Ёў Ёў, раздзел Кніга Ёва, раздзел 33
Дык вось, слухай, Ёў, словы мае і ўважай усім словам маім.
Вось, я адкрываю вусны мае, язык мой гаворыць у гартані маёй.
Словы мае ад шчырасьці майго сэрца, і вусны мае вымавяць веданьне чыстае.
Дух Божы стварыў мяне, і дыханьне Ўсеўладнага дало мне жыцьцё.Быц 1:2; Пс 32:6; Пс 103:30
Калі можаш, адказвай мне і стань перад мною.
Вось я, па жаданьні тваім, замест Бога. Я створаны таксама з гразі;Ёў 10:9; Экл 12:7
таму страх перад мною ня можа зьбянтэжыць мяне, і рука мая ня будзе цяжкая табе.
Ты гаварыў у вушы мае, і я чуў гук слоў:
«чысты я, без пахібы, нявінны я і няма ўва мне няпраўды;Ёў 10:7; Ёў 16:17; Ёў 23:10
а Ён знайшоў абвінавачаньне супроць мяне і лічыць мяне Сваім супраціўцам;Ёў 13:24; Ёў 19:11
закаваў ногі мае ў калодкі, сочыць за ўсімі шляхамі маімі».Ёў 13:27
Вось у гэтым няпраўда твая, адказваю табе, таму што Бог вышэйшы за чалавека.Ёў 34:7
Навошта табе спаборнічаць зь Ім? Ён не адказвае ні за якія дзеі Свае.
Бог гаворыць адзін раз, і калі таго не заўважаць, другі раз:Лік 23:19; 1Цар 15:29
у сьне, у начных відзежах, калі сон находзіць на людзей, у час дрымоты на ложку.Ёў 4:13
Тады ён адкрывае ў чалавека вуха і ўкладвае Сваё настаўленьне,2Цар 7:27; Іс 50:4
каб адвесьці чалавека ад якой-небудзь задумы і адвесьці ад яго пыху,
каб адвесьці душу ягоную ад прорвы і жыцьцё ягонае ад паразы мечам.
Альбо ён наводзіцца на розум хваробаю на ложку сваім і моцным болем ва ўсіх касьцях сваіх, -
і жыцьцё ягонае адварочваецца ад хлеба і душа ягоная ад смачнай яму ежы.Пс 106:18
Плоць на ім прападае, так што яе ня відаць, і паказваюцца косьці ягоныя, якіх ня было відаць.
І душа ягоная набліжаецца да магілы і жыцьцё ягонае - да сьмерці.
Калі ёсьць у яго анёл-настаўнік адзін з тысячы, каб паказаць чалавеку простую дарогу ягоную, -Быц 48:16; Зах 3:1; 1Цім 2:5
Бог умілажаліцца зь яго і скажа: вызвалі яго ад магілы; Я знайшоў умілажаленьне.Пс 90:15; Іс 43:1; Ас 13:14
Тады цела ягонае зробіцца сьвяжэйшае, чым у маладосьці; ён вернецца ў дні маладосьці сваёй.
Будзе маліцца Богу, і Ён - літасьцівы да яго; з радасьцю глядзіць на твар ягоны і вяртае чалавеку праведнасьць ягоную.Пс 49:15; Іс 58:9
Ён будзе глядзець на людзей і казаць: «грашыў я і перакручваў праўду, і не адплачана мне;
Ён вызваліў душу маю ад магілы, і жыцьцё маё бачыць сьвятло».1Кар 11:32
Вось, усё гэта робіць Бог два-тры разы з чалавекам,
каб адвесьці душу ягоную ад магілы і прасьвятліць яго сьвятлом жывых.Пс 55:14; Пс 102:4
Уважай, Ёве, слухай мяне, маўчы, і я буду гаварыць.
Калі маеш сказаць што, адказвай; кажы, бо Я хацеў бы твайго апраўданьня;
а калі не, дык слухай мяне, і я навучу цябе мудрасьці.