Ціт Ціту, раздзел Пасланне да Ціта, раздзел 3
Нагадвай ім скарацца і ўпакорвацца начальству і ўладам, быць гатовымі на ўсякія добрыя дзеі,1Пётр 2:13; Рым 13:1
нікога ня бэсьціць, быць не сварлівымі, а ціхмянымі, і паказваць поўную лагоду да ўсіх людзей.Кал 3:12
Бо і мы былі колісь нмысьлі, нслухі, заблуды, былі рабы юру і розных асалодаў, жылі ў злосьці і зайздрасьці, былі гнюсныя, ненавідзелі адно аднаго.1Кар 6:11; Эф 2:1
Калі ж зьявілася мілата і чалавекалюбства Збаўцы нашага, Бога,1Цім 4:10; Ціт 2:11
Ён выбавіў нас не за дзеі праведнасьці, якія б мы ўчынілі, а з Свайго мілажалю, праз купель адраджэньня і абнаўленьня Сьвятым Духам,Ян 3:5; Рым 3:28; 2Цім 1:9
Якога выліў на нас шчодра празь Ісуса Хрыста, Збаўцу нашага,Рым 5:5
каб, апраўдаўшыся Ягонай мілатою, мы згодна са спадзяваньнем зрабіліся спадкаемцамі жыцьця вечнага.
Слова гэта слушнае; і я жадаю, каб ты пацьвярджаў яго, каб тыя, што ўверавалі ў Бога, стараліся быць дбайнымі ў добрых учынках: гэта добра і карысна людзям.Эф 2:10
А дурных перагаворстваў і радаслоўных звадаў, і спрэчак і калатні вакол закона пазьбягай, бо яны бескарысныя і марныя.1Цім 1:4; 1Цім 4:7; 2Цім 2:23
Ад ератыка, пасьля першага і другога настаўленьня на розум, цурайся,
ведаючы, што ён разбэсьціўся і грэшыць, і асуджаны сам сабою.
Калі прышлю да цябе Артэму або Тыхіка, пасьпяшайся прыйсьці да мяне ў Нікаполь; бо я пастанавіў там зазімаваць.
Зіну-законьніка і Апалоса паклапаціся выправіць так, каб у іх ні ў чым ня было нястачы.Дзеі 18:24
Хай і нашыя вучацца практыкавацца ў добрых учынках, у задавольваньні неабходных патрэбаў, каб ня былі бясплодныя.Ціт 2:14
Вітаюць цябе ўсе, хто са мною. Вітай тых, хто любіць нас у веры. Мілата з усімі вамі. Амін.