Пс Псалтыр, псалом Псалтыр, псалом 23
Псальма Давідава. У першы дзень тыдня.
Гасподняя зямля і ўсё, што на ёй, сусьвет і ягоныя жыхары,Вых 19:5; Пс 49:12; 1Кар 10:26
бо Ён заснаваў яе на морах, і на рэках яе ўгрунтаваў.Ёў 38:6
Хто падымецца на гару Гасподнюю, альбо хто стане на сьвятым месцы Ягоным?Пс 14:1; Іс 33:15
Той, у каго рукі невінаватыя і чыстае сэрца, не прысягаў хто душою сваёю напуста і не бажыўся хлусьліва,Мц 5:8
той атрымае дабраславеньне ад Госпада і літасьць ад Бога, Збаўцы свайго.Іс 48:18; Ас 10:12
Такі род усіх, што шукаюць Яго, шукаюць аблічча Твайго, Божа Якаваў!1Пётр 2:9; Іс 51:2
Падымеце шчыты свае, брамы, і падымецеся, дзьверы вечныя, і ўвойдзе Цар славы!
Хто гэты Цар славы? - Гасподзь, моцны і дужы, Гасподзь, дужы ў змаганьні.
Падымеце шчыты вашыя, брамы, і падымецеся, дзверы вечныя, і ўвойдзе Цар славы!
Хто гэты Цар славы? - Гасподзь сілаў, Ён - Цар славы.