Lev Leviticus, kapitola Třetí kniha Mojžíšova, kapitola 21

И рече́ госпо́дь к моисе́ю, глаго́ля: рцы жерце́м сыно́м ааро́ним, и рече́ши им: над душа́ми да не оскверня́тся в язы́це свое́м,Ezk 44:25

но ра́зве в дому́ бли́жняго своего́, над отце́м и ма́терию, и сына́ми и дще́рьми, над бра́томNum 6:7

и над сестро́ю свое́ю де́вою, я́же есть бли́жняя ему́, не дана́ му́жу, над си́ми да оскверня́тся:

да не оскверни́тся внеза́пу в лю́дех свои́х, во оскверне́ние свое́.

И да не обри́ете главы́ по ме́ртвем, и обли́чия брады́ да не обри́ют, и на пло́тех свои́х да не сотворя́т язв:Lev 19:27; Deu 14:1; Ezk 44:20

свя́ти да бу́дут бо́гу своему́ и не оскверня́т и́мене бо́га своего́: же́ртвы бо го́сподни да́ры бо́га своего́ са́ми прино́сят, и бу́дут свя́ти.

Жены́ блудни́цы и оскверне́ны да не по́ймут, и жены́ изгна́ныя от му́жа ея́ да не по́ймут: я́ко свя́ти суть го́споду бо́гу своему́:Ezk 44:22; Eph 5:27

и да освяти́ши его́: да́ры го́спода бо́га ва́шего сей прино́сит, свят бу́дет: я́ко свят аз есмь госпо́дь бог ваш освяща́я их.Lev 11:44

И дщерь челове́ка жерца́ а́ще оскверни́тся, е́же соблуди́ти, и́мя отца́ своего́ сия́ оскверня́ет: огне́м да сожже́тся.

И жрец вели́кий от бра́тий свои́х, ему́же возлия́н на главу́ еле́й пома́зания, и соверше́нный, е́же облачи́тися в ри́зы, главы́ да не откры́ет, и риз свои́х да не раздере́т,Exo 28:41; Lev 10:6

и ко вся́кой души́ уме́ршей да не прии́дет: над отце́м свои́м и над ма́терию свое́ю да не оскверни́тся,Num 6:7; Num 9:6

и от святы́х да не изы́дет, и да не оскверни́т и́мене свята́го бо́га своего́, я́ко святы́й еле́й пома́зания бо́га его́ на нем: аз госпо́дь.Lev 10:7; Exo 28:38

Сей в жену́ де́ву от ро́да своего́ да по́ймет:Ezk 44:22

вдови́цы же и изгна́ныя, и оскверне́ныя и блудни́цы, сих да не по́ймет: но деви́цу от пле́мене своего́ да по́ймет в жену́:

и да не оскверни́т се́мене своего́ в лю́дех свои́х: аз госпо́дь бог освяща́яй его́.

И рече́ госпо́дь к моисе́ю, глаго́ля:

рцы ко ааро́ну, глаго́ля: челове́к от ро́да твоего́ в ро́дех ва́ших, а́ще ко́ему бу́дет на нем поро́к, да не присту́пит приноси́ти да́ры бо́га своего́:1Ti 3:2; Tit 1:7

всяк челове́к, ему́же а́ще бу́дет на нем поро́к, да не присту́пит: челове́к слеп, или́ хром, или́ корно́сый, или́ ухоре́зан,1Ti 6:14; 2Pe 3:14

или́ челове́к, ему́же есть сокруше́ние руки́ или́ сокруше́ние ноги́,

или́ горба́т, или́ гноеточи́в очи́ма, или́ бельмоо́чен, или́ челове́к, на не́мже суть кра́сты ди́вия, или́ лишаи́, или́ единоя́трный:

всяк, ему́же а́ще бу́дет на нем поро́к от се́мене ааро́на жерца́, да не присту́пит принести́ жертв бо́гу твоему́, зане́ поро́к на нем: даро́в бо́жиих да не присту́пит приноси́ти:

да́ры бо́га своего́ свята́я святы́х, и от святы́х да снест:

оба́че к заве́се да не присту́пит, и ко олтарю́ да не прибли́жится, я́ко поро́к и́мать: и да не оскверни́т святи́лища бо́га своего́, я́ко аз госпо́дь освяща́яй их.Lev 22:9

И глаго́ла моисе́й ко ааро́ну и сыно́м его́, и ко всем сыно́м изра́илевым.