Mat Matouš, kapitola Evangelium podle Matouše, kapitola 21
И҆ є҆гда̀ прибли́жишасѧ во і҆ерꙋсали́мъ, и҆ прїидо́ша въ виѳсфагі́ю къ горѣ̀ є҆леѡ́нстѣй: тогда̀ і҆и҃съ посла̀ два̀ ѹ҆ченика̀,Mrk 11:1; Luk 19:29
Глаго́лѧ и҆́ма: и҆ди́та въ ве́сь ꙗ҆́же прѧ́мѡ ва́ма, и҆ а҆́бїе ѡ҆брѧ́щета ѻ҆слѧ̀ привѧ́зано, и҆ жребѧ̀ съ ни́мъ: ѿрѣши́вша приведи́та мѝ.
И҆ а҆́ще ва́ма кто̀ рече́тъ что̀, рече́та, ꙗ҆́кѡ гдⷭ҇ь є҆ю̀ тре́бꙋетъ: а҆́бїе же по́слетъ ѧ҆̀.
Сїе́ же всѐ бы́сть, да сбꙋ́детсѧ рече́нное проро́комъ, глаго́лющимъ:
Рцы́те дще́ри сїѡ́новѣ, сѐ цр҃ь тво́й грѧде́тъ тебѣ̀ кро́токъ, и҆ всѣ́дъ на ѻ҆слѧ̀ и҆ жребѧ̀, сы́на под̾ѧре́мнича.Isa 62:11; Zec 9:9; Jhn 12:15
Ше́дша же ѹ҆ченика̀, и҆ сотво́рша, ꙗ҆́коже повелѣ̀ и҆́ма і҆и҃съ,
Приведо́ста ѻ҆слѧ̀ и҆ жребѧ̀, и҆ возложи́ша верхꙋ̀ є҆ю̀ ри̑зы своѧ̀, и҆ всѣ́де верхꙋ̀ и҆́хъ.Mrk 11:7
Мно́жайшїи же наро́ди постила́хꙋ ри̑зы своѧ̀ по пꙋтѝ: дрꙋзі́и же рѣ́захꙋ вѣ̑тви ѿ дре́въ, и҆ постила́хꙋ по пꙋтѝ.Jhn 12:13
Наро́ди же предходѧ́щїи (є҆мꙋ̀) и҆ вслѣ́дствꙋющїи, зва́хꙋ глаго́люще: ѡ҆са́нна сн҃ꙋ дв҃довꙋ, бл҃гослове́нъ грѧды́й во и҆́мѧ гдⷭ҇не: ѡ҆са́нна въ вы́шнихъ.Psa 117:26; Mrk 11:10; Luk 19:38
И҆ вше́дшꙋ є҆мꙋ̀ во і҆ерⷭ҇ли́мъ, потрѧсе́сѧ ве́сь гра́дъ, глаго́лѧ: кто́ є҆сть се́й;
Наро́ди же глаго́лахꙋ: се́й є҆́сть і҆и҃съ проро́къ, и҆́же ѿ назаре́та галїле́йска.
И҆ вни́де і҆и҃съ въ цр҃ковь бж҃їю, и҆ и҆згна̀ всѧ̑ продаю́щыѧ, и҆ кꙋпꙋ́ющыѧ въ це́ркви, и҆ трапє́зы торжникѡ́мъ и҆спрове́рже, и҆ сѣда̑лища продаю́щихъ го́лꙋби.Mrk 11:15; Luk 19:45; Jhn 2:14
И҆ глаго́ла и҆̀мъ: пи́сано є҆́сть, хра́мъ мо́й, хра́мъ моли́твы нарече́тсѧ: вы́ же сотвори́сте и҆̀ верте́пъ разбо́йникѡмъ. Isa 56:7; Jer 7:11; Mrk 11:17; Luk 19:46И҆ пристꙋпи́ша къ немꙋ̀ хро́мїи и҆ слѣпі́и въ цр҃кви: и҆ и҆сцѣлѝ и҆̀хъ.
Ви́дѣвше же а҆рхїере́є и҆ кни́жницы чꙋдеса̀ ꙗ҆̀же сотворѝ, и҆ ѻ҆́троки зовꙋ́щѧ въ цр҃кви, и҆ глаго́лющѧ: ѡ҆са́нна сн҃ꙋ дв҃довꙋ, негодова́ша.
И҆ рѣ́ша є҆мꙋ̀: слы́шиши ли, что̀ сі́и глаго́лютъ; і҆и҃съ же речѐ и҆̀мъ: є҆́й. нѣ́сте ли члѝ николи́же, ꙗ҆́кѡ и҆зоꙋ́стъ младе́нєцъ и҆ ссꙋ́щихъ сверши́лъ є҆сѝ хвалꙋ̀;Psa 8:3
И҆ ѡ҆ста́вль и҆̀хъ, и҆зы́де во́нъ и҆з̾ гра́да въ виѳа́нїю, и҆ водвори́сѧ тꙋ̀.
Ѹ҆́трꙋ же возвра́щсѧ во гра́дъ, взалка̀.
И҆ ѹ҆зрѣ́въ смоко́вницꙋ є҆ди́нꙋ при пꙋтѝ, прїи́де къ не́й, и҆ ничто́же ѡ҆брѣ́те на не́й, то́кмѡ ли́ствїе є҆ди́но, и҆ глаго́ла є҆́й: да николи́же ѿ тебѐ плода̀ бꙋ́детъ во вѣ́ки. и҆ а҆́бїе и҆́зсше смоко́вница.Mrk 11:13
И҆ ви́дѣвше ѹ҆ч҃нцы̀ диви́шасѧ, глаго́люще: ка́кѡ а҆́бїе и҆́зсше смоко́вница;
Ѿвѣща́въ же і҆и҃съ речѐ и҆̀мъ: а҆ми́нь глаго́лю ва́мъ: а҆́ще и҆́мате вѣ́рꙋ, и҆ не ѹ҆сꙋмните́сѧ, не то́кмѡ смоко́вничное сотворитѐ: но а҆́ще и҆ горѣ̀ се́й рече́те: дви́гнисѧ и҆ ве́рзисѧ въ мо́ре, бꙋ́детъ.Mat 17:20; Luk 17:6; Jas 1:6
И҆ всѧ̑, є҆ли̑ка а҆́ще воспро́сите въ моли́твѣ вѣ́рꙋюще, прїи́мете.Mat 7:7; Mrk 11:24; Jhn 14:13
И҆ прише́дшꙋ є҆мꙋ̀ въ це́рковь, пристꙋпи́ша къ немꙋ̀ ѹ҆ча́щꙋ а҆рхїере́є и҆ ста́рцы людсті́и, глаго́люще: ко́ею вла́стїю сїѧ̑ твори́ши; и҆ кто́ ти дадѐ вла́сть сїю̀;Mat 7:29; Mrk 11:28; Luk 20:1
Ѿвѣща́въ же і҆и҃съ, речѐ и҆̀мъ: вопрошꙋ̀ вы̀ и҆ а҆́зъ сло́во є҆ди́но, є҆́же а҆́ще рече́те мнѣ̀, и҆ а҆́зъ ва́мъ рекꙋ̀, ко́ею вла́стїю сїѧ̑ творю̀.
Креще́нїе і҆ѡа́нново ѿкꙋ́дꙋ бѣ̀: съ небесе́ ли, и҆лѝ ѿ человѣ̑къ; ѻ҆ни́ же помышлѧ́хꙋ въ себѣ̀, глаго́люще: а҆́ще рече́мъ, съ небесѐ: рече́тъ на́мъ, почто̀ ѹ҆́бѡ не вѣ́ровасте є҆мꙋ̀;
А҆́ще ли рече́мъ, ѿ человѣ̑къ: бои́мсѧ наро́да, вси́ бо и҆́мꙋтъ і҆ѡа́нна ꙗ҆́кѡ проро́ка.Mat 14:5; Mrk 6:20
И҆ ѿвѣща́вше і҆и҃сови рѣ́ша: не вѣ́мы. речѐ и҆̀мъ и҆ то́й: ни а҆́зъ ва́мъ глаго́лю, ко́ею вла́стїю сїѧ̑ творю̀.
Что́ же сѧ ва́мъ мни́тъ; человѣ́къ нѣ́кїй и҆мѧ́ше два̀ сы́на, и҆ прише́дъ къ пе́рвомꙋ речѐ: ча́до, и҆дѝ дне́сь дѣ́лай въ вїногра́дѣ мое́мъ.
Ѻ҆́нъ же ѿвѣща́въ речѐ: не хощꙋ̀. послѣди́ же раска́ѧвсѧ и҆́де.
И҆ пристꙋ́пль къ дрꙋго́мꙋ, речѐ та́коже. ѻ҆́нъ же ѿвѣща́въ речѐ: а҆́зъ гдⷭ҇и и҆дꙋ̀. и҆ не и҆́де.
Кі́й ѿ ѻ҆бою̀ сотворѝ во́лю ѻ҆́ч҃ꙋ! глаго́лаша є҆мꙋ̀: пе́рвый. глаго́ла и҆̀мъ і҆и҃съ: а҆ми́нь глаго́лю ва́мъ, ꙗ҆́кѡ мытарѝ, и҆ любодѣ́йцы варѧ́ютъ вы̀ въ црⷭ҇твїи бж҃їи.Luk 7:29
Прїи́де бо къ ва́мъ і҆ѡа́ннъ крести́тель пꙋте́мъ пра́веднымъ, и҆ не вѣ́ровасте є҆мꙋ̀: мытари́ же и҆ любодѣ́йцы вѣ́роваша є҆мꙋ̀. вы́ же ви́дѣвше не раска́ѧстесѧ послѣдѝ, вѣ́ровати є҆мꙋ̀.Luk 3:12
И҆́нꙋ при́тчꙋ слы́шите: человѣ́къ нѣ́кїй бѣ̀ домови́тъ, и҆́же насадѝ вїногра́дъ, и҆ ѡ҆пло́томъ ѡ҆градѝ є҆го̀, и҆ и҆скопа̀ въ не́мъ точи́ло, и҆ созда̀ сто́лпъ, и҆ вда́стъ и҆̀ дѣ́лателємъ: и҆ ѿи́де.Psa 79:9; Sng 8:11; Isa 5:1; Jer 2:21; Mrk 12:1; Luk 20:9
Є҆гда́ же прибли́жисѧ вре́мѧ плодѡ́въ, посла̀ рабы̑ своѧ̀ къ дѣ́лателємъ, прїѧ́ти плоды̀ є҆гѡ̀.
И҆ є҆́мше дѣ́лателє рабы̑ є҆гѡ̀, ѻ҆́ваго ѹ҆́бѡ би́ша, ѻ҆́ваго же ѹ҆би́ша, ѻ҆́ваго же ка́менїемъ поби́ша.Mat 5:12; Mat 23:34; Mat 23:37
Па́ки посла̀ и҆́ны рабы̑ мно́жайшѧ пе́рвыхъ: и҆ сотвори́ша и҆̀мъ та́коже.
Послѣди́ же посла̀ къ ни́мъ сн҃а своего̀, глаго́лѧ: ѹ҆срамѧ́тсѧ сн҃а моегѡ̀.
Дѣ́лателє же ви́дѣвше сн҃а, рѣ́ша въ себѣ̀: се́й є҆́сть наслѣ́дникъ, прїиди́те, ѹ҆бїе́мъ є҆го̀, и҆ ѹ҆держи́мъ достоѧ́нїе є҆гѡ̀.Mat 26:4; Mat 27:1
И҆ є҆́мше є҆го̀, и҆зведо́ша во́нъ и҆з̾ вїногра́да, и҆ ѹ҆би́ша.Heb 13:12
Є҆гда̀ ѹ҆́бѡ прїи́детъ гдⷭ҇и́нъ вїногра́да, что̀ сотвори́тъ дѣ́лателємъ тѣ́мъ;
Глаго́лаша є҆мꙋ̀: ѕлы́хъ ѕлѣ̀ погꙋби́тъ и҆̀хъ, и҆ вїногра́дъ преда́стъ и҆ны́мъ дѣ́лателємъ, и҆̀же воздадѧ́тъ є҆мꙋ̀ плоды̀ во времена̀ своѧ̀.
Глаго́ла и҆̀мъ і҆и҃съ: нѣ́сте ли члѝ николи́же въ писа́нїихъ: ка́мень, є҆го́же ꙾не въ рѧдꙋ̀ сотвори́ша꙾꙾небрего́ша꙾ зи́ждꙋщїи, се́й бы́сть во главꙋ̀ ѹ҆́гла, ѿ гдⷭ҇а бы́сть се́й, и҆ є҆́сть ди́вна во ѻ҆́чїю ꙾ва́шєю꙾꙾на́шєю꙾.Psa 117:22; Isa 28:16; Mrk 12:10; Luk 20:17; Act 4:11
Сегѡ̀ ра́ди глаго́лю ва́мъ, ꙗ҆́кѡ ѿи́метсѧ ѿ ва́съ црⷭ҇твїе бж҃їе, и҆ да́стсѧ ꙗ҆зы́кꙋ творѧ́щемꙋ плоды̀ є҆гѡ̀.
И҆ пады́й на ка́мени се́мъ, сокрꙋши́тсѧ: а҆ на не́мже паде́тъ, сотры́етъ и҆̀.Isa 8:14; Dan 2:44; 1Pe 2:7; Rom 9:32
И҆ слы́шавше а҆рхїере́є и҆ фарїсе́є при̑тчи є҆гѡ̀, разꙋмѣ́ша, ꙗ҆́кѡ ѡ҆ ни́хъ глаго́летъ.
И҆ и҆́щꙋще є҆го̀ ꙗ҆́ти, ѹ҆боѧ́шасѧ наро́да: поне́же ꙗ҆́кѡ проро́ка є҆го̀ и҆мѣ́ѧхꙋ.