Mrk Marcos, kapitulo Ang Maayong Balita Sumala kang Marcos, kapitulo 16
Ang Pagkabanhaw ni Jesus
(Mat. 28:1-8; Luc. 24:1-12; Juan 20:1-10)
Human sa Adlaw nga Igpapahulay, si Maria nga taga-Magdala, si Maria nga inahan ni Santiago, ug si Salome namalit ug pahumot kay moadto sila sa lubnganan aron haplasan ang patayng lawas ni Jesus. Mat 28:1; Luk 24:1; Jhn 20:1Sayo kaayo sa adlaw nga Dominggo, miadto sila sa lubnganan. Ug nagpangutan-anay sila, “Kinsa ang atong hangyoon nga moligid sa bato nga gitabon sa lubnganan?” (Kay hilabihan kadako ang nakatabon nga bato.)
Apan pag-abot nila didto, nakita nila nga naligid na ang bato. Busa misulod sila sa lubnganan ug nakita nila ang usa ka batan-on nga lalaki, nga nagbistig puti, nga naglingkod sa tuong dapit.Jhn 20:12
Apan miingon ang lalaki kanila, “Ayaw kamo kahadlok! Nasayod ako nga gipangita ninyo si Jesus nga taga-Nazaret nga gilansang sa krus. Wala na siya dinhi! Nabanhaw siya! Dali kamo, tan-awa ninyo ang gibutangan kaniya. Lakaw kamo, sultihi ninyo ang iyang mga tinun-an labi na gayod si Pedro nga mouna si Jesus kaninyo didto sa Galilea, ug didto ninyo siya makita sumala sa iyang giingon kaninyo.”Mat 26:32; Mrk 14:28
Busa migawas ang mga babaye sa lubnganan ug nanagan tungod sa hilabihan nga kahadlok. Wala silay gisultihan kay nahadlok gayod sila.
[Sayo kaayo sa adlaw nga Dominggo nabanhaw si Jesus. Una gayod siyang nagpakita kang Maria nga taga-Magdala nga iyang giabogan ug pito ka daotan nga espiritu. Mat 28:9; Luk 8:2; Jhn 20:14Ug giadtoan ni Maria ang mga tinun-an ni Jesus nga nangaguol ug nanghilak, ug gisultihan niya sila. Apan wala sila motuo sa iyang gisugilon nga si Jesus buhi ug nagpakita kaniya.
Pagkahuman niadto, nagpakita si Jesus pinaagi sa lahing panagway ngadto sa iyang duha ka tinun-an sa dihang nagpadulong sila sa kaumahan. Luk 24:13Busa mibalik sa Jerusalem ang iyang duha ka tinun-an ug gisultihan ang uban nila nga mga kauban nga si Jesus nagpakita kanila, apan wala usab sila motuo.
Sa kataposan nagpakita usab si Jesus sa onse ka tinun-an samtang nangaon sila. Gibadlong niya sila tungod kay wala silay pagtuo ug gahi ang ilang mga ulo, kay wala sila motuo sa gisulti sa mga nakakita kaniya human siya nabanhaw.Luk 24:36; Jhn 20:19; 1Co 15:5; 1Co 15:7
Ug miingon si Jesus kanila, “Lakaw kamo sa tibuok kalibotan ug iwali ang Maayong Balita mahitungod kanako sa tanang mga tawo. Isa 2:3; Isa 52:10; Mat 28:19; Jhn 15:16Si bisan kinsa nga motuo ug magpabautismo maluwas, apan ang dili motuo hukman nga silotan. Jhn 12:48Kini nga mga ilhanan makita diha sa mga tawo nga nagtuo kanako: pinaagi sa akong gahom mag-abog sila ug daotan nga mga espiritu; magsulti sila sa uban nga mga pinulongan nga wala nila matun-i; Act 2:4; 1Co 12:10kon makakupot sila ug mga bitin o kaha makainom sa bisan unsa nga hilo dili sila maunsa; ug kon ipandong nila ang ilang mga kamot sa mga masakiton, mangaayo kini.”Luk 10:19; Act 28:8; Jas 5:14
Gidala si Jesus ngadto sa Langit
Human kadto isulti ni Ginoong Jesus kanila gidala siya ngadto sa langit ug milingkod sa tuo sa Dios. Psa 110:1; Luk 24:51; Act 1:9Ug nagsangyaw ang iyang mga tinun-an sa nagkalain-laing mga dapit. Gitabangan sila sa Ginoo ug gipamatud-an niya ang gisangyaw sa mga tinun-an pinaagi sa mga ilhanan nga ilang gihimo.]16:20 Ang pipila ka manuskrito wala ang bersikulo 9-20.Act 14:3; 1Co 3:6; 1Co 15:10; Heb 2:4