Isa Isaias, kapitulo Ang Libro ni Isaias, kapitulo 52
Luwason sa Dios ang Jerusalem
Bangon na, O Zion, ug lig-ona ang imong kaugalingon!
Ipakita ang imong pagkagamhanan,
O balaan nga siyudad sa Jerusalem.
Kay ang imong mga kaaway nga dili Israelinhon,52:1 nga dili Israelinhon: sa literal, mga wala matuli.
nga giila nga mahugaw ug dili diosnon,
dili na makasulod kanimo pag-usab.Isa 60:1; Act 7:51; Rev 21:27
Ayaw na pagsubo nga daw sama sa tawong
masub-anon nga nagyaka sa yuta.
Tindog hinuon ug pangandam sa pagdumala.
Ug kamong mga lumulupyo sa Jerusalem,
badbari ninyo ang inyong kaugalingon sa mga kadena sa pagkabinihag.
Kay mao kini ang giingon sa Ginoong Dios,
“Gibihag kamo nga daw ulipon nga gibaligya nga walay bayad,
busa tuboson ko usab kamo nga walay bayad.
Kaniadto miadto kamo sa Ehipto aron manimuyo didto,
apan gidaog-daog kamo didto.
Unya ang Asiria na usab ang midaog-daog kaninyo.1Pe 1:18; Gen 46:6
Ug karon, unsa na man ang nahitabo kaninyo?
Gibihag kamo sa Babilonia sa walay igong hinungdan.
Gitamay kamo sa mga nagdumala kaninyo.
Kanunay pa nila akong gipasipalahan.Ezk 36:20; Rom 2:24
Apan moabot ang panahon nga masayod kamo kon kinsa gayod ako,
kay ako mismo ang nagsulti kaninyo. Oo, ako gayod mismo.”
Pagkaanindot tan-awon sa mga mensahero
nga naglatas sa kabukiran aron sa pagdala sa maayong balita
nga adunay kalinaw na ang Jerusalem ug mahimong maayo na ang
kahimtang niini tungod kay luwason kini sa Dios.
Nag-ingon sila sa mga taga-Jerusalem,
“Naghari ang inyong Dios!”Psa 68:11; Nam 1:15; Rom 10:15
Mosinggit sa kalipay ang mga tigbalantay sa siyudad kay makita gayod
nila ang pagbalik sa Ginoo didto sa Jerusalem.Ezk 3:17
Mosinggit sa kalipay ang mga nangagubang dapit sa Jerusalem,
kay lig-onon sa Ginoo ang iyang katawhan.
Luwason niya ang Jerusalem!Isa 40:1
Ipakita sa Ginoo ang iyang balaang gahom sa tanang nasod.
Ug makita sa tibuok kalibotan52:10 tibuok kalibotan: sa literal, kinatumyan sa kalibotan. ang pagluwas sa atong Dios kanato.Psa 98:2
Kamong nagdala sa mga kagamitan sa balay sa Ginoo,
biya na kamo sa Babilonia! Gawas na kamo diha!
Ayaw kamo paghikap sa mga butang nga giisip nga hugaw.
Panggawas na kamo sa Babilonia, ug magpakabalaan.2Co 6:17; Rev 18:4
Apan niining higayona dili na kinahanglan nga magdali-dali kamo sa pagbiya,
nga daw sa nangikyas kamo, kay mag-una ang Ginoo kaninyo.
Ang Dios sa Israel mao ang manalipod kaninyo.Exo 12:33
Ang Nag-antos nga Alagad sa Ginoo
Miingon ang Ginoo, “Pamati! Magmauswagon ang akong alagad.
Mahimo siyang inila ug pinasidunggan.Zec 3:8; Mat 12:18; Php 2:9
Daghan ang mahibulong kaniya.
Kay mausab ang iyang panagway
ug murag dili na kini hitsurag tawo.Isa 8:14; Luk 2:34
Hangtod ang mga nasod mahibulong usab kaniya.
Dili makasulti ang mga hari tungod kaniya,
kay makita man nila ug masabtan ang mga butang
nga wala sukad masugilon.”Rom 15:21