Пс Псалтыр, псалом Псалтыр, псалом 98
Псальма Давідава.
Валадарыць Гасподзь: хай дрыжаць народы! Ён сядзіць на херувімах: хай трасецца зямля!Пс 92:1; 1Цар 4:4; 2Цар 6:2
Гасподзь на Сіёне вялікі, і высокі Ён над усімі народамі.
Хай славіць вялікае і грознае імя Тваё: сьвятое яно!Пс 94:3; Пс 110:9
І магутнасьць цара любіць суд. Ты сьцьвердзіў справядлівасьць; суд і праўду Ты ўчыніў у Якаве.Пс 102:6
Праслаўляйце Госпада, Бога нашага, і пакланяйцеся падножжу Ягонаму: сьвятое яно!Іс 6:3; Адкр 4:8
Майсей і Аарон паміж сьвятарамі, і Самуіл паміж тымі, хто кліча імя Ягонае, клікаў да Госпада, і Ён слухаў іх;Вых 32:11; Лік 14:13; 1Цар 12:19
У слупе хмарным прамаўляў Ён да іх; яны захоўвалі Яго запаведзі і пастановы, якія Ён даў ім.Вых 33:9
Госпадзе, Божа наш! Ты слухаў іх; Ты быў ім Богам, Які даруе і карае за дзеі іхнія.
Праслаўляйце Госпада, Бога нашага, і пакланяйцеся на сьвятой гары Ягонай; бо сьвяты Гасподзь, Бог наш.1Пётр 1:16