2Фес 2 Фесаланікійцам, раздзел Другое пасланне да Фесаланікійцаў, раздзел 2
Іншае пісьмо: церковнославянский
Мо́лим же вы, бра́тие, о прише́ствии го́спода на́шего иису́са христа́ и на́шем собра́нии о нем,
не ско́ро подвиза́тися вам от ума́, ни ужаса́тися ниже́ ду́хом, ниже́ сло́вом, ни посла́нием а́ки от нас по́сланным, я́ко уже́ настои́т день христо́в.
Да никто́же вас прельсти́т ни по еди́ному же о́бразу: я́ко а́ще не прии́дет отступле́ние пре́жде, и откры́ется челове́к беззако́ния, сын поги́бели,Мц 24:4; Мк 13:5; Лк 21:8; Эф 5:6
проти́вник и превознося́йся па́че вся́каго глаго́лемаго бо́га и́ли чти́лища, я́коже ему́ се́сти в це́ркви бо́жиейв хра́му бо́жию а́ки бо́гу, показу́ющу себе́, я́ко бог есть.Дан 11:36
Не по́мните ли, я́ко еще́ живы́й у вас, сия́ глаго́лах вам?
И ны́не удержава́ющее ве́сте, во е́же яви́тися ему́ в свое́ ему́ вре́мя.
Та́йна бо уже́ де́ется беззако́ния, то́чию держя́й ны́не до́ндеже от среды́ бу́дет:Дзеі 20:29
и тогда́ яви́тся беззако́нник, его́же госпо́дь иису́с убие́т ду́хом уст свои́х, и упраздни́т явле́нием прише́ствия своего́,Іс 11:4; 1Ян 2:18; Адкр 19:15
его́же есть прише́ствие по де́йству сатанину́ во вся́цей си́ле и зна́мениих и чудесе́х ло́жных,
и во вся́кой льсти непра́вды в погиба́ющих, зане́ любве́ и́стины не прия́ша, во е́же спасти́ся им.
И сего́ ра́ди по́слет им бог де́йство льсти, во е́же ве́ровати им лжи,3Цар 22:22; Мц 24:24
да суд прии́мут вси не ве́ровавшии и́стине, но благоволи́вшии в непра́вде.
Мы же до́лжни есмы́ благодари́ти бо́га всегда́ о вас, бра́тие возлю́бленная от го́спода, я́ко избра́л есть вас бог от нача́ла во спасе́ние во святы́ни ду́ха и ве́ры и́стины,
в не́же призва́ вас благовествова́нием на́шим, в получе́ние сла́вы го́спода на́шего иису́са христа́.
Те́мже у́бо, бра́тие, сто́йте и держи́те преда́ния, и́мже научи́стеся или́ сло́вом, или́ посла́нием на́шим.
Сам же госпо́дь наш иису́с христо́с, и бог и оте́ц наш, возлюби́вый нас и да́вый утеше́ние ве́чно и упова́ние благо в благода́ти,
да уте́шит сердца́ ва́ша и да утверди́т (вас) во вся́цем сло́ве и де́ле бла́зе.