Эф Эфесянам, раздзел Пасланне да Эфесян, раздзел 5
Дык вось, сьледуйце Богу, як дзеці любасныя,Мц 5:48
і жывеце ў любові, як і Хрыстос палюбіў нас і аддаў Сябе за нас у прынашэньне і ахвяру Богу, на пахошчы прыемныя.Ян 13:34; 1Ян 3:11
А распуста і ўсялякая нечысьць і любазьдзірства не павінны нават упамінацца ў вас, як гэта прыстойна сьвятым.1Кар 6:15
Таксама і брыдкаслоўе і пустаслоўе і пакепства не да гонару вам; а наадварот, хай лепш будзе падзяка;Мц 12:36; Эф 4:29
бо ведайце, што ніякі распусьнік, альбо нячысты, альбо любазьдзірца, які ёсьць ідаласлужэнец, ня мецьме спадчыны ў Царстве Хрыста і Бога.1Кар 6:10
Хай ніхто ня зводзіць вас пустымі словамі, бо за гэта прыходзіць гнеў Божы на сыноў бунтоўных:Мц 24:4; Мк 13:5; Лк 21:8; 2Фес 2:3
дык жа ня будзьце супольнікамі іхнімі.
Вы былі колісь цемра, а цяпер - сьвятло ў Госпадзе: дык паводзьцеся, як дзеці сьвятла,Ян 8:12; Ян 12:36
бо плод Духа - ва ўсякай даброці, праведнасьці і ісьціне.Гал 5:22
Шукайце таго, што да спадобы Богу,
і не бярэце ўдзелу ў бясплённых дзеях цемры, а яшчэ і выкрывайце,2Кар 6:14; 1Цім 5:20
бо пра тое, што яны робяць таемна, сорамна і казаць.
А ўсё, што выкрываецца, выяўляецца ў сьвятле, бо ўсё, што робіцца яўным, ёсьць сьвятло.Ян 3:20
Таму сказана: «устань, хто сьпіць, і ўваскрэсьні зь мёртвых, і асьветліць цябе Хрыстос!».Іс 60:1; Рым 6:4
Дык глядзеце, дзейце асьцярожна, не як неразумныя, а як мудрыя,Кал 4:5
цэнячы дорага час, бо дні - ліхія.
Дык ня будзьце ж неразважныя, а спазнавайце, што ёсьць воля Божая.Рым 12:2; 1Фес 4:3
І ня ўпівайцеся віном, ад якога бывае распуста; а напаўняйцеся Духам,Іс 5:11; Лк 21:34
настаўляючы саміх сябе псальмамі і славаслоўем і духоўнымі сьпевамі, сьпяваючы і апяваючы ў сэрцах вашых Госпада,Кал 3:16
дзякуючы заўсёды за ўсё Богу і Айцу, у імя Госпада нашага Ісуса Хрыста,Іс 63:7; Кал 3:17; 1Фес 5:18
слухаючыся адно аднаго ў страху Божым.
Жонкі, упакорвайцеся сваім мужам, як Госпаду,Кал 3:18; Ціт 2:5
бо муж ёсьць галава жонкі, як і Хрыстос - галава Царквы, і Ён жа Збаўца цела.1Кар 11:3; Эф 1:22
Але як Царква слухаецца Хрыста, так і жонкі сваіх мужоў ва ўсім.
Мужы, любеце сваіх жонак, як і Хрыстос палюбіў Царкву і аддаў Сябе за яе,Гал 1:4; Кал 3:19
каб асьвяціць яе, ачысьціўшы мыцьцём водным, праз слова;1Пётр 3:21; Ціт 3:5; Габр 9:14
каб прадставіць яе Сабе слаўнаю Царквою, бяз плямы, без заганы, або чаго-небудзь падобнага, а каб яна была сьвятая і беззаганная.Песн 4:7; 2Кар 11:2; Эф 1:4
Так павінны мужы любіць сваіх жонак, як сваё цела: хто любіць сваю жонку, любіць самога сябе.
Бо ніхто ніколі ня меў нянавісьці да сваёй плоці, а корміць і грэе яе, як і Гасподзь Царкву;
бо мы часткі Цела Ягонага, ад плоці Ягонай і ад касьцей Ягоных.
Таму «пакіне чалавек бацьку свайго і маці і прылепіцца да жонкі сваёй, і будуць двое адна плоць».Быц 2:24; Мц 19:5; Мк 10:7; 1Кар 6:16
Тайна гэтая вялікая; я кажу пра Хрыста і пра Царкву.
Так кожны з вас хай любіць сваю жонку, як самога сябе; а жонка хай баіцца свайго мужа.