Пс Псалтыр, псалом Псалтыр, псалом 93
Псальма Давідава ў чацьвёрты дзень тыдня.
Божа помсты, Госпадзе. Божа помсты, акажы Сябе!Дрз 32:35; Рым 12:19
Паўстань, Судзьдзя зямлі, аддай ганарліўцам адплату.
Дакуль, Госпадзе, бязбожнікі, дакуль бязбожнікі радавацца будуць?
Яны вырыгаюць дзёрзкія словы; пышаюцца ўсе беззаконьнікі;Пс 51:3
топчуць народ Твой, Госпадзе, прыгнятаюць спадчыну Тваю.Пс 15:5
Удаву і прыхадня забіваюць, і мардуюць сіротак,Езк 22:7
і кажуць: ня ўбачыць Гасподзь, і не даведаецца Бог Якаваў.Ёў 22:13; Ёў 24:15
Схамянецеся, бязглуздыя людзі! калі вы паразумнееце, недавумкі?
Хіба Той, што вуха наставіў, не пачуе? і Той, Хто вока стварыў, ня ўбачыць?Выс 20:12; Мал 3:16
Хто настаўляе народы, ці ж ня выкрые, - Той, Хто вучыць чалавека разуменьню?
Гасподзь ведае думкі чалавечыя, што яны марныя.1Кар 3:20
Дабрашчасны той чалавек, якога настаўляеш Ты, Госпадзе, і вучыш законам Тваім,Ёў 5:17; Выс 3:12
каб даць яму спакой у бядотныя дні, пакуль бязбожнаму будзе выкапана яма!
Бо не адкіне Гасподзь народу Свайго і не пакіне спадчыны Сваёй.3Цар 8:57
Бо суд вернецца да праўды, і за ім усе, хто шчырыя сэрцам.
Хто паўстане за мяне супроць злыдняў? хто стане за мяне супроць ліхадзеяў?
Калі б не Гасподзь быў мне памочнікам, неўзабаве ўсялілася б душа мая ў моўчу.
Калі я казаў: хістаецца нага мая, - ласка Твая, Госпадзе, падтрымала мяне.
Пры памнажэньні смуткаў маіх у сэрцы маім, суцяшэньні Твае душу маю шчасьцяць.
Ці стане каля Цябе седала душагубаў, якія гвалт намышляюць насуперак закону?
Натоўпам ідуць яны на душу праведніка, і асуджаюць кроў невінаватую.Пс 2:2; Дан 6:4
Але Гасподзь - абарона мая, і Бог мой - цьвярдыня прытулку майго,
і аберне на іх беззаконьне іхняе, і зладзействам іхнім вынішчыць іх, вынішчыць іх Гасподзь Бог наш.