Θεσ Β΄ Προς Θεσσαλονικείς Β΄, κεφάλαιο Παύλου του Αποστόλου η προς Θεσσαλονικείς Επιστολή Δευτέρα, κεφάλαιο 3
Άλλη γραφή: церковнославянский
Про́чее, моли́теся о нас, бра́тие, да сло́во го́сподне тече́т и сла́вится, я́коже и в вас,Εφ 6:19
и да изба́вимся от злых и лука́вых челове́к: не всех бо есть ве́ра.
Ве́рен же есть госпо́дь, и́же утверди́т вас и сохрани́т от лука́ваго.Ιω 17:15
Упова́ем же на го́спода о вас, я́ко, я́же повелева́ем вам, и творите́ и сотворите́.
Госпо́дь же да испра́вит сердца́ ва́ша в любо́вь бо́жию и в терпе́ние христо́во.
Повелева́ем же вам, бра́тие, о и́мени го́спода на́шего иису́са христа́, отлуча́тися вам от вся́каго бра́та безчи́нно ходя́ща, а не по преда́нию, е́же прия́ша от нас:
са́ми бо ве́сте, ка́ко ле́по есть вам подо́битися нам: я́ко не безчи́нновахом у вас,Κορ Α΄ 11:1; Θεσ Α΄ 4:12
ниже́ ту́не хлеб ядо́хом у кого́, но в труде́ и по́двизе, нощь и день де́лающе, да не отягчи́м никого́же от вас:Πραξ 20:34; Κορ Α΄ 4:12; Θεσ Α΄ 2:9
не я́ко не и́мамы вла́сти, но да себе́ о́браз да́мы вам, во е́же уподо́битися нам.Κορ Α΄ 4:16
И́бо егда́ бе́хом у вас, сие́ завещава́хом вам: я́ко а́ще кто не хо́щет де́лати ниже́ да яст.Γεν 3:19
Слы́шим бо не́кия безчи́нно ходя́щыя у вас, ничто́же де́лающыя, но лука́вно обходя́щыя:
таковы́м запреща́ем и мо́лим о го́споде на́шем иису́се христе́, да с безмо́лвием де́лающе, свой хлеб ядя́т.
Вы же, бра́тие, не стужа́йте, до́брое творя́ще.Γαλ 6:9
А́ще же кто не послу́шает словесе́ на́шего посла́нием, сего́ назна́менуйте и не примеша́йтеся ему́, да посрами́тся:Μτ 18:17
и не а́ки врага́ име́йте его́, но наказу́йте я́коже бра́та.
Сам же госпо́дь ми́ра да даст вам мир всегда́ во вся́цем о́бразе: госпо́дь со все́ми ва́ми.Φιλ 4:9; Θεσ Α΄ 5:23
Целова́ние мое́ю руко́ю па́влею, е́же есть зна́мение во вся́цем посла́нии, си́це пишу́:
благода́ть го́спода на́шего иису́са христа́ со все́ми ва́ми. Ами́нь.