Isa Isaias, kapitulo Ang Libro ni Isaias, kapitulo 63
Ang Panimalos sa Ginoo
Kinsa kining naabot gikan sa Bozra
nga sakop sa Edom nga nagbistig pula?
Kinsa kining adunay harianong bisti,
ug nagmartsa uban sa iyang gamhanang kusog?
Ako kini ang Ginoo nga nagmantala sa kadaogan
sa iyang katawhan ug adunay gahom sa pagluwas.Isa 34:6
Nganong labihan man ka pula ang iyang bisti
sama sa bisti sa tawong magpupuga ug ubas?Rev 19:13
Mitubag ang Ginoo,
“Sa akong kasuko gipuga ko ang mga
nasod sama sa ubas.
Ako lang ang nagpuga;
walay miuban kanako.
Ang ilang dugo nanglagsik sa akong bisti;
mao nga namansahan kini.Isa 43:25; Lam 1:15; Jhn 13:33
Kay miabot na ang adlaw nga panimaslan ko
ang akong mga kaaway
ug luwason ko ang akong katawhan.Isa 34:8; Isa 61:2
Nahingangha ako sa dihang nakita ko nga wala gayoy
bisan usa nga mitabang kanako.
Busa ako lang ang nagluwas sa akong
katawhan pinaagi sa akong gahom.
Ang akong kasuko mao ang nagtukmod kanako
sa pagsilot sa akong mga kaaway.Psa 98:1; Isa 59:16
Sa akong kasuko, gitunob-tunoban ko ang mga katawhan,
ug gipasusapinday ko sila sama sa hubog.
Gipabanaw ko ang ilang dugo sa yuta.”Isa 49:26
Ang Kaayo sa Ginoo
Isugilon ko ang gugma sa Ginoo.
Dayegon ko siya tungod sa tanan niyang gihimo kanato.
Daghang mga maayong butang
ang iyang gihimo kanatong katawhan
sa Israel tungod sa iyang dakong kaluoy ug gugma.
Miingon ang Ginoo,
“Tinuod gayod nga sila ang akong katawhan;
mga anak ko sila nga dili moluib kanako.”
Busa giluwas niya sila.
Sa tanan nilang mga pag-antos, nag-antos usab siya,
ug giluwas niya sila pinaagi sa anghel
nga nagpadayag sa iyang presensya.
Tungod sa iyang gugma ug kaluoy giluwas niya sila;
giatiman niya sila sa tanang adlaw niadtong unang panahon.Deu 7:7; Deu 32:11; Exo 19:4
Apan nagmasinupakon sila ug gipasubo nila
ang iyang Balaang Espiritu.
Busa gikontra sila sa Ginoo,
ug nahimo siyang ilang kaaway.Num 14:11; Psa 78:57
Unya, sa kaulahian nahinumdom sila
sa mga nangaging panahon
diin gipagawas ni Moises ang iyang katawhan
gikan sa Ehipto.
Nangutana sila,
“Hain na ang Ginoo
nga nagpatabok kanato sa dagat
uban sa atong pangulo nga si Moises nga
sama sa usa ka magbalantay sa mga karnero?
Hain na siya nga nagpadala
sa iyang Balaang Espiritu kang Moises?Exo 14:30
Hain na ang Ginoo nga naghatag
ug gahom kang Moises,
ug mipikas sa dagat diha sa atong atubangan,
aron mainila siya sa walay kataposan?Exo 14:21; Num 14:17
Hain na siya nga nangulo kanato sa pagtabok sa dagat?
Sama sa kabayo nga nag-agi sa hawan nga dapit,
wala gayod kita madagma.
Sama sa mga baka nga naglugsong ngadto sa sibsiban diha sa kapatagan,
gihatagan kita sa Espiritu sa Ginoo ug kapahulayan.”
Ginoo, giagak mo kami nga imong katawhan
aron ikaw mapasidunggan.Psa 106:8
Tan-awa kami gikan sa langit, ang balaan
ug dungganon mong puloy-anan.
Hain na ang imong kahangawa kanamo
ug ang imong gahom nga gipakita mo kaniadto kanamo?
Hain na ang imong gugma ug kaluoy?Deu 26:15
Kay ikaw ang among Amahan bisan tuod
ug wala kami mailhi
sa among mga katigulangan nga si Abraham ug si Jacob.63:16 Jacob: sa Hebreo, Israel.
Oo, ikaw, Ginoo, ang among Amahan,
ang among Manluluwas sukad pa kaniadto.Isa 64:8
Ginoo, nganong gitugot mo man
nga makalapas kami sa imong mga pamaagi?
Nganong gipagahi mo man ang among mga kasing-kasing,
ug tungod niini nawala ang among pagtahod kanimo?
Tagda kami pag-usab kay mga alagad mo kami,
ug imo kaming gipanag-iyahan.Rom 11:7; 2Co 3:14; Deu 32:9
Sulod sa mubo nga panahon gipanag-iya sa
imong balaang katawhan63:18 imong balaang katawhan: o katawhan nga gilain mo alang kanimo. ang imong balaang puloy-anan;
apan giguba kini sa among mga kaaway.Psa 74:3
Imo kami sukad pa kaniadto.
Apan daw sa giisip mo nga kami dili imo,
ug daw sa wala mo kami madumalahi.Isa 64:10; Luk 10:24; Rev 22:20; Psa 97:5