1Кар 1 Карынфянам, раздзел Першае пасланне да Карынфян, раздзел 3
І я ня мог гутарыць з вамі, браты, як з духоўнымі, а як з плоцкімі, як зь немаўляткамі ў Хрысьце.Эф 4:14
Я ўзгадаваў вас малаком, а ня цьвёрдаю ежаю; бо вы яшчэ не маглі есьці яе, ды і цяпер яшчэ ня можаце.1Пётр 2:2
Бо вы яшчэ плоцкія. Бо, калі паміж вамі зайздрасьць, звады і несугалосіца, дык ці ж ня плоцкія вы? і ці ня па людзкім звычаі робіце?
Бо, калі адзін кажа: «Я Паўлаў», а другі: «я Апалосаў», дык ці ж ня плоцкія вы?1Кар 1:12
Хто Павал? хто Апалос? Яны толькі слугі, празь якіх вы ўверавалі, і пры тым як каму даў Гасподзь.Рым 12:6
Я пасадзіў, Апалос паліваў, а ўзрасьціў Бог;Мк 16:20; Дзеі 19:1
а таму і той, хто садзіць, і хто палівае, ёсьць нішто, а ўсё Бог, Які дае рост.
І хто садзіць і хто палівае - адно; але кожны атрымае сваю ўзнагароду паводле сваёй працы.
Бо мы супрацоўнікі ў Бога; а вы Божая ніва, Божая будова.Іс 5:1; Іс 61:3
Я, па дадзенай мне ад Бога мілаце, як мудры будаўнік, заклаў падмурак, а другі будуе на ім: але кожны ўважай, як будуе.
Бо ніхто ня можа закласьці іншага падмурка, акрамя закладзенага, які ёсьць Ісус Хрыстос.Іс 28:16; Эф 2:22
Ці будуе хто на гэтым падмурку з золата, срэбра, каштоўных камянёў, дрэва, сена, саломы,
дзея кожнага выявіцца: бо дзень пакажа; таму што ў вагні выкрываецца, і вагонь выпрабоўвае дзею кожнага, якая яна ёсьць.Іс 48:10; 1Пётр 1:7
У каго дзея, якую ён будаваў, выстаіць, той атрымае ўзнагароду;
а ў каго дзея згарыць, той мецьме шкоду; урэшце сам уратуецца, але так, як бы з вагню.
Хіба ня ведаеце, што вы храм Божы, і Дух Божы жыве ў вас?Ян 14:23; Рым 8:9; 1Кар 6:19; 2Кар 6:16; Гал 4:6; Габр 3:6
Калі хто абкрадзе сьвятыню Божую, таго пакарае Бог, бо сьвятыня Божая сьвятая; і гэтая сьвятыня - вы.
Ніхто не ашуквай сам сябе; калі хто з вас думае быць мудрым у веку гэтым, той хай будзе неразумны, каб быць мудрым.Іс 5:21
Бо мудрасьць сьвету гэтага ёсьць неразумнасьць перад Богам, як напісана: «ловіць мудрых у хітрасьці іхняй».Ёў 5:13
І яшчэ: «Гасподзь ведае мудрошчы мудрацоў, што яны марныя».Пс 93:11
Таму вось, няхай ніхто ня хваліцца людзьмі, бо ўсё вашае:
ці то Павал, ці Апалос, ці Кіфа, ці сьвет, ці жыцьцё, ці сьмерць, ці цяпершчына, а ці наступнае, - усё ваша;
а вы - Хрыстовыя, а Хрыстос - Божы.