Мк Марка, раздзел Паводле Марка Святое Дабравесце, раздзел 16
Як прайшла субота, Марыя Магдаліна і Марыя Якаўлева і Саломія купілі пахошчаў, каб ісьці - намасьціць Яго.Мц 28:1; Лк 24:1; Ян 20:1
І даволі рана, у першы дзень тыдня, прыходзяць да магілы, на ўзыходзе сонца,
і гавораць паміж сабою: хто адваліць нам камень ад магільных дзьвярэй?
І зірнуўшы, бачаць, што камень адвалены; а ён быў досыць вялікі.
І ўвайшоўшы ў магілу, убачылі юнака, які сядзеў з правага боку, адзетага ў белыя шаты: і жахнуліся.Ян 20:12
А ён кажа ім: не жахайцеся. Ісуса шукаеце Назараніна, укрыжаванага; Ён уваскрэс, Яго няма тут. Вось месца, дзе Ён быў пакладзены.
Але ідзеце, накажэце вучням Ягоным і Пятру, што Ён запабегне вас у Галілеі; там Яго ўгледзіце, як Ён сказаў вам.Мц 26:32; Мк 14:28
І выйшаўшы, пабеглі ад магілы; іх апанаваў жах, і нікому нічога не сказалі, бо баяліся.
Уваскрэснуўшы рана ў першы дзень тыдня, Ісус зьявіўся спачатку Марыі Магдаліне, зь якое быў выгнаў сем дэманаў.Мц 28:9; Лк 8:2; Ян 20:14
Яна пайшла і абвясьціла тым, што былі зь Ім, што плакалі і галасілі;
але яны, пачуўшы, што Ён жывы, і яна бачыла Яго, - не паверылі.
Пасьля гэтага зьявіўся ў іншым вобразе двум зь іх на дарозе, калі яны ішлі ў селішча.Лк 24:13
І тыя, вярнуўшыся, абвясьцілі астатнім; але і ім не паверылі.
Нарэшце зьявіўся самім адзінаццацём, калі яны ўзьляжалі на вячэры, і дакараў іх за няверства і жорсткасьць сэрца, што не паверылі тым, якія бачылі Яго ўваскрэслага.Лк 24:36; Ян 20:19; 1Кар 15:5; 1Кар 15:7
І сказаў ім: ідзеце па ўсім сьвеце і абвяшчайце Дабравесьце ўсяму стварэньню.Іс 2:3; Іс 52:10; Мц 28:19; Ян 15:16
Хто будзе верыць і хрысьціцца, выратаваны будзе; а хто ня будзе верыць, асуджаны будзе.Ян 12:48
Тым, што ўверуюць, дадзены будуць гэтыя азнакі: імем Маім будуць выганяць нячыстых, будуць гаварыць новымі мовамі;Дзеі 2:4; 1Кар 12:10
будуць браць зьмей; і калі што сьмертагубнае вып'юць, не зашкодзіць ім; ускладуць рукі на хворых, і яны будуць здаровыя.Лк 10:19; Дзеі 28:8; Як 5:14
І так Гасподзь, пасьля гутаркі зь імі, узьнёсься на неба і сеў праваруч Бога.Пс 109:1; Лк 24:51; Дзеі 1:9
А яны пайшлі і прапаведавалі ўсюды, пры Гасподнім садзеяньні і падмацаваньні слова наступнымі азнакамі. Амін.Дзеі 14:3; 1Кар 3:6; 1Кар 15:10; Габр 2:4