Эф Эфесянам, раздзел Пасланне да Эфесян, раздзел 1
Павал, апостал Ісуса Хрыста з волі Божай, — сьвятым, што ў Эфэсе, і верным у Хрысьце Ісусе:1Кар 1:1; 2Кар 1:1
ласка вам і супакой ад Бога Айца нашага і Госпада Ісуса Хрыста.
Дабраслаўлёны Бог і Айцец Госпада нашага Ісуса Хрыста, Які дабраславіў нас у Хрысьце ўсякім духоўным дабраслаўленьнем у нябёсах,1Пётр 1:3; 2Кар 1:3
бо Ён выбраў нас у Ім да стварэньня сьвету, каб быць нам сьвятымі і беззаганнымі перад Ім у любові,Рым 8:29; 2Цім 1:9
прадвызначыўшы нас на ўсынаўленьне Сабе праз Ісуса Хрыста з упадабаньня волі Сваёй,
на пахвалу славы ласкі Сваёй, якой абдарыў нас ва Улюбёным,Мц 3:17; Рым 5:15
у Якім маем адкупленьне праз кроў Яго, адпушчэньне грахоў, паводле багацьця ласкі Яго,Рым 3:25
якую Ён шчодра зьявіў нам у-ва ўсякай мудрасьці і разуменьні,
даўшы нам ведаць таямніцу волі Сваёй, паводле ўпадабаньня Свайго, што Ён раней пастанавіў у Сабе,Эф 3:9
дзеля ўпарадкаваньня поўні часоў, каб усё, што ў небе і што на зямлі, было пад галавою — Хрыстом.Дан 9:24; Мк 1:15; Гал 4:4; Кал 1:20
У Ім, у Якім і мы сталіся спадкаемцамі, былі мы прадвызначаныя на гэта паводле вызначэньня Таго, Хто ўсё зьдзяйсьняе паводле жаданьня волі Сваёй,Лк 7:30; Дзеі 20:27
каб быць нам на пахвалу славы Яго, нам, якія раней спадзяваліся на Хрыста.
У Ім і вы, пачуўшы слова праўды, Эвангельле вашага збаўленьня, і паверыўшы ў Яго, запячатаныя абяцаным Духам Сьвятым,Эф 4:30
Які ёсьць зарука спадчыны нашае на выкупленьне ўдзелу, на пахвалу славы Яго.2Кар 5:5
Дзеля гэтага і я, пачуўшы пра вашую веру ў Хрыста Ісуса і пра любоў да ўсіх сьвятых,
няспынна дзякую за вас Богу, узгадваючы пра вас у малітвах маіх,Флп 1:3
каб Бог Госпада нашага Ісуса Хрыста, Айцец славы, даў вам Духа мудрасьці і адкрыцьця ў пазнаньні Яго,1Кар 12:8
прасьветленыя вочы розуму вашага, каб вы ўбачылі, якая ёсьць надзея пакліканьня Яго, і якое багацьце славы спадчыны Яго для сьвятых,Дзеі 26:18
і якая бязьмерная вялікасьць моцы Яго для нас, якія вераць праз дзеяньне ўладнай магутнасьці Яго,
якою Ён дзейнічаў у Хрысьце, уваскрасіўшы Яго з мёртвых і пасадзіўшы праваруч Сябе ў небе,Пс 110:1; Мк 16:19
вышэй за ўсякае начальства, і ўладу, і сілу, і панаваньне, і ўсякае імя, названае ня толькі ў гэтым веку, але і ў будучым,Кал 2:10
і ўсё Ён скарыў пад ногі Ягоныя і даў Яго за галаву над усім у Царкве,Пс 8:7; Мц 28:18; 1Кар 15:27; Эф 5:23; Кал 1:18; Кал 2:10
якая ёсьць Цела Ягонае, поўня Таго, Які ўсё ў-ва ўсім напаўняе.