Heb Evrei, capitolul Epistola către Evrei, capitolul 11

Есть же ве́ра упова́емых извеще́ние, веще́й обличе́ние неви́димых.Rom 8:24

В сей бо свиде́телствовани бы́ша дре́внии.

Ве́рою разумева́ем соверши́тися веко́м глаго́лом бо́жиим, во е́же от неявля́емых ви́димым бы́ти.Gen 1:1; Psa 32:6

Ве́рою мно́жайшую же́ртву а́вель па́че ка́ина принесе́ бо́гу, е́юже свиде́телствован бысть бы́ти пра́ведник, свиде́телствующу о да́рех его́ бо́гу: и то́ю уме́рый еще́ глаго́лет.Gen 4:4; Mat 23:35

Ве́рою ено́х преложе́н бысть не ви́дети сме́рти: и не обрета́шеся, зане́ преложи́ его́ бог: пре́жде бо преложе́ния его́ свиде́телствован бысть, я́ко угоди́ бо́гу.Gen 5:24; Sir 44:15; Sir 49:16

Без ве́ры же невозмо́жно угоди́ти (бо́гу): ве́ровати же подоба́ет приходя́щему к бо́гу, я́ко есть, и взыска́ющым его́ мздовозда́тель быва́ет.

Ве́рою отве́т прии́м но́е о сих, я́же не у ви́де, убоя́вся сотвори́ ковче́г во спасе́ние до́му своего́: е́юже осуди́ (весь) мир, и пра́вды, я́же по ве́ре, бысть насле́дник.Gen 6:22; Sir 44:17; Ezk 14:14

Ве́рою зово́м авраа́м послу́ша изы́ти на ме́сто, е́же хотя́ше прия́ти в насле́дие, и изы́де не ве́дый, ка́мо гряде́т.Gen 12:4

Ве́рою прии́де авраа́м на зе́млю обетова́ния, я́коже на чу́жду, в кро́вы всели́ся со исаа́ком и иа́ковом снасле́дникома обетова́ния того́жде:

жда́ше бо основа́ния иму́щаго гра́да, ему́же худо́жник и соде́тель бог.Heb 12:22

Ве́рою и сама́ са́рра непло́ды си́лу во удержа́ние се́мене прия́т и па́че вре́мене во́зраста роди́, поне́же ве́рна непщева́ обетова́вшаго.Gen 17:19; Gen 21:2; Rom 4:19

Те́мже и от еди́наго роди́шася, да еще́ умерщвле́ннаго, я́коже зве́зды небе́сныя мно́жеством и я́ко песо́к вскрай мо́ря безчи́сленный.Gen 15:5; Gen 22:17

По ве́ре умро́ша си́и вси, не прие́мше обетова́ний, но издале́ча ви́девше я, и целова́вше, и испове́давше, я́ко стра́ннии и прише́лцы суть на земли́:Gen 23:4; Gen 47:9

и́бо такова́я глаго́лющии явля́ются, я́ко оте́чествия взыску́ют.

И а́ще бы у́бо о́но по́мнили, из него́же изыдо́ша, име́ли бы вре́мя возврати́тися:

ны́не же лу́чшаго жела́ют, си́речь небе́снаго: те́мже не стыди́тся си́ми бог, бог нарица́тися их: угото́ва бо им град.Exo 3:15; Mat 22:32

Ве́рою приведе́ авраа́м исаа́ка искуша́емь, и единоро́днаго приноша́ше, обетова́ния прие́мый,Gen 22:9

к нему́же глаго́лано бысть: я́ко о исаа́це нарече́тся тебе́ се́мя:Gen 21:12; Rom 9:7

помы́слив, я́ко и из ме́ртвых воскреси́ти си́лен (есть) бог, те́мже того́ и в при́тче прия́т.

Ве́рою о гряду́щих благослови́ исаа́к иа́кова и иса́ва.Gen 27:27

Ве́рою иа́ков умира́я коего́ждо сы́на ио́сифова благослови́ и поклони́ся на верх жезла́ его́.Gen 47:31; Gen 48:14

Ве́рою ио́сиф умира́я о исхожде́нии сыно́в изра́илевых па́мятствова и о косте́х свои́х запове́да.Gen 50:24

Ве́рою моисе́й роди́вся сокрове́н бысть три ме́сяцы от оте́ц свои́х, зане́ ви́деша красно́ отроча́ и не убоя́шася повеле́ния царе́ва.Exo 2:2; Act 7:20

Ве́рою моисе́й, вели́к быв, отве́ржеся нарица́тися сын дще́ре фарао́новы:Exo 2:11

па́че (же) изво́ли страда́ти с людьми́ бо́жиими, не́жели име́ти вре́менную греха́ сла́дость,

бо́лшее бога́тство вмени́в еги́петских сокро́вищ поноше́ние христо́во: взира́ше бо на мздовоздая́ние.

Ве́рою оста́ви еги́пет, не убоя́вся я́рости царе́вы: неви́димаго бо я́ко ви́дя, терпя́ше.Exo 10:29; Exo 13:17

Ве́рою сотвори́ па́сху и проли́тие кро́ве, да не погубля́яй перворожде́нная ко́снется их.Exo 12:3; Exo 12:7

Ве́рою преидо́ша чермно́е мо́ре а́ки по су́се земли́: его́же искуше́ние прие́мше еги́птяне истопи́шася.

Ве́рою сте́ны иерихо́нския падо́ша обхожде́нием седми́х дний.Jos 6:19

Ве́рою раа́в блудни́ца не поги́бе с сопроти́вльшимися, прии́мши схо́дники с ми́ром (и ины́м путе́м изве́дши).Jos 2:1; Jos 6:24

И что еще́ глаго́лю? Не доста́нет бо ми повеству́ющу вре́мене о гедео́не, вара́це же и сампсо́не и иеффа́и, о дави́де же и самуи́ле, и о (други́х) проро́цех,Jdg 4:6; Jdg 7:15; Jdg 11:11; Jdg 13:24; 1Rg 7:10; 1Rg 17:45

и́же ве́рою победи́ша ца́рствия, соде́яша пра́вду, получи́ша обетова́ния, загради́ша уста́ львов,Dan 6:23

угаси́ша си́лу о́гненную, избего́ша о́стрея меча́, возмого́ша от не́мощи, бы́ша кре́пцы во бране́х, обрати́ша в бе́гство полки́ чужди́х:1Rg 14:6; 3Rg 19:3; Isa 38:9

прия́ша жены́ от воскресе́ния ме́ртвых свои́х: ини́и же избие́ни бы́ша, не прие́мше избавле́ния, да лу́чшее воскресе́ние улуча́т:4Rg 4:36

друзи́и же руга́нием и ра́нами искуше́ние прия́ша, еще́ же и у́зами и темни́цею,Gen 39:20; Jdg 16:25; Jer 20:2

ка́мением побие́ни бы́ша, претре́ни бы́ша, искуше́ни бы́ша, уби́йством меча́ умро́ша, проидо́ша в ми́лотех (и) в ко́зиях ко́жах, лише́ни, скорбя́ще, озло́блени:3Rg 21:13; 2Ch 24:21; Jer 26:23

и́хже не бе досто́ин (весь) мир, в пусты́нех скита́ющеся и в гора́х и в верте́пах и в про́пастех земны́х.1Rg 22:1

И си́и вси послу́шествани бы́вше ве́рою, не прия́ша обетова́ния,Luk 10:24

бо́гу лу́чшее что о нас предзре́вшу, да не без нас соверше́нство прии́мут.