Нав Ісус Навін, раздзел Кніга Ісуса Навіна, раздзел 19
Другое жэрабя выпала Сымону, племю сыноў Сымонавых, паводле родаў іхніх: і быў надзел іхні сярод надзелу сыноў Юдавых.Дрз 33:6; Быц 49:7
У надзеле іхнім былі: Вірсавія альбо Шэва, Малада,1Пар 4:28
Хацар-Шуал, Вала і Ацэм,1Пар 4:29
Элталад, Вэтул і Хорма,Дрз 1:44
Цыклаг, Бэт-Маркавот і Хацар-Суса,
Бэт-Леваот і Шарухен: трынаццаць гарадоў зь іх сёламі,
Аін, Рымон, Этэр і Ашан: чатыры гарады зь сёламі іх,
і ўсе сёлы, якія вакол гарадоў гэтых аж да Ваалат-Бээра, альбо паўднёвай Рамы. Вось надзел племю сыноў Сымонавых, паводле родаў іхніх.1Пар 4:33
Ад дзялянкі сыноў Юдавых выдзелены надзел племю сыноў Сымонавых. Як што дзялянка сыноў Юдавых была надта вялікая для іх, дык сыны Сымонавыя і атрымалі надзел сярод іхняга надзелу.
Трэцяе жэрабя выпала сынам Завулонавым паводле родаў іхніх, і цягнулася мяжа надзелу іхняга да Сарыда;Мц 4:13
мяжа іх падымаецца да мора і да Маралы і прымыкае да Дабэшэта і прымыкае да патока, які перад Ёкнэамам;Суд 4:7
ад Сарыда ідзе назад да ўсходняга боку, на ўсход сонца, да мяжы Кіслот-Тавора; адсюль ідзе да Даўрата і падымаецца да Яфіі;
адсюль праходзіць на ўсход у Гет-Хэфэр, у Іту-Кацын, і йдзе да Рымона, Мітаара і Нэі;4Цар 14:25
і паварочвае мяжа з поўначы да Ханатона і канчаецца далінаю Іфтах-Эл;
далей: Катаф, Нагалал, Шымрон, Ідэала і Віфляем: дванаццаць гарадоў зь іх сёламі.Суд 17:7
Вось надзел сыноў Завулонавых, паводле іхніх родаў; вось гарады і сёлы іхнія.
Чацьвёртае жэрабя выпала Ісахару, сынам Ісахаравым, паводле родаў іхніх;
мяжою іх быў: Ізрээль, Кесулот і Сунэм,1Цар 29:1; 2Цар 2:9; 3Цар 18:45
Хафараім, Шыён і Анахаоат,
Равіт, Кішыён і Авец,
Рэмэт, Эн-Ганім і Бэт-Пацэц;
і прымыкае мяжа да Тавора і Шагацымы і Вэтсаміса, і канчаецца мяжа іхняя каля Ярдана: шаснаццаць гарадоў зь сёламі іх.
Вось надзел сыноў племя Ісахаравага паводле родаў іхніх; вось гарады і сёлы іхнія.
Пятае жэрабя выпала племю сыноў Асіравых, паводле родаў іхніх;
мяжою іх былі: Хэлкат, Халі, Вэтэн і Ахсаф,
Аламэлэх, Амад і Мішал; і прылягае мяжа да Карміла з заходняга боку і да Шыхор-Ліўната;3Цар 18:19
потым ідзе назад на ўсход сонца ў Вэт-Дагон і прылягае да Завулона і да даліны Іфтах-Эл з поўначы, у Бэт-Эмэк і Нэеэл, і йдзе ў Кавула, зь левага боку;3Цар 9:13
далей: Эўрон, Рэхаў, Хамон і Кана, да Сідона вялікага;Быц 10:19; Нав 11:8
потым мяжа вяртаецца да Рамы да ўмацаванага горада Тыра, і паварочвае мяжа да Хосы і канчаецца каля мора, у мястэчку Ахзіў;
далей: Ума, Афэк і Рэхаў: дваццаць два гарады зь сёламі іх.
Вось надзел калена сыноў Асіравых, паводле плямёнаў іхніх; вось гарады і сёлы іх.
Шостае жэрабя выпала сынам Нэфталімавым, сынам Нэфталіма паводле родаў іхніх;
мяжа ішла ад Хэлэфа ад дубровы, што ў Цананіме, да Адамі-Нэкева і Яўнэіла, да Лакума, і канчалася каля Ярдана;Мц 4:13
адсюль вяртаецца мяжа на захад да Азнот-Тавора і йдзе адтуль да Хукока, і прылягае да Завулона з поўдня, і да Асіра прылягае з захаду, і да Юды каля Ярдана, ад усходу сонца.Дрз 33:23
Гарады ўмацаваныя: Цыдым, Цэр, Хамат, Ракат і Хінэрэт,Лік 13:22; 3Цар 8:65
Адама, Рама і Асор,
Кедэс, Эдрэя і Эн-Гацор,
Ірэон, Мігдал-Эл, Харэм, Бэт-Анат і Вэтсаміс: дзевятнаццаць гарадоў зь іх сёламі.
Вось надзел племю сыноў Нэфталімавых паводле родаў іхніх; вось гарады і сёлы іх.
Племю сыноў Данавых, паводле родаў іхніх, выпала жэрабя сёмае;Суд 18:1
мяжою надзелу іхняга былі: Цора, Эштаол і Ір-Шэмэш,Нав 15:33
Шаалавін, Аялон і Ітла,
Элон, Тымната і Экрон,3Цар 4:9
Элтэке, Гівэтон і Ваалат,3Цар 15:27
Ігуд, Бэнэ-Вэрак і Гат-Рымон,
Мэ-Яркон і Ракон зь мяжою пабліз Ёпіі. І выпаў надзел сыноў Данавых малы для іх.Ён 1:3; Дзеі 9:36
І сыны Данавыя пайшлі вайною на Ласэм і ўзялі яго, і пабілі яго мечам, і атрымалі яго ў спадчыну, і пасяліліся ў ім, і назвалі Ласэм-Данам, імем Дана, бацькі свайго.Дрз 33:22; Суд 18:7
Вось надзел племю сыноў Данавых, паводле родаў іхніх; вось гарады і сёлы іхнія.
Калі закончылі падзел зямлі, паводле межаў яе, тады сыны Ізраілевыя далі сярод сябе надзел Ісусу, сыну Нава:Лік 14:6
паводле загаду Гасподняга далі яму горад Тамнат-Сараі, якога ён прасіў, на гары Яфрэмавай; і паставіў ён горад і жыў у ім.Нав 14:6; Нав 24:30; Суд 2:9
Вось надзелы, якія Элеазар сьвятар, Ісус, сын Наваў, і правадыры пакаленьняў падзялілі плямёнам сыноў Ізраілевых, паводле жэрабя, у Сіломе, перад абліччам Гасподнім, каля ўваходу ў скінію сходу. І закончылі падзел зямлі.