Θεσ Α΄ Προς Θεσσαλονικείς Α΄, κεφάλαιο Παύλου του Αποστόλου η προς Θεσσαλονικείς Επιστολή Πρώτη, κεφάλαιο 5

Άλλη γραφή: церковнославянский

Μεταφράσεις Σύγκριση

А о ле́тех и о времене́х, бра́тие, не тре́бе есть вам писа́ти,Πραξ 1:7

са́ми бо вы изве́стно ве́сте, я́ко день го́сподень, я́коже тать в нощи́, та́ко прии́дет.Μτ 24:43; Πε Β΄ 3:10; Απ 3:3; Απ 16:15

Егда́ бо реку́т: мир и утвержде́ние, тогда́ внеза́пу нападе́т на них всегуби́телство, я́коже боле́знь во чре́ве иму́щей, и не и́мут избежа́ти.Λκ 21:35

Вы же, бра́тие, не́сте во тме, да день вас я́коже тать пости́гнет:

вси бо вы сы́нове све́та есте́: и сы́нове дне: не́смы но́щи, ниже́ тмы.Ρωμ 13:12

Те́мже у́бо да не спим, я́коже и про́чии, но да бо́дрствуим и трезви́мся.Μτ 24:42

Спя́щии бо, в нощи́ спят, и упива́ющиися в нощи́ упива́ются.

Мы же, сы́нове су́ще дне, да трезви́мся, оболкше́ся в броню́ ве́ры и любве́ и шлем упова́ния спасе́ния,Ησ 59:17; Εφ 6:14

я́ко не положи́ нас бог в гнев, но в получе́ние спасе́ния го́сподем на́шим иису́с христо́м,Θεσ Β΄ 2:14

уме́ршим за нас, да, а́ще бдим, а́ще ли спим, ку́пно с ним живе́м.Ρωμ 14:9

Сего́ ра́ди утеша́йте друг дру́га, и созида́йте ки́йждо бли́жняго, я́коже и творите́.

Мо́лим же вы, бра́тие, зна́йте тружда́ющихся у вас, и настоя́телей ва́ших о го́споде, и наказу́ющих вы,

и име́йте их по преизли́ха в любви́ за де́ло их: ми́рствуйте в себе́.

Мо́лим же вы, бра́тие, вразумля́йте безчи́нныя, утеша́йте малоду́шныя, заступа́йте немощны́я, долготерпи́те ко всем.Γαλ 6:2

Блюди́те, да никто́же зла за зло кому́ возда́ст: но всегда́ до́брое гони́те и друг ко дру́гу и ко всем.Παρ 17:13; Μτ 5:39; Πε Α΄ 3:9; Ρωμ 12:17

Всегда́ ра́дуйтеся.

Непреста́нно моли́теся.Λκ 18:1; Κολ 4:2

О всем благодари́те: сия́ бо есть во́ля бо́жия о христе́ иису́се в вас.

Ду́ха не угаша́йте.

Проро́чествия не уничижа́йте.Κορ Α΄ 14:1

Вся же искуша́юще, до́брая держи́те.Ιω Α΄ 4:1

От вся́кия ве́щи злы́яот вся́каго ви́да зла́го огреба́йтеся.

Сам же бог ми́ра да освяти́т вас всесоверше́нных во всем: и всесоверше́н ваш дух и душа́ и те́ло непоро́чно в прише́ствие го́спода на́шего иису́са христа́ да сохрани́тся.Θεσ Α΄ 3:13

Ве́рен призва́вый вас, и́же и сотвори́т.Κορ Α΄ 1:9

Бра́тие, моли́теся о нас.Κολ 4:3

Целу́йте бра́тию всю лобза́нием святы́м.

Заклина́ю вы го́сподем, прочести́ посла́ние сие́ пред все́ю свято́ю бра́тиею.

Благода́ть го́спода на́шего иису́са христа́ с ва́ми. Ами́нь.