Песн Песня песняў, раздзел Кніга песні песняў Саламона, раздзел 1
Песьня песьняў Салямона.
«Няхай ён цалуе мяне пацалункамі вуснаў сваіх!» «Бо пяшчоты твае лепшыя за віно.Эф 5:32; Песн 4:10
Пах алейкаў тваіх салодкі. Алей разьліты — імя тваё. Дзеля гэтага дзяўчыны кахаюць цябе».Пс 45:8
«Цягні мяне за сабой! Пабяжым! Увядзі мяне, валадару, у пакоі свае». «Будзем радавацца і весяліцца з табою, будзем узгадваць пра пяшчоты твае [больш], чым пра віно; заслужана кахаюць цябе!»Пс 45:9
«Чарнявая я, і зграбная, дочкі Ерусалімскія, як намёты Кедара, як палатніны Салямона.Пс 45:14; Пс 120:5
Не глядзіце на мяне, што я смуглявая, бо сонца апаліла мяне. Сыны маці маёй разгневаліся на мяне, паставілі мяне пільнаваць вінаграднікі, а я не ўпільнавала вінаграднік мой.Адкр 7:16
Распавядзі мне, каханьне душы маёй, дзе ты пасьвіш, дзе адпачываеш апоўдні, каб не блукаць мне між чародаў таварышаў тваіх».Песн 3:1; Ян 1:41; Песн 5:9
«Калі ня ведаеш гэтага, найпрыгажэйшая між жанчынаў, дык ідзі па сьлядах авечак, і пасьві казьлянятаў тваіх каля буданоў пастушыных.
Да жаробкі ў калясніцы фараона я ўпадобніў цябе, сяброўка мая.3Цар 10:28; Песн 2:2; Ян 15:14
Прыгожыя шчочкі твае пад кляйнотамі, шыя твая — у каралях.Езк 16:11
Мы зробім табе кляйноты залатыя з блішчыкамі срэбнымі».
«Пакуль валадар быў за сталом сваім, нард мой разьліваў водар свой.
Любы мой для мяне — як мяшэчак з мірам, які начуе на грудзях маіх.
Любы мой для мяне — як гронка кіпровая ў вінаградніках Эн-Геды».Ян 15:1; 1Цар 24:1
«Якая прыгожая ты, сяброўка мая, якая прыгожая! Вочы твае — як галубкі».Песн 4:1
«Які прыгожы ты, любы мой, які цудоўны! Ложак наш — зеляніна,
страха дому нашага — кедры, столь нашая — кіпарысы».