муж глава́ есть жены́, я́коже и христо́с глава́ це́ркве, и той есть спаси́тель те́ла:1Co 11:3; Eph 1:22
но я́коже це́рковь повину́ется христу́, та́кожде и жены́ свои́м муже́м во всем.
Му́жие, люби́те своя́ жены́, я́коже и христо́с возлюби́ це́рковь, и себе́ предаде́ за ню,Gal 1:4; Col 3:19
да освяти́т ю, очистив ба́нею во́дною в глаго́ле:1Pe 3:21; Tit 3:5; Heb 9:14
да предста́вит ю себе́ сла́вну це́рковь, не иму́щу скве́рны, или́ поро́ка, или́ не́что от таковы́х, но да бу́дет свята и непоро́чна.Sng 4:7; 2Co 11:2; Eph 1:4
Та́ко до́лжни суть му́жие люби́ти своя́ жены́, я́ко своя́ телеса́: любя́й (бо) свою́ жену́, себе́ сама́го лю́бит.
Никто́же бо когда́ свою́ плоть возненави́де, но пита́ет и гре́ет ю, я́коже и госпо́дь це́рковь:
зане́ у́ди есмы́ те́ла его́, от плоти его́ и от косте́й его́.
Сего́ ра́ди оста́вит челове́к отца́ своего́ и ма́терь, и приле́пится к жене́ свое́й, и бу́дета два в плоть еди́ну.Gen 2:24; Mat 19:5; Mrk 10:7; 1Co 6:16
Та́йна сия́ велика́ есть: аз же глаго́лю во христа́ и во це́рковь.
Оба́че и вы, по еди́ному ки́йждо свою́ жену́ си́це да лю́бит, я́коже (и) себе́: а жена́ да бои́тся (своего́) му́жа.