1Кар1Co 1 Карынфянам1 Corinteni, раздзелcapitolul Першае пасланне да КарынфянEpistola întâi către Corinteni, раздзелcapitolul 15

Traduceri Comparați

Нагадваю вам, браты, Дабравесьце, якое я зьвеставаў вам, якое вы і прынялі, у якім і ўмацаваліся,Гал 1:11

якім і ратуецеся, калі настаўленьне памятаеце так, як я зьвеставаў вам, калі толькі ня марна ўверавалі.Рым 1:16

Бо я найперш перадаў вам, што і сам прыняў, гэта значыцца, што Хрыстос памёр за грахі нашыя, паводле Пісаньня,Пс 21:7; Іс 53:5; Дан 9:24; Зах 13:7

і што ён пахаваны быў і што ўваскрэс на трэйці дзень, паводле Пісаньня,Пс 15:10; Іс 53:11; Ас 6:2; Ён 2:1

і што зьявіўся Кіфу, потым дванаццаці;Мц 28:17; Мк 16:14; Лк 24:34

потым зьявіўся больш чым пяці сотням братоў у адзін час, зь якіх большая частка дагэтуль жывуць, а некаторыя і спачылі;

потым зьявіўся Якаву, таксама ўсім апосталам;

а пасьля ўсіх зьявіўся і мне, як нейкаму вылюдку.Дзеі 9:3

Бо я найменшы з апосталаў, і ня варты называцца апосталам, бо гнаў Царкву Божую.Дзеі 8:3; Эф 3:8; 1Цім 1:13

Але зь мілаты Божае я ёсьць тое, што ёсьць; і мілата Ягоная ўва мне ня была марная, але я болей за іх усіх папрацаваў; ня я, зрэшты, а мілата Божая, якая са мною.Мц 10:20; Мк 16:20; Эф 3:7

І вось, ці то я, ці яны, мы так прапаведуем, і вы так уверавалі.

Калі пра Хрыста прапаведуецца, што Ён паўстаў зь мёртвых, дык як некаторыя з вас кажуць, быццам няма ўваскрэсеньня зь мёртвых?Дзеі 17:18; 2Цім 2:18

Калі няма ўваскрэсеньня зь мёртвых, дык і Хрыстос не ўваскрэс;Ян 11:25; Рым 8:11

а калі Хрыстос не ўваскрэс, дык і пропаведзь нашая марная, марная і вера ваша.

Пры гэтым мы сталіся б тады і непраўдзівымі сьведкамі пра Бога, бо сьведчылі б пра Бога, што Ён уваскрэсіў Хрыста, Якога Ён не ўваскрэшваў, калі, гэта значыцца, мёртвыя не ўваскрасаюць;

бо, калі мёртвыя не ўваскрасаюць, дык і Хрыстос не ўваскрэс;

а калі Хрыстос не ўваскрэс, дык вера ваша марная; вы яшчэ ў грахах вашых;Дзеі 13:38; Рым 4:25

таму і памерлыя ў Хрысьце загінулі.

І калі мы ў гэтым толькі жыцьці спадзяёмся на Хрыста, дык мы самыя няшчасныя з усіх людзей.

Але Хрыстос уваскрэс зь мёртвых, першынец з памерлых.Дзеі 26:23; Кал 1:18; Адкр 1:5

Бо як сьмерць праз чалавека, так праз чалавека і ўваскрэсеньне зь мёртвых.Быц 2:17; Быц 3:19; Ян 6:39

Як у Адаме ўсе паміраюць, так у Хрысьце ўсе ажывуць.

Кожны ў сваім парадку; першынец Хрыстос, потым Хрыстовыя, у прышэсьце Ягонае.1Фес 4:15

А потым канец, калі Ён перадасьць Царства Богу і Айцу, калі скасуе ўсякае начальства і ўсякую ўладу і сілу;Дан 7:14; Мц 28:18; 1Цім 6:15

бо Яму належыць валадарыць, пакуль «пакладзе ўсіх ворагаў пад ногі Свае»,Пс 109:1; Дзеі 2:34; Габр 1:13

а як апошні вораг зьнішчыцца - сьмерць,Адкр 20:14

бо «ўсё пакарыў пад ногі Ягоныя»; калі ж сказана, што Яму ўсё падначалена, дык ясна, што акрамя Таго, Які пакарыў Яму ўсё.Пс 8:7; Габр 2:8

Калі ж усё ўпакорыць Яму, тады і сам Сын скарыцца Таму, Хто скарыў ўсё Яму, хай будзе Бог усё ва ўсім.1Кар 11:3

Інакш, што робяць тыя, якія прымаюць хрышчэньне для мёртвых? Калі мёртвыя наогул не ўваскрасаюць, дык навошта і прымаюць хрышчэньне для мёртвых?

Навошта ж і мы ўвесь час падупадаем небясьпецы?2Кар 11:26

Я кожны дзень паміраю; прысягаю ў гэтым пахвалою вашаю, браты, якую я маю ў Хрысьце Ісусе, Госпадзе нашым.Рым 8:36

Разважыўшы па-людзку, калі я змагаўся са зьвярамі ў Эфэсе, якая мне карысьць, калі мёртвыя не ўваскрасаюць? Будзем есьці і піць, бо заўтра памрэм.Іс 22:13; Лк 12:19

Не давайцеся ў зман; дрэнныя суполькі псуюць добрыя норавы.

Працьверазецеся, як трэба, і не грашэце; бо на сорам вам кажу - некаторыя з вас ня ведаюць Бога.Рым 13:11

Але скажа хто-небудзь: як уваскрэснуць мёртвыя? і ў якім целе яны прыйдуць?

Неразумны! тое, што ты сееш, не ажыве, калі не памрэ;Ян 12:24

і калі ты сееш, дык сееш ня цела будучае, а голае зерне, якое будзе, пшанічнае або іншае якое;

але Бог дае яму цела як хоча, і кожнаму семені сваё цела.

Ня ўсякая плоць, але інакшая плоць у людзей, інакшая плоць у жывёлін, інакшая ў рыб, інакшая ў птушак.

Ёсьць целы нябесныя і целы зямныя: але інакшая слава ў нябесных, інакшая ў зямных;

інакшая слава ў сонца, інакшая слава ў месяца, інакшая ў зорак; і зорка ад зоркі розьніцца славаю.

Так і пры ўваскрэсеньні мёртвых; сеецца ў тленьні, паўстае ў нятленьні;Дан 12:3

сеецца ў няславе, паўстае ў славе; сеецца ў немачы, паўстае ў сіле;

сеецца цела душэўнае, паўстае цела духоўнае. Ёсьць цела душэўнае, ёсьць цела і духоўнае.Мц 22:30

Так і напісана: «першы чалавек Адам стаўся душою жывою»; а апошні Адам ёсьць дух жыватворчы.Рым 5:18; Быц 2:7

Але ня духоўнае раней, а душэўнае, потым духоўнае.

Першы чалавек - зь зямлі, і зямны; другі чалавек - Гасподзь - зь неба.Быц 2:7; Ян 3:31

Які зь зямлі, такія зямныя; і які нябесны, такія і нябесныя;Ян 3:6

і як мы насілі вобраз зямнога, так будзем насіць і вобраз нябеснага.Быц 5:3; Рым 8:29

Але тое скажу вам, браты, што плоць і кроў ня могуць успадкаваць Царства Божага, і тленьне ня спадкуе нятленьня.Ян 1:13; Ян 3:3

Я кажу вам тайну, ня ўсе мы памрэм, але ўсе пераменімся;1Фес 4:17

раптам, у імгненьне вока, пры апошняй трубе; бо затрубіць, і мёртвыя ўваскрэснуць нятленьнымі, а мы пераменімся;Мц 24:31; Ян 5:28; 1Фес 4:16

бо тленнае гэтае мае апрануцца ў нятленнае, і сьмяротнае гэтае - апрануцца ў несьмяротнасьць.

Калі ж тленьне гэтае апранецца ў нятленнасьць і сьмяротнае гэтае апранецца ў несьмяротнасьць, тады збудзецца слова напісанае: «паглынута сьмерць перамогаю.Іс 25:8

Сьмерць! дзе тваё джала? пекла! дзе твая перамога?».Ас 13:14

А джала сьмерці - грэх; а сіла грэху - закон.Рым 4:15

Дзякаваць Богу, Які даў нам перамогу Госпадам нашым Ісусам Хрыстом.1Ян 5:4

Дык вось, браты любасныя, будзьце цьвёрдыя, непахісныя, заўсёды майце посьпех у справе Гасподняй, ведаючы, што праца вашая не змарнее перад Госпадам.Кал 1:23