Eph Ephesians, chapter Epistle to the Ephesians, chapter 6

Other script: церковнославянский

Translations Compare

Ча́да, послу́шайте сво́их роди́телей о го́споде: сие́ бо есть пра́ведно.Deu 5:16; Pro 23:22; Mat 15:4; Mrk 7:10; Col 3:20

Чти отца́ твоего́ и ма́терь: я́же есть за́поведь пе́рвая во обетова́нии:

да бла́го ти бу́дет, и бу́деши долголе́тен на земли́.Exo 20:12

И отцы́, не раздража́йте чад свои́х, но воспитова́йте их в наказа́нии и уче́нии го́сподни.Pro 13:25

Раби́, послу́шайте госпо́дий (свои́х) по пло́ти со стра́хом и тре́петом, в простоте́ се́рдца ва́шего, я́коже (и) христа́,1Pe 2:18; Col 3:22; Tit 2:9

не пред очи́ма то́чию рабо́тающе я́ко человекоуго́дницы, но я́коже раби́ христо́вы, творя́ще во́лю бо́жию от души́,

со благоразу́мием служа́ще я́коже го́споду, а не (я́ко) челове́ком,

ве́дяще, я́ко ки́йждо, е́же а́ще сотвори́т благо́е, сие́ прии́мет от го́спода, а́ще раб, а́ще свобо́дь.2Co 5:10

И госпо́дие, та́яжде твори́те к ним, послабля́юще (им) преще́ния, ве́дуще, я́ко и вам саме́м и тем госпо́дь есть на небесе́х, и обинове́ния лица́ несть у него́.Deu 10:17; 2Ch 19:7; Job 34:19; Wis 6:7; Sir 35:12; Gal 2:6

Про́чее же, бра́тие моя́, возмога́йте во го́споде и в держа́ве кре́пости его́:

облецы́теся во вся ору́жия бо́жия, я́ко возмощи́ вам ста́ти проти́ву ко́знем диа́волским,Rom 13:12; 1Th 5:8

я́ко несть на́ша брань кпроти́ву кро́ви и пло́ти, но к нача́лом, и ко власте́м (и) к миродержи́телем тмы ве́ка сего́, к духово́м зло́бы поднебе́сным.Jhn 12:31; Jhn 14:30; Eph 2:2

Сего́ ра́ди приими́те вся ору́жия бо́жия, да возмо́жете проти́витися в день лют и вся соде́явше ста́ти.

Ста́ните у́бо препоя́сани чресла́ ва́ша и́стиною, и обо́лкшеся в броня́ пра́вды,Luk 12:35; 1Pe 1:13

и обу́вше но́зе во угото́вание благовествова́ния ми́ра:

над все́ми же восприи́мше щит ве́ры, в не́мже возмо́жете вся стре́лы лука́ваго разжже́нныя угаси́ти:

и шлем спасе́ния восприими́те, и мечь духо́вный, и́же есть глаго́л бо́жий:Isa 59:17; 1Th 5:8; Heb 4:12

вся́кою моли́твою и моле́нием моля́щеся на вся́ко вре́мя ду́хом, и в сие́ и́стое бдя́ще во вся́ком терпе́нии и моли́тве о всех святы́хLuk 18:1; Col 4:2

и о мне, да да́стся ми сло́во во отверзе́ние уст мои́х, с дерзнове́нием сказа́ти та́йну благовествова́ния,2Th 3:1

о не́мже посо́лствую во у́зах, да в нем дерза́ю, я́коже подоба́ет ми глаго́лати.Act 21:11

Да уве́сте же и вы, я́же о мне, что де́лаю, вся ска́жет вам тихи́к, возлю́бленный брат и ве́рен служи́тель о го́споде,Act 20:4; Col 4:7

его́же посла́х к вам на сие́ и́стое, да уве́сте, я́же о нас, и да уте́шит сердца́ ва́ша.

Мир бра́тии и любо́вь с ве́рою от бо́га отца́ и го́спода иису́са христа́.

Благода́ть со все́ми лю́бящими го́спода на́шего иису́са христа́ в неистле́нии. Ами́нь.